سلام صفية❤ والله غير بكيت من قلبي على المخلوقة فنات عمرها تخدم على عايلتها وخاصة انت ختها وهذاك اللئيم ألي راك متزوجة بيه ... حسبنا الله ونعم فيه ... لكن لخطأ تاعك انت ألي رضيتي توكلي راجلك عرق ولية ومدبرتيش عليها وقلتيها يا ختي ديري دار باش تلاقايها في عقايبك كانت حاليتلك غير هاتي هاتي يا ختي والله غير عيب عليك نوضي لهذا زوج ديريلو جماعة وأمام المسجد وقوليلهم على الرزق ألي كلاه من خيرها . واكريلها دار قريبة ليك وأصرفي عليها وأخدميها انت وبناتك خلي ختك تكمل وش بقالها من ايام معززة مكرمة 😢😢😢 جيبيلو الامام يخوفوا بالله الظلم رآه ظلمات والحقرة ماشي مليحة ... هذ الراجل راح تجيه دعوة شر من ولية قوليلوا خاف ربي وخاف على عقايبك. .... لا حول ولا قوة إلا بالله لكن ختي تبانلي شخصيتك ضعيفة ولى انت تاني أنانية انت وبناتك....... من آخر دبري راسك كيما كانتلك سند كونيلها سند ....
الكلمة الاخت المريضة ربي يشافيك اختي وبزاف كانو في الحالة تاعك وبراو نصيحتي لك عودي الى فرنسا والى عملك ولمي قد سكنة شريها في البلاد وحاولي ديري لروحك دخل مثلا منحة البطولة او المرض او مشروع وكوني قوية وربي معاك
ناكر الجميل والله راجلك رخيس وش ننصحوك يا ختي اختك مريضة ودارت الخير فيك خدمت عليك وعلى راجلك لوكان كراتلكم الدار اكريلها دار صغيرة قدامك وكل يوم تروحي تخدميها ومتخليهاش تتمرمد عند بن خالة امك وانتوما خواتاتها تخليتو عليها ربي وكيلكم وشمن قسوة الحل انت واخواتاتك ديرو كما قتلك اكرولها ورجعو خيرها هذه هي راجلك قلو يا ناكر المعروف يجيبهالك ربي
حسبنا الله ونعم الوكيل في هذاك اللللللللل بغيت نسميه وخفت من ربي الله يجيبهالو والله نتمنى يولي أفقر ملي كان وهي إنشاء الله تبرى وتولي أقوى ملي كانت وتولي غنية اكثر من ما كانت أو هو يجري موراها كي توتو أو متاطيلوش دورو هاه جاتني الدمعة الله معاها اما نتي جيتي بين نارين مالقيت ما نقلك
حق الخير هادا رد الجميل المهم هادي عبرة أصحاب فرانسا المتغربين و في اخير هادا هو جزاتهم حلو عينيكم وديرو قبر الدنيا دارك تستر عارك انا وحدة ديت عبرة وتوعيت مليح مليح
قبلما نسمع لحكاية .واش نقلكم يا خواتاتي راني مكوية من ناكر الجميل راجلي ماهو قابل حتى واحد من أهلي بعدما دارو فيه غير الخير حتى والديا مش قابلهم يزوروني راني في حيرة 😢
ادعي في سجودك ربي اهدي لي زوجي وسخره لي اذا داومتي عليه مع الصدقة بنية اصلاح الزوج ومع الحوقلة والصلاة على النبي والاستغفار معجزة صدقيني راح تكتبي لي تعليق وتقولي لي تبدل 180درجة
لا حول ولا قوة إلا بالله العلي العظيم، ،،، هذا هو جزاء الخير ،،،، يشبعو فيك لما تكوني بخيرك و لا بأس عليك،،،،و غير تحتاجيهم يرموك كالكلب و يزيدو يعايروك، ،،،، للاسف الشديد هذا الموقف عشته و نعرف مرارته حسبنا الله ونعم الوكيل في كل ظالم. ،،،،
ياصحبة القصة زوجك يخوف تاخفي انت على روحك الأرض شرتها اختك لوكان كتبتها على اسمك ممكن يعود عليك الزواج انسان ليس انتاع خير اتهلي في اختك زوريها ابعثيلها الدراهم
هذا، امريض، من، راسو، احنا، ناس، ما داروش، فينا، الخير او ما اوقفناش، في اوجوهم، هكذا، يالطيف، ربي، امعاك، قومي، ليل، او كثري، لا حول ولاقوة الا بالله العلي العظيم ، وكثري، الاستغفار ، وربي، ايبدل، الأحوال
هذا ينخاف منو كي كانو دراهمها كانت خرمن يماه بدل أمو بخت زوجتوا وحطها في منزلت الأم الي مايجي حد في بلاصتها وكي راحو دراهمها رجعت برانيا نتي في نفسك خافي منو وختك ليها ربي
لو كان جات فحلة او أنانية ما كانتش سمعت بيكم خلاص،،،،و شرات لنفسها دار و كراتها كيما عاملين كامل المغتربين، ،،،في هذي الحالة كنتم رايحين تخدموها بعينيكم اذا رجعت مريضة،،،، انت و بناتك و حتى راجلك طمعا فيما ستتركه، ،،،و درك حاسبة روحك ماعلابالكش واش رايحة تعملي بعدما ديتولها كلش و معاهم تعبها و حبها الصادق ليكم. ،،،،،حسبنا الله ونعم الوكيل في كل ظالم، ،،،
اكبر غلطة دارتها اختك كي دارت السكنة في اسم راجلك والحانوت في اسمو كانت دايرة النية وربي يعطيها على حساب نيتها ربي يشافيها وماتسمحيش فيها اذا فيك الخير
هنا نرمالمو كل واحد يدي العبرة ديك دار ليشراتها للنسيب لكان شراتها ليها و سكنت فيها ختها والله. الناس ولات تاع مصلحة عندك دورو تسوا دورو ليقالها مغلطش ربي يشافيها
حورية مسكينة لحنانة نتاعها خلاتها تتحڨر من اللئيم راجل أختها حسبنا الله ونعم الوكيل فيه؟! لوكان كانت فحلة راهي دارت تاويل لعمرها وشرات دار في بلادها ماشي دارتها لراجل اختها اللئيم! صدق من قال: إذا أكرمت الكريم ملكته وإذا أكرمت اللئيم تمرا! وأنت يا أخت حورية كيفاه راهو مطاوعك قلبك تقعدي هكا؟! روحي لأختك لي كانت في بلاصت ماماك وخيرها وفضلها راهو عليك وعلى راجلك وذريتك!؟ والله العظيم كما خرجت من عندكم مقهورة راح ينتقم لها رب العالمين أشد الانتقام لأنها عملت معاكم كل إحسان وكان الواجب رد الإحسان بالإحسان!؟
شوفوا ياناس دوركا ناس غير تاع مصالحها حتى الحاوة ولحواتات راهم تاع مصالح كل واحد راه بولادوا يتهلا فيهم الدنيا مترحمش ولازم الواحد يدير حساباتي للدنيا حتى واحد متلقاياه
علاش مكونتيش تقولي لي ختاك ميو كنات في فرنسا كون قلتلها ديري تويل ودري دار حرام علكوم حتى نتمنا كنتو طمنيني والآخرة ترجع لفرنسا عندهوم الحق للمرؤة وداني رحها انتما تهالو في ختكوم وهوا مزال رابي يجيهلاه الجنان مي يطلاع حلاه صعيب رشيدة وهران
يحليله زوجك قله كاين رب فوق الناس الكل كما تدين تدان لو طال الزمان لو كان كيرلها دار بجنبهم وقامو بيها على الأقل ليش مسكينة تخلوها تروح الغريب ربي يهديه قبل فوات الاوان
ربي يجيبهالو نكار الخير . كي كانت بصحتها و دراهمها كانت خير من يماه . اهدري مع خواتاتك و رجالهم يهدرو معاه. يرجعوه لطريق على خاطر ماعندوش الحق. وانتي ما ننصحكش تطلقي على خاطر ريحة تلقاي روحك برا. الدار على اسمو . بصح ما تخافيش الخادع يروح وداع و الله يمهل ولا يهمل .
يا بنتي هذا ربي حب يفتحلك عينك والسبة أختك باش تعرفي طينة راجلك ما يسواش وكيما دار مع اختك راح يدير معاك اذن ابداي خوذي حذرك منو وشوفي كيفاش تخبي ادراهم لعقوبتك بلا ما يعرف خاطر هذا اول ما تمرضي يجيبلك واحدا تعيش في خير ختك لازم تربيه وشوفي كيفش تكتبي ادار على اسمك اذا قدرتي وربي يكون مع اختك
