انا سمعت المسلسل اكتر من مرة كل يوم وأنا بجهز الفطار وكل مرة اضحك اكتر .. محمود مرسى يجنن ف. المسلسل ودمه خفيف جدا والله لو عملها فى التليفزيون كانت تجنن .. وعمر الحريرى جميل برضة هو ومحمد رضا ربنا يرحم الجميع وشكرا جدا يااستاذ هانى تحياتى لحضرتك
واااااوووو بجد انا بدور عليها من زمن سمعتها على نحوم اف ام مسلسل مش طبيعي كوميديا محصلتش بجد بشكرك لو اقولك انا كنت بدور عليها بشكل مش طبيعي ...شكرا ليك
السلام عليكم ورحمه الله وبركاته أكثروا من زيادة التقرب إلى الله ومن ذكر الله يا احباب الله اسألكم الدعاء وللجميع ولكم بالمثل وزياده خاصة بتفريج الكروب و الشفاء العاجل اللهم امين
جميلة جميلة جميلة جميلة مش ممكن خفة الدم مش ممكن سناء جميل دي مصيبة المسلسل كله كمية بهجة وخفة دم طبيعية وإفيهات لذيذة حقيقي جميلة جدا شكرا جدا جدا أستاذ هاني 09 يوليو 2023
البداية كانت مع الحلقات دي، بعد كدا اتحولت بنفس التفاصيل (مع تغيير حسن مصطفى بمحمد رضا وتغيير لقب عيلته من الخضراوي للأخضر & وتغيير محمود مرسي بعمر الحريري & وهالة فاخر بعزة بهاء & ومحمد ولاء الدين بصبحي خليل) لعشر سهرات بنفس العنوان سنة 90، بعد كدا الجزء الأول من ساكن قصادي كان استكمال للأحداث مع قصص منفصلة متصلة (مع تغيير عزة بهاء بميرنا المهندس وصبحي خليل بمحمد الشقنقيري مع تغيير نمط الشخصية ليكون خفيف بدل م يكون جاد) 1995، بعد وفاة محمد رضا اتعمل جزء تاني 1996 "بعد هدم الفيلا وبناء عمارة بدالها في الأحداث" وتم استبدال ميرنا (لانشغالها بالجزء الرابع من يوميات ونيس) بهبة كامل بعض القصص الواردة في ساكن قصادي اتمثلت في مسرحيات ومسلسلات وسهرات أخرى لنفس المؤلف (يوسف عوف زوج خيرية أحمد) وبالمناسبة أخوه كان ضمن الطاقم الأساسي في المسلسل بجزئيه، عبد المنعم عوف، اللي هوا برضه فنان إذاعي مشهور
روعة وتحفة اخبارك يا مبدع طمني عليك كل عام وانت بألف خير يارب ليا طلب عندك بعد اذنك عاوز مسلسل مش لاقيه مسلسل اذاعي سها هانم رقصت على السلالم فؤاد المهندس وشويكار لو تكرمت وأسف للاطالة تحياتي لشخصك الكريم
تحياتى ليك يا استاذ محمد - شوفت قبل كده عنوان عن مسلسل سها هانم رقصت على السلالم - انهم كاتبين ان المسلسل ضاع فى الاذاعة و محدش لاقيه و الله اعلم انا شخصيا عمرى ما سمعته على اى قناة فى الاذاعة و طبعا لو اتذاع كل اصحاب القنوات هيسجلوه
@@Lavieenvert3696 دورت والله ، وكل ما يبدأ التحميل ، يقف لوحده ويقولي فشل التحميل مع ان في مساحه وعلى طول بحمل افلام على الموب ومسلسلات اسمعها بالسيارة لو حاسوق مسافات طويله
مين قام بدور حسن؟ شاهيناز اظن هالة فاخر كمان نجاح الموجي مش في المسلسل ، ده محمد الصاوي و محمد عبد الجواد و احمد حلاوة وسيد حاتم اللي بيقوموا بادورمتنوعة
لو المسلسل تقسم حلقات يكون افضل لان صعب ان الواحد يقدر يرجع لنفس الدقيقه ده غير أن كل حلقه تاخد عدد مشاهدات وليكات وتعليقات غير لما يكون المسلسل كله فيديو واحد
اية ده 🤔.. هو ده مسلسل صباح الخير ياجاري اللي كان معمول للتلفزيون وكانت خيرية احمد ومحمد رضا جيرن سناء جميل وعمر الحريري؟!! هو طلع معمول من زمااان كدا للأذاعة قبل التلفزيون؟؟!
أيوه كان قبل المسلسل و اتحول لتليفزيون بسبب نجاحه في الإذاعة، و نجح أكتر، و هالة فاخر هي اللي عملت دور شوشو اللي غيروا اسمها في المسلسل ليلى، بالنسبة لحسن مش عارف أحدده