عارفة لو هو كان ردلها كرامتها ف السوق اودام البياعة كانت ممكن نارها تبرد إنما خاف علي زعل البت وهانت عليه كرامة مراته ومشيت بالولاد يبقي هو بايع ومهزأ ومالهوش امان اتطلقي ياحبيبتي وارفعي نفقة وخودي حقوقك كاملة وانتي موظفة هتقدري تعيشي وماتخافيش ولادك هيتربوا احسن تربية وصدقيني هتلاقي نصيب محترم وهو هيتجوز البت وهيتفاجئ بأسلوب البياعة كزوجه ف النهاية دي بتاعة سوق هو ف البداية مسحور بشكلها بس إنما هي صغيرة وهو أكبر منها بكتير بكرة هيا ال هتاخدلك حقك منه وهييجي عليها وقت مش هتستحمل الجو بتاع المدرسين والملل دا بجد نفسي تشوفي كومنتي وتعملي بيه صديقني نارك هتبرد جدا ❤
حضرتك بتنصحيها تطلق ماشى من حقها .. لكن نصيحتك لها بالنصيب المحترم لا والف لا الست اللى عاوزة تطلق ومعاها عيلين او اكتر خاصة اللى قربو ع سن المراهقة بلاش ارجوكم الجواز تانى العيال بتضيع .. ياريت اى ست تطلق وعندها تلات عيال اتمنى انها ترعاهم وبدون متفكر ف. الزواج العيال بتدمر والله اعرف نماذج كتير عيالها اتبهدلو وضاع مستقبلهم .. لوهى باقية ع ولادها متطلقش وتتحمل اى شئ وربنا يجزيها خير ان شاء الله
هي أخطأت مرتين. مرة أما هي بالجمال دا جابت سيرتها ليه وكأنها بتفكرو بيها وأما الست تجيب سيرة واحدة كأنها بتقعدها ف وسطهم أثناء الكلام.وكمان بتفخم فيها والغلطة التانية أما سابت البيت وهي عارفة أنه ممكن يتجاوزها ويجبها ف الشقة وع سريرها ف الغلطة دي كبيرة كان المفروض متسبش بيتها وهو ال يطلع برا لو مش عاوز يكمل معاها. كلام د مروة تمام وترجع بيتها فورا مش بكرة وتخف أيدها م المصاريف ومتوريهوش انها زعلانة وتقوله وهي بتضحك بسخرية روح اتجوزها ميفرقش معايا وانا عارفة قيمة نفسي كويس. وربنا يهدي الحال
بصراحه الموضوع مش موضوع خيانه الزوج نفسه كان بيقوله ليها انتي ليه ناشفه كده ، اي راجل بيتمنى يروح بيته يلاقي ست جميله مهتمه بنفسها تديله حب ودلع ده مش موجود فيكي هو شايفك ابله الناظره في البيت عشان كده مش مهتم حتى بشؤون البيت لانه مش مبسوط ، لو قدمتي ده وهو كان مهمل في بيته ساعتها بيكون كلام تاني شاف وحده عكسك تماما في كل حاجه واتشدلها ونسي نفسه معاها حتى برستيجه ومكانته ، لو كان هدفه الخيانه كنتي لقيتيهم في مكان مقفول لوحدهم او حتى عرف عليكي حد من شغله بس هو عايش معاكي بالمسطره ومفيش روح لحياتكم عشان كده لما شاف البنت البلدي بتاعه الخضار اتعلق بيها افضل حل انكم تتكلموا بس قبل ما تتكلمي يكون عندك رغبه في انك تحافظي على بيتك وتكوني عارفه ان في غلط كبير عليكي وتتغيري ولازم هو يلمس ده فيكي والكلام مش ان ازاي مدرس يقعد في السوق مع وحده بتاعه خضار لاااااااااا الكلام انك لما حسيتي ان زوجك حيروح منك عرفتي السبب وحتصلحيه
انا مقيده رايك لو حس ان هي ضعيفه هيجي عليها لازما تحسسه ان هي قويه ومش فارق معاها ولو لا قدر الله يبقى في حضور ناس كبيره وهو ملزم بكل شيء يخص اول ربنا معاك ويقويك❤
لما ترجع بيتها تغير نمط حياتها مثلا تطب عليه في المدرسة وتاخذ منه فلوس تشتري ملابس وتغير في عفش بيتها وتأخذ أجازه كام شهر تشتري طلباتها بنفسها وتخلي بالها من جوزها وعيالها وخلي البيه يصرف
اي ماثر لم ينصر اخواننا المستضعفين في غزه فهو اقل ما يوصف به أنه متخازل اللهم نصرك الذي وعدت حسبنا الله ونعم الوكيل في يارب خلص الشعب الغلبان يارب خلص الشعب الغلبان يارب خلص الشعب الغلبان يارب يسر لنا ولشبابنا الوصول إلى فلسطين الحبيبه
انا معاكى فى الرأى يا استاذ مروة ، هيرجع يعيط ويقول حقى برقبتى ، بس برضو هى غلطانة العلاقة الجافة اللى بينهم هى السبب فى النتيجة دى ، مدرسة وقورة ومحترمة بره بيتها لكن جوة البيت ده جوزها حلالها لازم تهتم بالتفاصيل دى عشان محدش يخطفوا منها ، وادى اهو اتخطف من عيلة صغيرة وهى فعلا مش بعيد تكون ١٧ او ١٨ سنة
ولو انى شايفه ان الأخت دى واخده الحياه جد قوى كان لازم تغير شخصيتها مع جوزها ميبقاش اكنه عايش مع راجل زيه لازم تملا كيانه العاطفى تلبس له وتدلع عليه وتتزوق كل ده مطلوب علشان ميبقاش جعان عاطفيا
صاحبه المشكله ست جميله ومحترمه وست بيت من الدرجه الاولى لكن فى عندى ملاحظات انها فى وسط ظروف الحياه وشغلها والبيت والأولاد نسيت نفسها ان تهتم بلبسها بالميكاب بشعرها نسيت أنوثتها نصيحتي ليها ان تتركه يعمل اللى يعجبه وتهتم بنفسها تغير كل حاجه لبسها واثاث البيت تجدد حياتها كلها وترسم الضحكه الجميله لاولادها وهو هيرجع لها ندمان صدقينى انا لو مكانك هعمل كدة ودى نصيحتي ليكى فى الله وربنا يوفقك ويسعد ايامك اللهم امين يا رب تعجبك نصيحتى
ولو نسيت نفسها المفروض يفكرها يجيب لبس ويخرجها بعيشوا معا الحياة فيه رجالة مقفلة ويرموا المسئولية ع الزوجة ومادام فكرة الزواج شعشعت فى دماغه فها ينفذها استخيرى ربنا وقرر ى مصلحتك
طب يا سيدي ولا يا ستي نورت المحكمة … رقاصة وبترقص 🤣🤣 يا ماشاء الله ايه الحل اللي عندك ولا جاي تثبت حضور وخلاص …. يا جماعة خللي مشاركتم ايجابية احنا مش قاعدين علي مصطبة اللي معدي يرمي كلمتين مالهومش لازمة
لاتتركي بيتك وغيري من نفسك وخليكي مرنة شوية في التعامل مع زوجك هو عجبه عيشة الحرية بعيد عن الروتين اللي هو عايشه وبعد كده ممكن يعود تاني لحياته معاكي ويعتبرها تجربة وعدت وربنا يعينك ويهديه لك
كفيتي ووفيتي بنتي مروة. رأيك هو عين الصواب. وهذا مايجب عليها فعله. وان شاء الله اتكون نزوه. وممكن يشوف من بائعة الخضار سلوك لايعجبه. ويرجع لصوابه. الله يهدي سركم ويجمع شملكم. متابعة جديدة من الكويت
والله انا شايفه كل اللي حضرتك بتقوليه صح جدا ده من طرف الزوج لكن احنا كمان لازم نتغير ولازم نعمل حاجات كثير جدا لازم حضرتك تغيري من نفسك للاحسن ليكي مش لحد❤
طبعا هو يخرج برا و البيت. بيت الست و العيال و يتجوز و يجدد نشاطه و هيشوف نفس المصاريف اصله فاكر ان الحياه نحنحه بلا نيله تقعد في بيتها و متخرجش منه و تشتغل و تهتم بنفسها ولا تفكر فيه
كلامك صحيح من الناحية المادية بس حضرتك ما كلمتهاش ازاي تفصل بين شخصيتها بره البيت وجواه وده اهم ما في الموضوع لو كانت بتتعامل معاه كأنثي ماكنش حصل ده كله هو دور علي انثي لانه عايش مع راجل زيه تعدل من نفسها لأنها هي السبب في اللي حصل
تجلس في بيتها مع عيالها وتأخذ مصاريفها ومصاريف عيالها منه من غير ما تطلق ولا حاجه وإن شالله يولع في نفسه هي غلطت أصلا إنها مشت وأخذت عيالها ومشت هي ومعاها 3عيال يأخذوا حقهم منه
أولا ربنا ينصر إخونا فى غزه يارب والله بدام باعك وقبل على نفسه انه يبقي من مدرس لبياع يبقي ما يستهلش إنك تشتريه الحل هو إن حد من عندك راجل من عيلتك والدك أخوكى يكلمه يجلكم عشان تتكلموا معاه وتشوفى أخره ايه ميفضلش سايبك كده ظنا منه انك هترجعى لوحدك وتقبلى الوضع وتلاقيه داخلك بيها وتقولك انا مراته وتطفشك من الشقه والله مصمم يكمل معاها خلاص بالسلامه تنفصلوا وتتفقوا على مصاريف الاولاد هو مسئول عنهم مش يخلف ويرمى والشقه من حقك وربنا يعينك إن شاء الله لان واحد زى ده ملوش امان شاف واحده حلوه باعك وباع عياله يعنى مطلوب منك تراقبيه طول حياتك وتخافى لحسن يشوف واحده حلوه فى المدرسه او النادى او الشارع ايه ده ليه كل ده وعلى ايه وربنا يجعلك الى فيه الصالح يارب
اولا من الواضح ان العلاقه جافه مابينهم هو مش مدرس زميلك ده جوزك لازم يكون فى رقه و دلع و لبس مناسب فى البيت هو دور بره على اللى ناقص اهتمى بنفسك و خلى حد كبير يكلم معاه انه بيضر سمعة اسرته و مستقبله المهنى هيتأثر لو العلاقه دى اتعرفت انه قاعد فى السوق و بسرعه قبل ما تقع الفاس فى الراس
لا رايك صح انا من رايك انا عملت كده وفعلا قعدت في بيتي وقلت له مصاريف عيالك عليك هو ده المفروض اللي يحصل تقول له مصاريف عيالك عليك تقعدي في بيتك معززه مكرمه ما تطلعيش من بيتك انا حصل معايا نفس الطريقه قعدت في بيتي ما سبتوش ابدا
ترجع بيتها وتبقى حنينة معاه وتقربوا منها تانى وتحافظ على بيتها الانفصال الاولاد بيتظلموا كل واحد بيغلط مش عيب والرجال بتاجيهم مراهقة متاخرة معلش استحملى ورجعى هتندمى طول عمرك لو سبتى جوزك
اى ست غبيه لم تزعل تسيب البيت الست ماتخرجش من بتها مهما حصل واعملى ال انتى عيزه وانتى جوه بيتك وعملى جوزجك كانه مش موجود . عشان ميبقاش عنده فرصه يجب غيرك ..والله معاكى ويكون فى عونك امين يارب 🤲
هى غلطت عشان سابت له البيت والبنت خلاص هتتجوزه كيد فيها 😂 هى عجبته ودخلت دماغه 😂 والخايبه تسيب له البيت 😂 هى غلطت كانت شافته وسكتت وروحت وغيرت من نفسها الست الذكيه تعمل كدا
أنتي قدامك حلين الأول إن تبعتي أولادك و تقولي إللي تجوزك تاخدك باولادك و كده محدش يرضى يتجوز واحد معاه تلات أولاد و هيا تربيهم و مش هترضى بيه و الحل الثاني إنك ترجعي شقتك إنتي و اولادك و تاخدي الشقة لأنك أنتي حاضنة
رأيك مظبوط بس ممكن تعمل آخر محاولة وتقعد معاه كصديقة مش زوجة وتناقشه ليه عمل كدة واذا هي حابة تحافظ على حياتها معاه ومع اولادهم وتهتم بنفسها وهو كمان يتغير علشان حياته معاها ومع ولادهم كان بها ... مش حابب ومصمم على الجواز تعمل برأيك استاذة مروة
اديله فرصة اخيرة اما هيلتزم وهيرجع لبيته وولاده ومن الشغل للبيت ومن البيت للشغل او يختار البنت بتاعة الخضار و يطلقك ويسيب الشقة ويمشى ويبعت حقوقك كامله ونفقة الولاد والا المحكمة وارميه لو اختار غيرك ولا يلزمك بلا مدرس بلا بااعة خضار متفرفش اصلا ، دا راجل عينه زايغه
اقول المتصله من الأخطاء الارتباط بزوج من نفس المهنه وف نفس المكان وألخطا الأكبر معامله الازواج التعامل لبعض ف المنزل كزملاء ف العمل والزوج اتجه الي الحنيه والجدعنه لباءعه الخطار لملء الفراغ يازوجه خليكي حنينه وجدعه وزوجه ودلوعه وفرفوشه ولس ميس ف المدرسه
ياجماعة هى بتوصف البنت انها ملكة جمال وصغيرة وكمان بقاله شهرين بيطلب منها الجواز ولوكانت عوازة تتجوزو كانت وفقت .. محدش سأل نفسة ان البنت الجميلة قوى دى ممكن تكون بتحب واحد مناسب لسنها ومش متجوز يعنى هترفضة ليه الا اذا كانت بتحب شاب تانى ممكن يكون بياع فاكهة مثلا مش بيقولو الطيور ع اشكالها تقع ..
مع احترامي😢لرأيك لكني اخالفك الرأي لانه المدرسة المحترمه تكون بالمدرسة لكن بالبيت هي زوجه لازم تتدلع وتعاني بأنوثتها وتنسى أنها مدرسه تعلموا من الاجانب لأنها تكون بالبيت امراه تختلف عن الامرأه بالعمل وانت حسبتيها من الناحية المادية حتاخد البيت ومصاريها
ترجع بيتها بكل هدوء وتقعد وتحط رجل على رجل وتقوله البيت ده بيتى وبيت ولادى وأن كنت عايز تعيش معايا وترجع عن قرارك ولشغلك أهلا وسهلا ده لو عايزة تديله فرصة وتشيل إيدها من المصاريف خالص غير كده كل واحد يروح لحاله كرامة لىا ولولادى
المشكلة ان اغلب السيدات بتكون رتبت حياتها مع زوجها وعايشين سويا وفجأه ينقلب الحال من الرجل ويخون مراتة بواحدة تانية اما يتزوجها ويفتح بيت جديد أو يخونها فالاحسن ترجعي بيتك وخلية يصرف علي اولادة وانتي حضنة من حقك الشقة واوعي تسبيها وغيري كالون الشقة وارجعي لاهلة لابوة او لامة او لحد محترم من عيلتة وقليلة الوضع الي هيحصل وساعتها لو ناس محترمة هيوقفوة عن الزواج الثاني من بتاعة ملوخية قاعدة علي الرصيف وهيقلولو بلاش تهزق نفسك وتنزل من مستواك مع هلفوتة ولو كانت ملكة جمال فهي من بىءة ونحنو من بيءة تانية مينفعش المدرس المحترم يتجوز من بتاعة خضار ويناسب عيلة اكيد ابوها بتاع ليمون ولا مخدرات والله اعلم واذا صمم علي جوازة فهو ملزم بمصاريف عيالة من اكل وشرب وكسوة وتعليم وانتي حاولي تحوشي وتامني نفسك طالما زوجك مزواج وعينة زايغة واذا رجعلك وحفظ النصيحة من اهلة واصحابة كوني حذرة طالما هو خاين العيش والملح ومابيهموش غير نفسة وربنا معاكي
الحل الوحيد آنك تدردحي على قولتكم ارمي وش الابله الناظره والبسي وش باربي وقولي له خيره جت منك كان نفسي في راجل كذا من الي اشوفهم في الافلام دانتا هم رغم وانزاح وقولي له الباب الي بتطلع منه او تموت ماراح ترجع له خليها حلقه في اذنك وارميه في البحر وعيشي
دكتورة مروة المحترمة الجميلة دائما آرائك سديدة و صح اولا المفرووووض ما تسيبي بيتك وتفضلي في بيتك مع أولادك اول حاجة لازم تعمليها ترجعي بيتك و تحطو النقاط ع الحروف ثانيا راتبك لنفسك وهو يصرف ع البيت وع الاولاد ثالثا غيري من نفسك عشانك مش عشانه والحياة بتتعاش مرة وحدة يعني شخصيتك في المدرسة غير شخصيتك بالبيت في البيت صوت واطي و حنية و اهتمام بنفسك و بشكلك
بصراحه انتي ست بتعلمي في المدرسه ولكن في البيت ست وانا حسب ما قلتي انو بيعترض على طريقتك في البيت وليه انتي مدرسه في البيت وكل شيء في احترام اكيد الاحترام واجب ولكن بالعلاقه غلط بين الست والراجل ما فيش كده لازم تكوني له زوجه وعشيقه وتخليه عمرة ما يشوف حد غيرك الي بيحبو برة اعمليه انتي اكيد في حاجه شدتو للبنت عفويه هوه اكيد حابب التغير في كل حاجه في العلاقه حابب يجرب وحده زيها لازم تكوني ناصحه وتعملي كل الي بيحبو غيري من نفسك لو في اهمال منك ركزي كويس على كل شيءٍ بيسعدو ولو فضل على راءيو خليكي في بيتك واولادك اهم منو شوفي انتي مقصرة في ايه ووالي كنتي مقصرة شوفي فين التقصير
من خبرتي بالزواج والحياه الزوج اذا أراد أن يخون أو يتزوج هيعملها ودائما عنده أعذاره اذا حد لامه لكن بالنسبه ليكي انتي كزوجة صحيتي متأخره من إهمالك لنفسك وعلاقتك فيه كزوج المهم حاليا انك تهتمي ببيتك وأولادك ونفسك كثييير واذا هو موجود أعطيه حقوقه بحب عادي وهو مع الوقت هيدرك خطؤه وهيرجعلك وخصوصا اذا كنتي لطيفه معه العلاقات الزوجيه ليست بالصراخ والقوه والتهديد تقوم فقط بالحب والاحترام وماديا مثل ما قالت الأستاذه مروه ميه بالميه تكوني منفصله ماديا عنه
لاول مرة يامروة اختلف معاكي في الرأي واقولك ان اتجاهك في النصيحة مش في الصميم انتي وجهتي كلامك ليها انها تحوش وماتصرفش لا طبعا غلط الصح انك كنتي تقولي لها تاخد بالها من جوزها وتعمل له كل اللي نفسه فيه علشان مايبصش برة للاسف هي غلطت بمعاملتها الجافة له لوكانت عاملته باحتواء وحنان ورومنسية كانت خلصت علي شحنة الحرمان اللي عنده مش الشطارة انها تحوش من وراه وتستغني عنه
يا جماعة دى مجرد نزوة وبعد كدة حيفوق وحيرجع لبيته ومراته وعياله بس اصبرى ومتخربيش بيتك لأن الأولاد بتتأثر نفسيا جدا من الطلاق أنا بنصحك النصيحة دى عن تجربة شخصية إللى أنت بتمرى بيه ده ميجيش ذرة باللى شوفته من جوزى وبعد كدة اتهد واتظبط وعقل جدا وستات كتير غيرى اعرفهم معرفة شخصية اجوازهم كانو كده واتعدلو وبقوا كويسين جدا وستات تانيه مستحملتش ومصبرتش بس للأسف أ أولادهم دفعوا التمن منهم إللى تعب نفسيا جدا ومنهم إللى حاول الانتحار أكتر من مرة اصبرى وربنا عمره ما بضيع صبر حد لابد من الابتلاءات كدة ولا الابتلاء يكون في الصحة وفى الأولاد قولى الحمد لله اللهم ارزقني الصبر واستعينى بالصبر والصلاة كما قال الله تعالى
يقول ابن تيمية رحمه الله : " والقتال يكون بالدعاء كما يكون باليد قال النبي ﷺ : هلْ تُنْصَرونَ إلا بضعفائِكمْ ؟ بدعوتِهم و إخلاصِهم فاللهم انصر إخواننا المستضعفين في غزة وكل فلسطين ، وعليك يا ربنا بأعدائك أعداء الدين من الصهاينة المعتدين اللهم شتت شملهم وفرق جمعهم وفرط تدبيرهم وخرب بنيانهم وبدل أحوالهم وقرب آجالهم واقطع أعمارهم واشغلهم بأبدانهم وخذهم أخذ عزيز مقتدر يا قهار يا قوي يا عزيز وحرر الأقصى يا رب العالمين ورده إلى المسلمين ردا جميلا عزيزا 🤲😪😪😪😪😪💔💔💔💔💔
