الله ياسجاد الغريب💔 انسجنت لان حجيت كلمة الحق كلماتك وكفت بوجه كل فاسد وضالم لهذا السبب سجنوك بس راسك مرفوع لان انت عراقي اصيل الله يحفضك ويحميك من كل شر يااارب #احترامي
يااخي انته تجبر الشخص يحبك ، فدوة لعروگ رگبتك من تصيح للوطن ، اني من رأيي اشوفك شاعر العراق الاول بالقصيدة الوطنية بين الشعراء الحاليين المتواجدين بالساحة .. ربي يحفظك سجودي ويحميك ياحبيبي ..
هلبت تتعض ياوطن من تطيح بعت روحك لوادم ما الهم عازة على چتافك شلتهم گدت بيهم گود ركضوا من طحت و انطوك عكازة انت اول وطن لدموعة خمس اوكات من تجوع تبچي وحيل تتوازة من تنطي شهيد وتدري دمة يضيع بحلگ اهل البطون الردتة جنازة تبچي على الحسين وانت هم عطشان تذبح بالبهايم و اللطم تازة لآ ماخذ عبرتة و لآ شلتلك سيف وطن ماينفهم و يحير عجازة بلد متروس هم من الجدم للراس اليتيم بيتة يترس كضة البازة يا اغنة بلد بس صيتك شمنطيك ؟! تنطي بهالشباب تقدم عوازة بحجة دفاعاً على الوطن على الگاع راح ابن الحنينة الواجب اعتازة يمتى يقور دمك و الضمير يصيح ونگول الوطن ما ضحة بعزارة يمتى تشگ صدرهم شگة الطليع تاخذ ماي وجهك و الچفوف تهد بصدرك چم جرح و تطمة حتى تگوم ياجرح التعوفة و يا جرح ينشد دم سبايكر حارگ جروف الماي يبرد دم اخواي الفزعة من تبرد بيبان شكثر فاتح الناس هواي طحت گبالهم بيوتهم تنسد كافي تلم غرب سد باب گلبك حيل ياخذ خيرك و بصدرك يفرهد كافي من الخطوط الحمرة كثرو بيك العبادة للسما مو للبشر تعبد .
