من اهان سلطان الله فی الارض اهانه الله.ترمذی ترجمه دری: هرکس بادشاه خدا ج رادر روی زمین به نظر حقارت بنګرد خداوند اورا حقیرسازد. پښتوژباړه: څوک چ دځمکې پرمخ دالله ج پاچاته په سپکه سترګه وګوري نو الله ج به هغه کس سپک کړي.
د ایمان په رڼا کې راتلونکی فلسطین: د ایمان په رڼا کې څېړنه له هغې سره هیڅ ورته والی نلري چې د پېښو په رڼا کې شوی وي ځکه: ۱- فطري قوانین لوی خدای پیدا کړي دي؛ هغه توان لري چې بدل او یا يې بې کاره کړي لکه چې د اور فطري خاصیت څومره ده خو کله چې خدای و غوښتل ابراهیم علیه السلام یې ونه سوزولی شو - اوبه غرقول کوي خو چې خدای وغوښتل بحر یې دوه برخې کړ. کان کل فرق کا لطود العظیم [سورة شعراء (۶۳)] آیة. هره برخه یې د لوی غره په شان وه. ۲- دا یو طبیعي قانون دی چې خدای ج د هیڅ اولس په حال کې بدلون نه راولي تر څو چې هغوی خپل ځانونه بدل نکړي. د دې مفهوم لاندې مبارک آیت تائیدوي: ان تنصرو الله ینصرکم و یثبت اقدامکم ( سورة محمد آیة ۷) که تاسې د الله ( دین) سره مرسته وکړئ الله تعالی به تاسې بریمن او پښې ( قدمونه) به مو کلک کړي همدا د خلاصون لپاره ده. او که موږ غواړو چې فلسطین بیرته لاس ته راشي نو لار یې همدا ده. خو په لاندې شرایطو: الف: باید له لوړې تر ښکته بدلون راشي، له سر څخه تر پښو باید زمونږ په نفسونو کې بشپړ بدلون راشي تر څو الله تعالی زمونږ په حال کې بدلون راولي. ب: دا بدلون باید د اسلام په رڼا کې وي، ځکه هر بدلون ګې بې د اسلام له ښوونو څخه راشي د خدای کومک ورسره نه وي او نه دا بدلون هغه بدلون دی چې لوی خدای یې غواړي. مونږ ولیدل چې کله فلسطین د نیولو پروګرام وو نو اسلام یې د جګړې له میدان نه بیرون او د یهودي دولت د اعلان څخه یې درې کاله مخکې د اسلامي ټولنې پر ځای عربي ټولنه جوړه کړه او بیا یې یوازې عربي لښکرې د جنګ ډګر ته ر داخلې شوې تر څو نور د اسلامي نړۍ بیرون پاتې شي. او بیا یې د عربي فوځ په مینځ کې د هغو مسلمانانو په ضد توطئه وکړه چې د اسلامي عقیدې په اساس جګېدل تر څو يې له جنګ څخه بهر کړل. او لدې پخوا يې د اسلامي خلافت په ضد د سیسې جوړې کړې وې تر څو هغه هدفونه تر لاسه شي چې وایي: یهودیان باید د فلسطین په لار کې ټول خنډونه له منځه یوسي. فلسطین هغه وخت له لاسه ولاړ چې د اسلام د جنګ له ډګر څخه بهر شو نو یوازې هغه وخت به بیرته لاس ته راشي چې اسلام د جنګ ډګر ته داخل شي. اسلام برسیره په هغه چې مونږ وړاندې تشریح کړي لاندې شیان هم لري: هغه عقیده لري چې د جګړو وضعه بدلون او نتائج یې اړولای شي بشري طاقت لري، سیاسي زور لري ځکه د دې په ځای چې څو ګوته په شمیر بې وسي عربي دولتونه د جګړې تر شا وي ټوله اسلامي نړۍ به د جګړې تر شاه او ملاتړی وي، مالي زور لري. د ټولې اسلامي نړۍ شتمني به چې د ټولې دنیا څخه زیاته ده ددې جنګ نه ځار وي او د خدای هغه کومک به هم را ښکته شي چې وعده یې شوې ده او رښتینې وعده ده. ژباړه: هو که تاسې صبر وکړئ او له الله تعالی څخه و ډار شئ او همدا اوس تاسې ته دښمن راشي نو ستاسې رب به له تاسې سره په پنځه زره په نښه کړو شوو ملایکو سره همکاري وکړي. دا کومک ندي ګرځولی الله تعالی مګر یوازې یو زیری تاسې ته او د دې لپاره چې ستاسې زړونه پرې ډاډه شي که نه نو فتحه او بری خو یوازې د الله تعالی له لوري دی چې په هر څه برلاسی او د حکمت څښتن دی.