شكرا حبيتي وبصحتك راني رجعت البارح قعدت عشر ايام في البجاية والله ما ننساها ديت كلش من البيت لازم المراة تكون ذكية وتعاون الزوج في تدابير كيما هادو كان راجل يشري فقط اللحم و السمك بصح راكي نسيتي المساسك تاع النشير الملابس و لوازم الإستحمام وساشي تاع لابوبال
انا فنضري هزيت عليك حمد لله عجبتني هك خير تحافضي على جيبك وجيب زوجك كل ميجي موسم الصيف نج نطل على هاذ الفيديو ههههه نخاف ننسا تفكريني كلش غالي صح وتخافي من التسممات رب يعافينا
نفس تحضيراتي حتى علب لافاني والله ندير فيهم الكسبر والتوابل هههههه ، لي يقولوا مانطيبش انا ساعات ناكل في المطاعم لكن شحال من مرة وصلوا بناتي للتسمم ونعشيو في السبيطارات
اعطيك الصحة حبيبتى ام رسلان نموت اعليك كى ديري تدابير وخاصة السلة كون شفتها والله ما نعرف لواه تدار. ومنين شرتيها ديما تنعتينا حواج نستفيدو منها الله يجزيك وربي يحميك وعطلة سعيدة
البحر يوكل ووحدة لي تكري بزاف يامات متقدرش تاكل كل دقيقة برا وكل شوية لاكريم تحوسي تصرفي ومع البحر والعيد والقرايا مصاريف اللهم واحد يكري يدي حوايجه من داره يرجع شغل عايش في سكنة مي عند البحر بسك باه تكري في اوتال وتاكلي كل يوم برا يشحطوك بالدراهم وكل واحد وتخمامه
والله غير يعطيك الصحة كنت محيرة واش ندي واش نخلي كانت في بالي ندي كلش وخلاص بصح شاهدتك راني نحضر واش حضرتي نعم كاين منها شفنا دار في تونس في كلش وضك مانعرك فيها ولا لا
صباح الخير اختي والله طليتى على قلبي اسبوع قادم عندي فاكونس كريت بصح كوزينا فيها فورنو و ثلاجة فقط وجدت تقريبا واش وجتي ونزيد نكمل معاك ❤احلي ليك حبيبتي عطلة ممتعة 👍👍👍🌞🌞🌞🐋🐟🐬
كيفاه مالا تبحري مصروف الكرا فالسماوزيد مصروف الرسطوات هكذا تخرج في عشرين مليون غير سمانة علبيها ولات الناس يهربو لتونس الكرا رخيس ميتين الللة خير من هنا السرقة عيناني
السلام عليكم ورحمة الله وبركاته يعطيك الصحه و العافية باينه فحله خممتي في كلش ربي يبارك ولهتينا لبوابة حوائج تعيشى صاك نتاع البحر منين شريتيه عجبني ماعندي الوقت باش ندور و نحوس تعيشى ديري فيا مزيه كبيره😍😍😍😍
يعطيك الصحة ختي وحبيت نقول للناس لي تعلق علاه ديتي وعلاه قلتي كل واحد حر في حياته والمخلوقة عطاتكم افكار تستفاد من النعمة لي عندها خير ما تخليها وتخسر وربي يحاسبنا بعيد على الميزانية والدراهم . شمرو على الذرعين وخلينا نشوفو الشطارة ناس قلوبها مريضة تنتقد لمليح والشين .
سلام عليكم والله مع كل احتراماتي ونتمنى انك ماتفهمينيش خطأ بالصح والله دوختيني انا والله مانطيب كي نروح فاكونس عام كااااامل وانا نجاهد فالدار والخدمة حتى قلبي يخرج وزيد كي نروح للبحر نطيب؟ والله مانروح من أصله ونخير مانروحش خلااااص
واش راح ديري الماكلة في بلادنا ما كان ما كان وتخافي التسمم ولي عند اولاد صغار هذا بلا الغلا يا اختي وسيرتو لي عند عائلة كي حالتي تسقاملي بزاف والله ما تلقاي الحل بصح راني معاك نحب نحوس وناكل برا مي الله غالب انا من تعب نتاع البحر وزيد الطياب حكموني لي فاريس من الوقفة بزاف الله المستعان
بل عكس نخسرهم فل كراء ومنخسرهمش فل ماكلة تع برا فيها تسمم صيف هدا مرات مرات ناكلو برا مرات ناكلو سندويتشات جاتنا لادياري حشاك ولقيا قريب متنا ربي سترنا حلفنا غير ندو كلش ونطيبو داخل
العكس اختي مجتنيش غريبة مام انا نفكر نفس تفكيرك ندي معايا حتى البصلة والثوم هكذا باش نوفر قدر المستطاع باش كشما يعجبني نشري متروحش دراهمي كامل في حوايج عندي
عندك حق كامل نخممو نفس التخمام ماكانش كيما حاجة يدك علابالك كيفاش مغسولة ووش فيها نظافة وتوفير في نفس الوقت برك تعيشو قولولي هاديك السلة لي تحكم سخانة بشحال تدير ووين نلقاها
