السلام عليكم ورحمة الله وبركاته رجعنا لكم بمشروع جديد وقررت فيه اسقط دبل ارضي عاليوكن اتمنى ان التغيرات بالقناة تحوز على رضاكم رابط اعلان حراج : haraj.com.sa/11104187732/قطع_...
لازم تسوي مقطع للتجربة بالخفيف والثقيل وتذكر الأسعار اذا ماعليك امر وهل تشوف المشروع نجح وتنصح الناس يسوون زيه وشكراً على المعلومات الجديده والمفيده وهل حل مشاكل الدبل الإلكتروني بصفه عامه وسلامتك
ماشاء الله الله يبارك لك في مالك وحلالك انا معي 2005 ولي الان 4 سنوات محوله دبل ارضي. ومسلك لدينمو كهرب خاص اشبكه وافصله بزر عندي. يعني افصل الدبل وافصل الزر عشان احرره بالكامل واذا شبكته. اشغل الزر. عشان يشبك معي الدبل. والدفرنس الامامي
ماشالله الله يباركلك ياخوي انا عندي جمس ٢٠٠٥ قسماً بالله عاقبني كل سنة اصلحه والسنة اللي راحت موضبه كامل بقطع كاملة جديدة اصلية حتى الجنزير والله انه ب ٢٠٠٠ ريال لحاله ابيك تشرحلي خطوات التسليك وتوضح لاهنت لاني مافهمت النقطة ذي
طيب اذا بحول من فرار لعصا احسن لن دايم اروح مناطق وعره واخاف يغدر بي الدبل الكهرب ويخرب. فهل العصا افضل وتركب علاطول ولا لازم اجيب دبل اساس عصا. طبعا الموديل ٢٠١٣ سييرا ١٥٠٠ وناوي اركب دبل ال hd نفس الموديل فهل يفرق او لا
@@aic-abuomar4509 ويباركلك فعلا زي ما قلت المعلومات ضعيفه حتى مع الامريكان لاكن في مقطع واحد فقط لقيته ربط الدبل بالدفرنس الامامي عن طريق حساس السرعه توليف نظيف
اقلك الدبل الكهرب يجي حساسين في الخلف سرعه والثالث حق حراره القير طبعا حيركب معاك حساس سرعه والثاني قدامه ابو فيش ابيض اعتقد حق حراره القير الفيش الثالث حق السرعه هل تم الغائه من الكامبيوتر ولا كيف الطريقه ولا ايش سوى فيه
@@aic-abuomar4509 فاهمك الظفيره تجي ٣ افياش للدبل من غير فيش الدنمو التوصيلات الخلفيه هو ضروري يوصل حساس السرعه وحساس حراره قير الدبل الفيش الثالث هو اساسا موجود من ضمن الظفيره يعني يكون ما وصله يبان معاك من عداد السرعه اذا فيه اختلاف او انه يكون فيش مربوط بكمبيوتر البلاد حق عداد السرعه والثاني حق عداد السرعه مربوط بي كامبيوتر الدبل
ابو عمر انا عندي يوكن دينالي ٢٠١٠. مثل ماهو معروف عنه، دبله كهربائي و اوتماتيكي، مب فرار زي الفئات الأقل. ف هل اقدر احول دبله و اخليه فرار مب كهربائي ولا لا؟ و هل تنصحني بهالشي ولا لا، هل هو يسوى؟
وعليكم السلام ورحمة الله وبركاته ، كل شي يمشي بالتوليف ، لكن السؤال لك أنت ، هل يسوى انك تولف بموترك ، هل طلعاتك للبر واجد ، هل استخدامك اقشر يخليك تحتاج الثقيل دايم ، قسها بنفسك واحكم ، أنا الصدق بديت اتحسف قليلا اني سقطت الدبل لاني ما اطلع واجد وغيرت شغل الوكاله
@@aic-abuomar4509 والله الحقيقة انه الموتر مجهز تجهيز كامل للبر، و طلعاتي فيه كلها للبر. ف ودي آخذ شورك يعني. هل الدبل بيفرق و بيطلع أقوى بشكل ملحوظ ولا لا؟
عن نفسي معد عرفت التعليق بالرباضات ولا النقر الله يبارك عقب ماركبت الدبل ، بس زي ماقلت الشغل توليف ف بتعدل على شغل الوكاله ، انا أقول أن كانك ما احتجت الثقيل ف مايحتاج تولف
الورشة اللي رحت لها يسقطون قير عادي ، بس يركبون لك اظن قير عادي حق HD ، والصدق ما افضّل تركيب قير الباترول لأنه بيصير توليف قطع شركات ثانيه وبيصير قطع التوليف لليل يعني مايضبط تصليحها لو خربت الا راعي الورشة اللي اشتغل لك
@@aic-abuomar4509 ماشاء الله تبارك الله طيب وش رايك بجمس موديل ٩٧ سوبربان دبله ازرار ودي احوله عصا السؤال هل ينجح؟ الأمر الآخر كم توقع التكلفه التقديرية للتحويل
إذا عندك احتياج للدبل الأرضي لان الكهرب يخرب دايم ، و استخدامك بالبر والسحب كثير ، فالافضل تركبه ، غير كذا دام حق البلد يشتغل خله ، التكلفه أعتقد بشكل عام من زيوت وقطع غيار مع دبل وشغل يد ب ٣٠٠٠
انا عندي يوكن 2000 دبل كهرب و ابي الغيه لانه طفشني بمشاكله طلعلي صوت كارونه دفرنس الدبل و غير كذا مايشتغل فجاة فصل مدري هو شابك على طول فا الغيت عمود الكردان و ابي الغيه كامل بس العداد عندي حق الوكالة بدبل و مطلع لي سيرفس دبل هل اغير عداد الى عداد بدون دبل يزبط؟؟
@@aic-abuomar4509 انا بشيله كله مابيه ماله فايده عندي بالغيه كامل مره حتى الدفرنس حقه طلعلي صوت فيه فا مره وحده والحين بطلع اجرب افصل كل فيوزات الدبل و شكرا على الرد🌹
@@aic-abuomar4509 ياخي الموتر جميل بس في شي بلشني. المكيف كل ماجيت أشغله لزوم أرجع الإعدادات للوضع اللي أبغاه. مثلا ألحين شغلته يشتغل الهواء على الرجول الله يكرمك وبدون تهوية داخلية. كل تشغيله لازم أوجه الهواء على فوق وأشغل التهوية الداخلية. طبيعي ذا بالجموس ولا في طريقة أحفظ فيها إعدادات التكييف؟
وراك مدرعم ، ادري عن كل شيء بموتري منتب اخبر مني ، دينمو الدفرنس اساسا خربان و يحتاج تمديد ضفيره عشان كذا كنسلته لأنه مكلف علي ، ادري ان الدفرنس يثقل الموتر باللفات وحاس بهالشيء وأنا اسوق ، لمبة البطارية مولعه بسبب مشكلة بالضفيرة ، واعرف سبب المشكله لكن وقت المقطع أيضا كنت مطفر فخليت المشكله على ماهي مادام الموتر شغال ويروح ويجي ، لعد تدرعم الله يصلحك.
@@aic-abuomar4509 هههههه مو مدرعم بس دامك مصور مره وحده اذكر العطال الله يجزاك خير ودامك هاوي للموتر الله يباركلك بنصحك بنصيحه ماسمعتها قبل في لوكات تركب لسفاري 1991 من الوكاله تركب على الاكس والفلنجه الاماميه تقفل الاكس وتفتحه عشان يفر اشترهم لصوبين وروح للمخرطه وشوفلك طريقه تركبهم تستفيد منهم بثلاث طرق الاوله تقفل الاثنين والسياره تمشي مايفر عامود الدبل بس لزم يكون الدبل 2 h الثانيه اذا تعلقت معاك السياره تستخدم اللوك كئنه دفلوك تقفل اللوك الى على التاير الى ب الهوا ويشتغل الثاني ويطلع انا عندي باترول 320 قير عادي اخليه دفع خلفي بفصل فيوزين ولكن وقت المشي يفر الاكس الامامي ويفر عامود الدبل ويثقل عليه بركبله اللوكات الى قتلك عنهم وانشاء الله خير
مكان دينمو الدفرنس حق الجمس مختلف تماما مكانه عن الباترول واكاد اجزم انه مايمشي الا بتغيير قطع كثير والتكلفه تصير عاليه ، أنا ان شاء الله ناوي اركب دينمو دفرنس جديد وامدد له زر فصال عشان متى ما احتجت شبكته ومتى ماخلصت فصلته
@@aic-abuomar4509 الضرر على الدبل دام العمود شابك يدور مع الكفرات معناته الدفرنس معلق مافصل بسبب عطل الفرار وبالتالي العمود يدور ويدور معه الدبل والجنزير ويستهلك عليك بسرعه الفرار حق الدفرنس قيمة مستعمل 100 ريال او جديد ان حصلته ب 350ريال