مو معقول ، الاستاذ ذات نفسه!!🥺😆 شكراً من كل قلبي استاذ واتمنى ردة فعلي على الـ ٩٩ بالرياضيات تكون كافية حتى تعرف شكد اكو ناس تحبك و تدعيلك و معتمدة عليك الحمدالله ثقتي بتدريسك وانُ انت الصح طول السنة ما خابت ، وشكرراً♥️♥️
@@Haider_waleed استاذ الله يخليك احنه طلاب الرابع محتاجيك والله اني كلش ضعيفه بالرياضيات ولله فضل الله ثم فضلك طلعت ٩٤ هاي اني اعلى درجه عندي بالثالث كله اشكرك استاذ وهسه نتمنى منك تكمل منهج الرابع الله يحفظك استاذ 🙏🙏👑
حالياً طالبة سادس دفعه2024 دخلت على اليوتيوب علمود ادرس كيمياء بعد شهرين على امتحانات الوزاري وطلعلي هذا المقطع كلش شجعني اكمل يارب ترزقني هاي الفرحه وترزق كل طالب يارب❤
داكتب ودموعي تنزل متتخيلين شكد تأثرين بية وشكد داتنطيني امل انو اكمل اني معدلي ٩٠ وعدت لحد الآن مانسة اللحضه الي جتي بيها النتيجة عكس توقعاتي تماما أتمنى من رب العالمين يجبر بخاطري ويعوضني على كل لحضه عشتها ورة نتائج يارب يعوضني بل سنة الثانيه عوض ينسيني كلشي
ربي يوفقك اخي انت رجال عاشت ايد اهلك ؏ تربيتك المعدل الدراسي مو مقياس والله الشخص اذا يريد يكون ناجح بحياتة يبني نفسة من ابسط الاشياء ربي يوفقك ويسعدك♥️♥️♥️.
@@user-ez1hb9hr9k جنت متوقعه الفيزيا فرع ع الاقل غلط بس كتبت الي اعرفه وماعفته فارغ وجنت خايفهزخاف رسم مو حلو او شي وينقصون وفرع جنت ممتاكده منه ابد اما الكيميا جان اول فرع بي غلط وهم حليته ع الي اعرفه وجوي هيج اصلا بيوم الفيزيا رجعت ابجي واكول ليش مااجلت ومقبلت امتحن فرنسي الي هي اخر ماده بس بعدين امتحنت وهاهيه
الحمدلله الله يوفقج ويسعدج اني همين امتحنت دور اول ثلاث مواد هي انكليزي ٩٧ واحياء ١٠٠ ورياضيات ٩٩ وبالدور الثاني امتحنت عربي ٩٧ وكيميا ١٠٠ وفيزيا ١٠٠ وطلعت معدل ٩٨.٨٣ وانقبلت طب عام موازي الحمدلله من فضل رب العالمين واهل البيت واهلي الحمدلله
@@hasneenhadi5115 حيدر وليد رياضيات ومهند السوداني كيمياء و حسن عبدالكاظم فيزياء وعربي حمزه الجابري و انكليزي ست سائرة يوسف واحياء ملزمة ماهر نايف . بالتوفيق ان شاء الله .
معدلي 93 ونص ومأجله 2 وعدت سنه م̷ـــِْن اجل حلمي ادعولي "المجد لكل من نهضَ بقوّة كأنّه لم يعرف السقوطَ قط" ★تعديل باقي 10 يوم للامتحانات ان شاء الله ارجع اكتب معدلي 100.85 ادعولي
@@user-gq4vm3iy5h تلحك بس شد حيلك ولا تتراخة ابد وبدون تسخيت لأن أكثر الطلاب الي عادوا سنة وسنتين و ثلاثة هو يستهانون بالمادة انه هم سنة ثانية أن شاء الله هاي السنة ننجح بعون الله
سبحان الله جنت قبل الامتحانات الوزارية واني اشاهد هالفديو حتى يطيني قوة وأمل وتشجيع للدراسة وجنت متأملة احصل نفس معدله لكن بفضل الله وأهل البيت ع حصلت معدل اعلى 99.29 ويه الاضافة الحمد لله والشكر ❤❤
طبعاً اني حالياً طالبة خامس احيائي العام بالرابع طلعت معدل 99.7 حرفياً ردة فعلي جانت مثلها ان شاء الله اكمل مشواري بالسادس واطلع نفس هالمعدل 🥺💕 2022/2/9 *التعليق للذكرى 🤍
حبيبي شفت اسئلة المتميزين شكد صعبة؟ اسئلتكم انتم المنهج العربي الي تكولون صعبة نحله واحنا مغمضين بس حسبي الله ونعم الوكيل على وزير التربية ووزير التعليم العالي
@@mumalwaleed5278 كل شخص ومستوى مدارسه وكل شخص وظروفه فبطلو هالمقارنات لان انتو من المتوسطة يعودونكم على لفل عالي ومعدلات عالية ،اما احنة تدريس فاشل ووضعنا بالمدارس مزري إلى أبعد درجة وبالسادس نحير باليوتيوب والخصوصي
@@Retaghufedibrahim حبيبي كل الطلاب سووا انتساب من ور التدريس التعبان وبعدين اذا احنا لفلنا اعلى نثل ما انت تكول مو لازم ينطونا امتيازات حتى يستفادون منا؟
ياروحي انتي الف الف مبروك تستاهلين والله كمت ابجي فدوة اهلج مثل اهلي ابوية هم يوديني محاضرات وبكلشي ممقصر وياية وامي اعجز عن وصفها يارب يوم الالي اني دفعة ٢٠٢٢
العام جنت اشوف هذا الفيديو بالمراجعة و جان الضغط عليه كلش اكبر من طاقتي وكلما اشوف الفيديو ابجي و الحمد لله هسه تذكرت الفيديو ورجعت اشوفه و خلصت السادس من اول دور و اول سنة بمعدل 98.71 وهسه اني صيدلة م اولى بأفضل جامعة بالعراق عيشوا السادس صح ولتضغطون على نفسيتكم اقروا وخليكم ريلاكس و صدكوني الي مقدره رب العالمين هو افضل شي الكم
@@mariafirst4870 حبيبتي اني من الدوام لهسه يعني اقصد بعد نصف السنة مااخذت ريست ولا يوم واحد هسه كلش كلش ماطيق الكتاب كد ماتعبت حيل والوقت مو بصالحي حتى اخذ ريست يوم واحد شنو اسوي استمر حتلو تعبت !!! بس نفسيتي دتدمر والله تعبت 😔😔
@@fatimalaith2949 عادي حبيبتي اخذي ريست يوم سوي بيه كلشي بخاطرج و بعدين ارجعي اقري بحماس هاي اخر مرة تشوفين بيها الكتب اتعبي هسه بالدراسة و لا تتعبين بعدين من الندم و الله هسه اتمنى ارجع للمراجعة واصحح الاخطاء الي سويتها ضغطت على نفسيتي اكثر من تعبي بالدراسة لتخافين ابد ابد كلشي بيد رب العالمين هو الخوف الي يدمر كلشي و عادي ابدي اول يوم وره الريست اقري لحدما تتعبين بس مو يصير عندج ارهاق لا يكلف الله نفسا الا وسعها ربج يعرف شكد انت قوية و انطاج هذا المكان حتى تصنعين نفسج و تكونين بأفضل مكان اكاديمي المهم ابدي خطوة خطوة اول يوم كملي نصف ملزمة ثاني يوم زيدي شوية عليها و كل يوم زيدي شوية ع المادة وعندكم كلش هواية وقت ترا🤍✨
@@mariafirst4870 اعيوني فدوه جاوبي 🤍 رياضيات حليتي كل وزاريات حيدر وليد ؟ كيمياء هم قريتي وزاريات الها ؟ لان ما عندي وقت حقره كيمياء بس ع كتاب لان مدرسين يكولون اسئله تجي من كتاب ويتغير بس رقم او مطلب 🤍
چنت كلما اضوج اجي اشوف الفديو وابچي 🌚واتمنى اعيش هاللحظة والحمدلله نشرو النتائج وطلعت 98.71 وية درجة دور الاول صار 99.71 الف الحمدلله🙏🥺😍😍دفعة 2023...+مبروووك❤️❤️
@@user-aya.16__ تسلمين☺️...اهمشي بالسادس هو التحضير اليومي والاستمراية حتى اذا مليتي عادي اخذي ريست ورجعي اقري بس اهمشي تستمرين وما لج علاقة بالكلام السلبي ابداً وانو تبدين بداية صحيحة بدون ما تعددين مصادر هواي لان تصير لخبطة
@@aseelsalim6184 يرجع كلشي مثل قبل احسنن على الاقل تنفتح تخصصات اكثر مو اذا تروح احيائي اذا مطلع معدل متكدر تروح طب ولازم تلجأ لغير اقسام واغلب الاقسام تعبانه
جنت اشوف الفديو مالتج وابجي واتمنى الله يرزقني بالمعدل العالي اليوم رجعت اشوف الفديو مالتج واني مطلعه معدل ٩٧.٤٣ بالنهاية اكول (وان ليس للانسان الا ما سعى وان سعيه سوف يرى)
اني هم مثلج ماجلة 3 مواد جنت رياضيات وفيزياء وانكلش ورياضيات وفيزياء جبت بيهن 100و انكلش 96 وصار معدلي 96.83 زين وجنت داصلي قبل النتيجة وابجي بس سبحان الله جان كلبي مرتاح والله العظيم حلمت بانكلش قبل كم يوم اخذت درجة 69 وكعدت ابجي وسبحان الله طلعت بالعكس 96 الحمدلله والشكر وبالرياضيات خوب امي رادت تكتلني هلكد ما جنت معاندة واصيح ما مجاوبة وابويه هم😂😂وبالاخير اجت 100
جنت اشوف هذا الفيديو قبل السادس وكلما اشوف هذه الفيديو ابجي وخلصت السادس بمعدل ٩٦.٥٧ وبجيت هواي بذاك اليوم لأن خسرت حلمي وما انقبل طب عام بس الحمدلله تحقق حلمي وانقبلت طب عام بإيران ❤️🤞
اولاً ألف ألف مبروك تستأهل كل خير ثانياً سوال بلا زحمة شسوي بوكت التوتر والخوف اليسيطر عليه وما اكدر حتى اركز على دراستي وتراكمات هواي شلون اخلصهن وعادي ابلش بالمراجعة واني عندي شويه تراكمات وأنت شنو جان نظام تدريسك ومنو المدرسين والملازم الي قريت عليهم
الحمدلله بل سادس الإسلامية 100 عربي 99 الانكليزي 100 رياضيات 100 احياء 100 الفيزياء 100 كيمياء 100 الحمدلله كانت فرحه ما تنوصفففففف للجميع ان شاء الله ❤❤❤❤
كمية المشاعر والفرحة بهاي اللحظة ماتنوصف تنسى التعب واللحظات الصعبة الي مريت بيها الحمدلله عشت هذا الشعور ونجحت بمعدل 98.14 بس تذكروا كالشمس هي بعض الامنيات إن طال بها الغروب ستشرق يوماً ما
بعد ١٧ يوم لامتحاناتي واني لحد الان ممكمله ولا ماده بس والله عندي احساس راح تجي الاسئلة سهله واكدر اطلع معدل واحقق حلمي رجعوني بعد ما تنزل النتائج يارب حوراء تطلع معدل ٩٩
ربي يوفقج ويسهل عليج الامتحانات وتحققين حلمج استمري ولاتستسلمين وانتي كدها يا بطلة لاتخافين ولاتفكرين وتوكلي على رب العالمين استمري لاخر لحظة ب دراستج ويمكن صدك تجي الأسئلة من الي احنا قارينا ونحصل المعدلات الي نريدها وأكثر
شفت الفيديو العام الماضي و كنت فاقدة الشغف كلش واليوم آني طالبة طب بعد ما طلعت معدل 100 مع درجة الدور الأول ++ اللي متأخرين و فاقدين الأمل ..أنصحكم قاتلوا لآخر لحظة مو مهم كم مراجعة آني راجعت 29 يوم بس و رحت لأمتحانات ما مخلصة المادة بس مقتنعة أنو ما قصرت والله مستحيل يضيع تعبي والحمدلله ما ضيعه ❤️
@@user-xn9iq3yr9g يروحي أهدي أول شيء ..ثانيا آني درست ع اليوتيوب ما دخلت ولا مادة خصوصي و عدت سنة ..أول سنة صارت عندي ظروف عائلية ومشاكل وما قريت ولا حرف لحد شهر الرابع العالم بلشت تراجع واني توني أفتح الكتب قريت اللي أگدرله وجبت 100 بالاسلامية والاحياء100 و 92 بالعربي وكله ع اليوتيوب بس ب3 أشهر و اضطريت أعيد لأن ما كملت باقي المواد ومن عدت هم واهس صفر لأن أول مرة أعيد بحياتي وأول مرة أرسب ..خلصت عمري الاولى ع مدرستي فحسيت بأحباط كلش قوي وما بديت قراية الا بشهر ال11 سويت أنتساب و گعدت أقرا واهس صفر اسوي عشرين جدول باليوم بلا فائدة ..تعبت نفسيا و كرهت حلمي و گلت بس خل أطلع حرفيا أبچي ليل نهار وأمي ادگلي بس أطلعي المهم مريت بأقسى الظروف اللي ممكن يمر بيها طالب السادس وتركت الدراسة شهر ونص يلا رجعت وبلشت مراجعة بشهر الخامس واني ما مخلصة الكيمياء و العربي والانگليزي چنت اذا مخصصة 9 ايام للكيمياء مراجعة يخلصن الايام وما أخلص المادة بحيث ضلوا 3 أفصل ما قريتهن و عانيت هواي بس چنت متيقنة انو الله ما راح يضيع هذا التعب و أرجع أكول لا المهم أطلع حتى حلمي ما أريده ...المهم وصلت الامتحانات واني ما مكملة مراجعة ..الإسلامية راجعتها بيوم ونص كلها قبل الامتحان و الفترة اللي بين الامتحانات مال عيد الأضحى ما قريت بيها ولا حرف ..حرفيا كرهت نفسي واهسي أنتهى و اضطريت اترك الفصل السابع كيمياء مع انو اني ضليت شهر بيه أريد أفهمه وكتبت كوم ملخصات عليه بس من وصلت بالمراجعة ما گدرت اقراه لكيت روحي ناسيته كله ..المهم رحت لأغلب الامتحانات واني ما مراجعة نص المادة مثلا الفيزياء رحت قارية كلاميات 6 أفصل و المسائل بس 3 أفصل وضليت ابچي أريد أجل بس أمي مقبلت جاوبت اللي قاريته لو حتى ما راجعته بس تذكرت نصه والنص الآخر عبرت من فهمي بس حرصت دائما ما اخلي شيء فارغ ... الكيمياء رحت تاركة كلاميات الفصل السادس و الفصل السابع والثامن ما لحگت اراجعهن فتركتهن أصلا و رجعت مأيسة ما أجيب 80 و نفس الشيء باقي المواد ...ردت أخلص وكافي ،،، بس چنت قبل لا أسلم كل دفتر أگول اللهم أستودعت الدفتر عندك وليس عندهم ...يارب لا تضيع تعبي و چنت أقرأ أذكار و سورة الفاتحة قبل كل أمتحان و أستغليت يوم عرفة أعظم أستغلال ضليت أدعي بيه وأگول اللهم الطب وأن عجزت الطرق .... تخيلي خلصت الامتحانات آخر يوم الانگليزي بس طلعت من القاعة حرفيا أعظم شعور ممكن تحسينه حتى أحلى من يوم المعدل ..تحسين طلعتي من السجن ...صعدت السيارة وما أريد أصل البيت أريد أبقى وحدي صدگ اني خلصت السادس ؟ وراها من وصلت بلشت أبچي وأگول لو مأجلة يجوز أطلع معدل ضليت الوم بنفسي ...مچنت متوقعة أطلع معدل 99 ...لأن الأخطاء عندي كارثية ...بس يوم 11/ 8 يوم ال99 علمني انو الله مستحيل يضيع تعب كل أنسان كافح وجاهد من كل گلبه ...ربنا كريم و رحيم لدرجة مستحيل نتصورها أو نعقلها ف يا روحي ما أعرف شلون أگلچ بس أستمري كافحي أهم شيء الأستمرار ...حتبقين تسوين جداول و تشگين حتبقين بحالة نفسية بس صدگي كله يهون بآخر أمتحان ..تعب هواي بالكتابة اتمنى گدرت أفيدچ ولو شوي
لمن جنت خامس علمي شفت هل مقطع وبجيت وتحمست ادخل سادس حتى اوصل لهل لحظة وحاليا اني طالبة سادس ب فترة مراحعة والمنهج نص مرتاكم واي شي ما مضبطه ورجعت شفت فيديو ونقهرت على نفسي 😢 دعولي فدوة
الله هذا الفيديو حافظتة ؏ قُـلبي هلكد مَـا شايفتة وردة فعلها ابد مَـا راحت مَـنْ بالي ؏ طول فترة السادس والمراجعة أنـيِ اشوفة ودموعي متوكف بكل مرة اشوفة وهسه أنـيِ مرحلة اولى تمريض وصار السادس سوالف تنذكر مَـا تنعاد وان شاءالله يارب كُـل طالب شاف هل فيديو ينجح ويطلع معدل عالي ويدخل التخصص إلـي يحبة ويطمح اله مَـنْ سنين 🥹🩵.
بعد 25 يوم عن امتحاناتي وهذا اليوم الي اشوف بيه نتيجتي وحلمي متحقق احلم بيه قبل لا اوصل للسادس ، هل راح يجي ارجع لتعليقي واني شايفة هذا اليوم وعايشة هاي اللحظة وهذا الشعور؟ 2024/5/13 .
كل مااضوج من الدراسة لو من التراكمات والتفكير اجي اشوف هالفيديو حرررفيا يجنن ردة فعلها عفويتها خوفها فرحتها دموعها فرحه امها وابوهة كلللشي حلوو بهالفيديو ربي يوفقج وين مجنتي لان الفيديو هذا بسببه مرات عديدة يحفزني بعد مااقرر الاستسلام ويخليني اكمل دراسةةة ربي يرزقني فرحتج واكثر وارجع اعلق هنا شكد طلعت معدل 💓☘️ انتظرينيي *تعديل / بعد 13 يوم ع الامتحانات وحررفيا الانكليزي مقارية ولا شيءبس انشاءات والرياضيات بس كملت ف2 وبسسس والكيمياء مامراجعة ولا مراجعة كلة ع قراية المدرسة مدري وين راح اوصل بهاي الدراسة وشنو راح اصير بس اكووول يارب بالحسين وفقني ياارب💓
طبعا اني ائجلت اسلاميه بحيث مصدومه لان مجنت متوقعه ائجلهه بسس خير والله كاتلبي هم بي خير وهم ائلجت نكليزي وعربي وفيزياء بقن ٣ واتمنى بل دور ثاني ان اطلع معدل بحيث اني انصدم منه وابجي من فرح واثقه برب العالمين انو راح ينطي معدل احلم بي واوصل لصيدله امنيتي نشاءلله احلم اطلع معدل ٩٤ اي شي بل ٩٠ رجعوني بل نتائج❤
اني هم مجان أبالي أجل الإسلامية حسبي الله ونعم الوكيل عليهم ضلمونااا💔💔🥺++ اني هم راح أجل الإنكليزي والرياضيات وإسلامية أجلتها وخايفة لااسويهن أربعة😔😔😔😔💔
احنه ب العراق6 سنوات ابتدائيه و3 متوسطه و3 اعداديه وبعدين تدخل جامعه او كليه وقصدهه الصفوف مال العراق ما نسميهه صف اول وثاني وثالث ورابع وخامس وسادس وسابع وثامن لا بس الابتدائيه يعني اول وثاني وثالث ورابع وخامس وسادس نسميهن هيج وبعد اول متوسط ما نمسي سابع وثاني متوسط مانسمي ثامن وثالث متوسط مانسمي تاسع والرابع علمي او ادبي ما نمسي عاشر والخامس علمي او ادبي مانسمي ١١ والسادس علمي او الادبي والاخير مانسمي رقم ١٢ هيج مثلا نسميهن صف رابع علمي او ادبي صف خامس علمي او ادبي وصف سادس علمي او ادبي وبعدين تدخل كليه او جامعه يارييتتت فهمتني او افتهمتيني لأن شرحي بل كوه يدخل للدماغ😂😂
للامانة..اكثر من 3 مرات اني شايفة هلفيديو بس ولا مرة شفته و اني هيج احس بهل احساس اللي دا احسه هسة يعني زرعتي بيه الامل .. جنت اشوفه فيديو نتائج عادي و مجنت منتبهة انو انت مؤجلة لحد ما اني صرت مؤجلة .. بحيل الله اثبت للكل ان قرار التأجيل جان لصالحي