انا ليبيا من افضل الشعراء عندي مصطفي كامل .. بس تمنيت انك تضع اغنية متشكرين للراحل حسن الاسمر .. قمة الروعة كلمات والحان شي خرافي تعتبر عندي من اجمل اغاني الراحل بعد كتب حياتي ياعين .. رحمة الله عليك يا حسن
انا من السعوديه وبالنسبه اغنيه تسلم الأيادي احبها جدا لانها نابعه من القلب وفعلا الشاعر قالها من قلب صادق بحبه لمصر العروبه ولما اسمعها تدمع عيوني...... وياليت يتم عمل لقاء مع هذا الشاعر / مصطفي كامل حرام عليكم تتجاهلونه ===============================
naser Najjar شكراً على المشاركة واتمنى تشوف كل الفيديوهات... أي مطرب عموماً هو للجمهور كله والاعجاب بيه دايماً يتقدر... انا شخصياً بحب اغنيات كتير ليه... بس انا مقولتش انه بيغني وحش أو انه ملوش اغاني حلوة... انا قلت انه لما غنى بنفسه مبقاش بيعطي كلماته الجميلة لمغنيين اخرين وده أثر عليه فنياً بالتراجع نوعاً ما
مصطفى كامل فنان شامل ولا يمكن حد يقدر يمحي تاريخه ولا تاريخ نجاحاته مع كبار المطربين والمطربات .. ولما ابتدى يغني ملقاش حد يوجهه كويس زي ما كان هو بيوجههم ويقف معاهم عشان العمل يطلع بأحسن شكل .. لذلك هو بعد ما نجح في اول اربع او خمس البومات .. حصل تخلي شديد من زملائه ومن الشركات وعمل شركته لوحده رغم المحاربات اللي واجهها الا انه اثبت نفسه وما زال ناجح ومعروف .. دا حتى الكلمات بطلوا يطلبوها منه رغم انهم عارفين ان كلماته هي مقياس نجاح لاي فنان يتعامل معاه .. ووقت عطلته عن الكتابة ظهر شعراء كتير سيطروا ع الساحة .. رغم انهم مشهورين واغانيهم محققة نجاحات .. الا انه فيه مشاكل جامدة في الكتابة الا القليل منهم .. ودي بتوضح لو ركزنا مع كلمات الاغنية .. هنلاقي التوزيع بيداري عيوب كتير في الكلمات .. ومصطفى كان مطلوب لسلاسة كلماته بتبقى سهلة التلحين والتوزيع .. تحياتي لطرحك الرائع ورأيك الجميل في هذا الفنان الكبير
الفنان مصطفى كامل شاعر رائع فوق الوصف وكاتب فوق الوص هو طبعا دة اكيدله لون خاص وطبع خاص فى كتاباتة واشعارة واانا بموت فى كل الاغانى بتعتة كلهااحساس رائع ورقة فى الحضورتسلم الحنجرة الذهبية ويبارك فيه ربنا
صدقت حقيقة أن الاستاذ مصطفى كامل نابغة ولم ولن تأتى الساحة الفنية بمن يكون انسان بصفاته واحاسيسه المرهفة وكلماته المعبرة عن الحب أفراحه وآهاته واحزانه وللعلم كل اغانيه وكلماته احلى كلام جميل متمكن الأداء وجمال الروح وروعة الاحساس عندما سمعته لم ولن اسمع غيره أحببته انسان وفنان الحقيقة كل أغانيه حلوة وأحبه من قلبى المشتاق لسماعه الله عليه ياسلام والاغنية التى حازت اعجابى (اسألوا الأيام عليا وأدينا ماشين مع الأيام وووكلهم ) حبيبى ❤🌹الاستاذ مصطفى كامل 🌹 اسم على مسمى ٠ سودانى مقيم بمصر منذ سنين محب ومعجب مع أمنياتى له دائما للأبد بالنجاح والتوفيق.
أكثر أغاني باحبها له رحلة عمري - بخاف - ماشي - ياريتني - المفروض - الحب الحقيقي ... الخ ، وفي رأيي أنه لم يكن خطأه الأكبر عندما قرر الغناء لكنه أسقط نفسه نهائياً لما قرر انه يلحن لنفسه ولما أعلن رأيه السياسي وظهر كتير في الاعلام فانكشفت ضحالة شخصيته التي كانت مختبأه خلف موهبته الكبيرة
١- اغنية قشطة يابا اغنية فيلم تعبر عن حالة فيلم ومشهد في فيلم تتماشى مع سيناريو الفيلم وليست اغنية أساسية في البوم 👌🏿👌🏿👌🏿 ٢- عندما غنى مصطفى عمل اغاني كتير للمطربين وعمره ما استخسر يكتب اغاني للمطربين خلال مشواره الغنائي
الا سطورة مصطفي كامل دا في اغاني كتير في التسعينا ت انت مذكرهتا ش للنجم الشاعر مصطفي كامل اسطوره في كلمات الا غاني وانجح المطربين في مصر والعالم العربي
مصطفى كامل افضل شيء عمله ..انه صار يغني صوته تحفه وصوته افضل من المطربين وما في اي مطرب بدخل قلبي ك صوت او ك كلمات غير مصطفى كامل عنده صوت كا حد بقدر يجيب صوته الحله الحزين وما في اي حد بقدر يجيب احساسه لكا يغني واحساس اغانيه يعني لو بدي احكي كمان بدي اقعد سنوات لا تعد ولاتحصى
برافو يا مروان حلقة جميلة. بس أنا شايف إن إنك ظلمته بمدة الحلقة القصيرة 😂 بصراحة مصطفي كامل أنا عن نفسي مبحبوش كشخص بس محدش يقدر ينكر إن مصطفي كامل من أكبر شعراء الأغنية في مصر. مصطفي كامل من الشعراء ال قليلين إللي كنت تشتري الشريط تلاقيه كله تأليف مصطفي كامل مع أي فئة من المطربين و له الفضل إن مطربين كتير يظهره بقوة زي العبقري بهاء سلطان لما عملها ٦ أغاني من أصل ٨ أغاني في البوم ياللي ماشي أول البوم ل بهاء سلطان سنة ٩٩. و برده مصطفي كامل ليه الفضل أنا مطربين عملاقة يرجعوا بقوة للجمهور علي أيد مصطفي كامل زي الفنان هاني شاكر لما مصطفي كامل عملها ٤ أغاني من البوم ياريتني هما إللي كسروا الدنيا و رجعوا هاني شاكر تآني بقوة ع الساحة. و برافو عليك جدا يا مروان إنك لاحظت طريقته في الكتابة أنا كنت مسميها طريقة الرص بحرفنة زي ما قلت قبل يا مروان إن تامر عاشور هو ملحن الجمل الطويلة نقدر نقول إن مصطفي كامل هو مؤلف الجمل الطويلة و الكلمات الغير مكررة ذات معني واحد و حرفية مصطفي كامل إنه بيقدر ينهي الكوبليه بنفس قفية بدايته بعد ما المستمع بيكون تاه مع جمال الكوبلية و ينسي هو بدء إزاي. و فى النهاية مصطفي كامل من الناس إللي نهت نفسها بنفسها عشان ال أنا عنده عالية جدا. أنا فاكر لما مصطفي كامل بطل يكتب الساحة الفنية كانت فاضية و مافيهاش كلام يتكتب. و من وجهة نظري اختفاء مصطفي كامل أعطي فرصة ل شعراء كتير يظهروا و من اشهرهم الشاعر الغنائ رقم واحد الان ايمن بهجت قمر. أسف للاطالة و شكرا جدا ع الحلقة الجميلة دي.
أنا مهدي كامل من تونس ...أنا تربيت على احاسيس و مشاعر و ابداعات مصطفى كامل منذ التسعينات من خلال اغانيه الرائعة للفنان الكبير هاني شاكر و ايهاب توفيق و عمر دياب و محمد فؤاد و بهاء سلطان ..لم اكن اعرف انه شاعر كبير تفاجأت عندما عرفت ان كلمات الحلم الجميل الاستاذ هاني شاكر هي من كلمات مصطفى كامل في آخر الفيديو كليب فأصبت بالصدمه لأنني اعرف انه فنان يغني و كنت أحب كل اغانيه إلى حد الجنون من اوائل الالفيه فبحثت و اكتشفت ان جل الأغاني الناجحة جدا للفنانين الكبار من تأليفه هو فعشقته بعدما كنت أحبه ....
مصطفي كامل - فنان شامل : أهم و أفضل شاعر غنائي في مصر و الوطن العربي كله و حقق نجاحات و علامات مع عمرو دياب و محمد فؤاد و محمد منير و هاني شاكر و إيهاب توفيق و خالد عجاج و محمد محي و هشام عباس و حلمي عبد الباقي و حكيم و صابر الرباعي و وردة الجزائرية و عفاف راضي و محمد رشدي و نانسي عجرم و هيفاء وهبي و باسكال مشعلاني و عامر منيب و علاء عبد الخالق و مجد القاسم و أحمد جوهر و مادلين مطر و داليا و رحمة و حميد الشاعري و إبراهيم عبد القادر و أمين سامي و محمد زياد و نادية مصطفي و طارق الشيخ و علي الحجار و فارس و هشام نور و خالد علي و هدي و عصام كاريكا و أحمد العيسوي و علي حميدة و محمد عاطف و حسن الأسمر و غيرهم كتير - و أكتشف نجوم كتير و صنعهم و بدايتهم كانت معاه : شيرين عبد الوهاب - بهاء سلطان - حمادة هلال - أحمد كامل - صديق صاصا - سعد الصغير - أحمد عجاج و غيرهم كمان - و لحن أغاني كتير لهاني شاكر و بهاء سلطان و حمادة هلال و هيفاء وهبي و أحمد كامل - و عمل ألبومات كسرت الدنيا لأن إسمه تريد مارك " علامة بمعني الكلمة " و كل الناس كانت بتشتري الألبومات اللي مصطفي كامل كاتب فيها اغاني ياما لو مش لقوا اسمه مش بيجبوه و أنا كنت من الناس دي - كل المنتجين زي محسن جابر و نصر محروس و طارق عبد الله و نصيف قزمان وغيرهم كانوا بيطلبوه بالإسم علشان عارفين إن إسمه مع أي مطرب هايكسر الدنيا و الألبوم يضرب في السما ويكسبوا من وراه - و كل الشعراء في جيله أو بتوع دلوقتي بيقتبسوا مفرداته و ألفاظه و بيتعرفوا بـ ده و بإن مصطفي هو اللي خللي قيمة لمهنة الشاعر و الكل قال كده زي أيمن بهجت قمر و بهاء الدين محمد و نادر عبد الله و أمير طعيمة و ملاك عادل و أحمد المالكي و صابر كمال و أحمد حسن رؤوف و تامر حسين و هاني عبد الكريم و عنتر هلال و إسلام خليل و غيرهم - مصطفي كامل نجح نجاح ساحق كنقيب موسيقيين و قضي علي الفساد تماما و بعد كل الحرامية و وقفهم عن العمل و جاب ناس محترمة و قدر بكل قوة يضرب بإيد من حديد و يسيطر علي مشكلة ( المهرجانات ) و مابقاش في أي واحد منهم يقدر يقول لفظ خارج و كمان زود المعاشات و التكريمات و ساعد كل الموسيقيين و كل الغلابة بالكامل داخل النقابة و لسه مستمر بقوة أكتر و أكبر كمان - مصطفي كامل كل المطربين الشباب نفسهم يكتب لهم أغاني جديدة و هو هايرجع كشاعر بقوة مع كل النجوم - مصطفي كامل تاريخ من الأخر
متنساش يا مروان أن حماده هلال وبهاء سلطان وشرين من اكتشاف مصطفي كامل واول اغنية لبهاء سلطان كان لحنها علي اغنية لابن مصطفي كامل ف عيد ميلاده انا من رأي أن مصطفي كامل كان هو السبب الأول ف نجاح مطربين التسعينات واول الالفينات ومصطفي كامل بدأ يلحن سنه 1994 واول اغاني كانت من لحن لمحمد فؤاد هودعك وعلي فكره هو كاتب لمحمد فؤاد تقريبا 13 البوم وغير الأغنية العملاقه اللي كتبها لهاني شاكر وعن راي أنها من افضل ماكتب اغنية سألتك مصطفى كامل موهبه مش هتتكرر تاني
لازم تعيد تقييم الشاعر الكبير مصطفى كامل لأن ليه أغاني لكل كبار المغنيين وصغارهم من جيل التسعينات تقريبا مافيش حد ماغناش كلماته .. دي حاجة الحاجة التانية إنه اكتشف نجوم زي بهاء سلطان .. أتفق معاك فى الرأى إنه ابتدي يبعد لما غني بنفسه لكن لو مكنش خد الخطوة دي مكنش حد عرف إن دا مصطفى كامل.. أغنية قشطة يابا لون مختلف عنه رغم إنها اقل كلماته .. وزي ماقلت إنه تاريخ كبير من النجاح مع المغنيين .. تحياتى
