ركبت دبل ارضي عاليوكن ! 

نبي مقاطع عن الددسن

@@Abdulmenam7 ابشر بإذن الله ، بس يبيله وقت

عوافي يا رجال كل غلطه بتعليمه

لازم تسوي مقطع للتجربة بالخفيف والثقيل وتذكر الأسعار اذا ماعليك امر وهل تشوف المشروع نجح وتنصح الناس يسوون زيه وشكراً على المعلومات الجديده والمفيده وهل حل مشاكل الدبل الإلكتروني بصفه عامه وسلامتك

ترقب بالمقطع القادم بإذن الله

يارجال يجدد ايش هو فيه شيء صاحي 😂😂

واجهت أنا مشاكل بالورشة بس ماكانت من ابو جاسم كانت من كهربائي شغله مخيس ، أما ابو جاسم شغله نظيف ومراعيني بالسعر الله يعافيه

@@aic-abuomar4509 انا موتري سوبربان ٢٠٠٦ سنقل هل اقدر اركب له دبل ولا لا؟

الأصل لا ، أيضا تكلفته عاليه جدا لو تشتري جمس بدبل أرخص من انك تحوله دبل ، غالبا تحتاج قص خفيف بالشاصي عشان يركب ، لكنه مكلف جدا

​@@aic-abuomar4509بالله كم تصل التكلفه

@@user-lq8jd8um1h وقتها كلفني الدبل فقط 2000 ريال، غير فك القير وشغل الكهرب ، طبعا وقتها جاني سعر منخفض نسبياً ، الان اتوقع بيكلفك 3000 ريال ، الافضل تتصل على ورشة عطر الشمال وتستفسر منهم

مابعد فحصت ، لكن مب واضح القص من تحت لأنه فوق القير تقريبا

يمشي عادي شروط الفحص القص يكون بالبدي او بالشاصي وشرط ان يكون بنص او اطراف السيارة ٣٠ بالميه يعني من عند الكفر وورا مايفحصونها بعد الكفر عادي

بنزل جميع التكاليف بالمقطع القادم بإذن الله

شفني حاط موقع الورشة بالتعليقات

باذن الله

بيبقى الشاصي حق دبل :) يعني اثقل من السنقل حتى لو الغيت كل انظمة الدبل

والله فكرت اسويها افصله ب زر ، لكن ما احب تخريم الديكورات ، بحاول امددها تمديد وكالة واشبكه عالحساس شغل وكالة

ماشالله الله يباركلك ياخوي انا عندي جمس ٢٠٠٥ قسماً بالله عاقبني كل سنة اصلحه والسنة اللي راحت موضبه كامل بقطع كاملة جديدة اصلية حتى الجنزير والله انه ب ٢٠٠٠ ريال لحاله ابيك تشرحلي خطوات التسليك وتوضح لاهنت لاني مافهمت النقطة ذي

@GM.572 ماسويت تمديد ضفيره للدبل صاير الدفرنس الامامي شابك طول الوقت

إذا أرضي الأصل يمدي ، اما الكهرب لا اعلم

لازم تجيب دبل أساس أرضي ، رح لورشة عطر الشمال وهم بيجيبونه عنك بيركبون حق موديل ٩٥

@@aic-abuomar4509يركب على ال ٢٠١٣

@@Arab_7-77 يركب ، اعرف واحد مركبه بتاهو 2010

حياك الله ، الأصل مايمدي ، بعض الموديلات تحتاج قص بالشاصي وهالشيء ماينفع ، وحتى لو ما احتجت قص شاصي ف بيكلفك واجد جداً

@@aic-abuomar4509 لاهنت والله يسعدك .. الله يختار الخيره الطيبه ✋😮‍💨

إذا قصدك الامبير يوقف على ١٠٠ ذا طبيعي ، بس تأكد اذا الحساس يشتغل من الأساس

الله يبارك لك

ديمنو الفرار حق ال٩٨ ؟

رفعته بورشة مرات بالصناعية القديمه قلهم اشقل اعلى شي

الله يبارك لك

@@aic-abuomar4509 ويباركلك فعلا زي ما قلت المعلومات ضعيفه حتى مع الامريكان لاكن في مقطع واحد فقط لقيته ربط الدبل بالدفرنس الامامي عن طريق حساس السرعه توليف نظيف

اقلك الدبل الكهرب يجي حساسين في الخلف سرعه والثالث حق حراره القير طبعا حيركب معاك حساس سرعه والثاني قدامه ابو فيش ابيض اعتقد حق حراره القير الفيش الثالث حق السرعه هل تم الغائه من الكامبيوتر ولا كيف الطريقه ولا ايش سوى فيه

الدبل حقي غير مرتبط بالكهرب إطلاقاً ، حتى الا يمكن حساس السرعه

@@aic-abuomar4509 فاهمك الظفيره تجي ٣ افياش للدبل من غير فيش الدنمو التوصيلات الخلفيه هو ضروري يوصل حساس السرعه وحساس حراره قير الدبل الفيش الثالث هو اساسا موجود من ضمن الظفيره يعني يكون ما وصله يبان معاك من عداد السرعه اذا فيه اختلاف او انه يكون فيش مربوط بكمبيوتر البلاد حق عداد السرعه والثاني حق عداد السرعه مربوط بي كامبيوتر الدبل

وتكلفته فلكيه ، ذا ماكلفني واجد ومايحتاج برمجه ولا كهرب وعلى كراسي الوكالة وبدون توليف الا اني قصيت شوي من الداخليه ، هالموتر موتر شخصي صعب ارهم فيه ، ومنب راعي جر وتسحيب ، العب مرتين واوقف اصلح الغداء :)

وحرفيا اصلا ما اشبك الدبل الا إذا الموتر طاح ب رباضه ولا احتمى القير ، غير كذا مستحيل اشغله ، يعني ركبته عشان ما احتاج ابرح له :)

وجربته وجرت عليه ماشاءالله الله يبارك ما اشتكى ابد

ما فهمت وش قير ٤٨٠ وهل يفرق عن السوبربان ٨ مسمار ٢٠٠٣

قير هالموديل حق جر وسحب مب حق نفود ، يمد مايحشر

نعم مركب دبل 95

لا أظن ذلك ، حتى لو قدرت بيكلفك واجد

وعليكم السلام ورحمة الله وبركاته ، كل شي يمشي بالتوليف ، لكن السؤال لك أنت ، هل يسوى انك تولف بموترك ، هل طلعاتك للبر واجد ، هل استخدامك اقشر يخليك تحتاج الثقيل دايم ، قسها بنفسك واحكم ، أنا الصدق بديت اتحسف قليلا اني سقطت الدبل لاني ما اطلع واجد وغيرت شغل الوكاله

@@aic-abuomar4509 والله الحقيقة انه الموتر مجهز تجهيز كامل للبر، و طلعاتي فيه كلها للبر. ف ودي آخذ شورك يعني. هل الدبل بيفرق و بيطلع أقوى بشكل ملحوظ ولا لا؟

عن نفسي معد عرفت التعليق بالرباضات ولا النقر الله يبارك عقب ماركبت الدبل ، بس زي ماقلت الشغل توليف ف بتعدل على شغل الوكاله ، انا أقول أن كانك ما احتجت الثقيل ف مايحتاج تولف

ما تقصر يا بعدي، الله يجزآك خير.

الورشة اللي رحت لها يسقطون قير عادي ، بس يركبون لك اظن قير عادي حق HD ، والصدق ما افضّل تركيب قير الباترول لأنه بيصير توليف قطع شركات ثانيه وبيصير قطع التوليف لليل يعني مايضبط تصليحها لو خربت الا راعي الورشة اللي اشتغل لك

@@aic-abuomar4509طيب قد شفت يوكن هالموديل قير عادي ؟

توليف نعم ، أما بلد مايجي الا عالسييرا

​@@aic-abuomar4509 ماشاء الله تبارك الله طيب وش رايك بجمس موديل ٩٧ سوبربان دبله ازرار ودي احوله عصا السؤال هل ينجح؟ الأمر الآخر كم توقع التكلفه التقديرية للتحويل

إذا عندك احتياج للدبل الأرضي لان الكهرب يخرب دايم ، و استخدامك بالبر والسحب كثير ، فالافضل تركبه ، غير كذا دام حق البلد يشتغل خله ، التكلفه أعتقد بشكل عام من زيوت وقطع غيار مع دبل وشغل يد ب ٣٠٠٠

إذا موترك بدون دبل أساس غالبا صعب تركب دبل وبيصير مكلف عليك ، لازم تركب دفرنس أمامي ودبل وكمر وعمود دبل

فيه احتمالية انك تقص جزء من الشاصي وكذا معد يمشي بالفحص

@@aic-abuomar4509 اها يعني نبطل المشروع ..

@@abaadi_88 إذا موترك مب غالي عليك بعه واشتر واحد بدبل افضل :)

إذا بتسقط أرضي بيصير بدون كهرب ، اما اذا بتلغيه تماما بتحتاج تفك بعض القطع وتغيير القير

او انك تلغي عمود الدبل فقط وعادي

والصدق لمبه الدبل مدري عنها ، فيه حركه تفصل الكهرب حقه يا بالفيوزات او شيء ثاني ، أنا موتري كان مفصول الدبل حقه فما كان فيه لمبه تشتغل من الاساس

@@aic-abuomar4509 انا بشيله كله مابيه ماله فايده عندي بالغيه كامل مره حتى الدفرنس حقه طلعلي صوت فيه فا مره وحده والحين بطلع اجرب افصل كل فيوزات الدبل و شكرا على الرد🌹

@@user-ii1ox5jb8b تأكد اذا فيه زيت بالدفرنس الامامي لأنه نادر يطلع صوت ونه

جاموس

يمديك تشيك على الجنازير قبل ماتركبه

@@aic-abuomar4509 اي اذا فتحته لكن بدون فتح مايبين معاك

استر علينا ي ولد هههههههههههههههههههههههههههههههههه

@@aic-abuomar4509 ياخي الموتر جميل بس في شي بلشني. المكيف كل ماجيت أشغله لزوم أرجع الإعدادات للوضع اللي أبغاه. مثلا ألحين شغلته يشتغل الهواء على الرجول الله يكرمك وبدون تهوية داخلية. كل تشغيله لازم أوجه الهواء على فوق وأشغل التهوية الداخلية. طبيعي ذا بالجموس ولا في طريقة أحفظ فيها إعدادات التكييف؟

يمكن انت تضغط زر اوتو ، ايضا قد يكون تحكم المكيف قد تغير يعني مب حق بلد@@mkb3353

وراك مدرعم ، ادري عن كل شيء بموتري منتب اخبر مني ، دينمو الدفرنس اساسا خربان و يحتاج تمديد ضفيره عشان كذا كنسلته لأنه مكلف علي ، ادري ان الدفرنس يثقل الموتر باللفات وحاس بهالشيء وأنا اسوق ، لمبة البطارية مولعه بسبب مشكلة بالضفيرة ، واعرف سبب المشكله لكن وقت المقطع أيضا كنت مطفر فخليت المشكله على ماهي مادام الموتر شغال ويروح ويجي ، لعد تدرعم الله يصلحك.

@@aic-abuomar4509 هههههه مو مدرعم بس دامك مصور مره وحده اذكر العطال الله يجزاك خير ودامك هاوي للموتر الله يباركلك بنصحك بنصيحه ماسمعتها قبل في لوكات تركب لسفاري 1991 من الوكاله تركب على الاكس والفلنجه الاماميه تقفل الاكس وتفتحه عشان يفر اشترهم لصوبين وروح للمخرطه وشوفلك طريقه تركبهم تستفيد منهم بثلاث طرق الاوله تقفل الاثنين والسياره تمشي مايفر عامود الدبل بس لزم يكون الدبل 2 h الثانيه اذا تعلقت معاك السياره تستخدم اللوك كئنه دفلوك تقفل اللوك الى على التاير الى ب الهوا ويشتغل الثاني ويطلع انا عندي باترول 320 قير عادي اخليه دفع خلفي بفصل فيوزين ولكن وقت المشي يفر الاكس الامامي ويفر عامود الدبل ويثقل عليه بركبله اللوكات الى قتلك عنهم وانشاء الله خير

مكان دينمو الدفرنس حق الجمس مختلف تماما مكانه عن الباترول واكاد اجزم انه مايمشي الا بتغيير قطع كثير والتكلفه تصير عاليه ، أنا ان شاء الله ناوي اركب دينمو دفرنس جديد وامدد له زر فصال عشان متى ما احتجت شبكته ومتى ماخلصت فصلته

أنا شابكه مستمر الدفرنس الامامي

الحين لي حوالي ٥ شهور مركب الدبل وما اشتكيت ان الدفرنس الامامي مشبوك ، نقول يارب انه مايضر

​@@aic-abuomar4509 الضرر على الدبل دام العمود شابك يدور مع الكفرات معناته الدفرنس معلق مافصل بسبب عطل الفرار وبالتالي العمود يدور ويدور معه الدبل والجنزير ويستهلك عليك بسرعه الفرار حق الدفرنس قيمة مستعمل 100 ريال او جديد ان حصلته ب 350ريال

الدبل مفصول اللي مشبوك بس الدفرنس الامامي ، والصدق قال لي امدد لك حق الدينمو تمديد بس ب ٣٥٠ قلت له يدز

هو عمود الدبل يدور سواء الدفرنس الامامي مشبوك او لا ، لكن باقرب وقت بإذن الله بحاول اركبه ، لأن عندي التزامات وصيانات أخرى أهم من الدبل

البويه مشهبه 🤓

إذا موترك فيه فيه دبل أساس كهرب يمديك ، اما اذا بالاصل مافيه دبل هنا ماينفع

@@aic-abuomar4509 مافيه من الاساس بس لو اركب قير دبل والعمود ما يصلح؟

اللي اعرفه انك لازم تقص جزء بسيط من الشاصي ، وكذا مب ناجح بالفحص ،ايضا تاخذ دفرنس امامي وعكوس ودبل وعمدان وكمر وتكلفه عاليه جدا