الله يبارك لك. معلومة صغيرة. من خلال تخصصي انا بنشري ضغط الهواء 40كثير الاصح والافضل. ضغط 35 بسبب الرنگات حجم 20. يكون في السيارة مطب قوي السلبية الثانية الضغط الزائد يسبب تآكل للكفر من الوسط اخوك عمر من العراق 💗
انا الان مركب كفرات جينيو رودكس صينية وتعبر الكفرات هاذي من أفضل واجود الكفرات الصينية ف السوق هي رقم واحد المقاس الي مركبة 245/60/R18 لها الان ١٢ شهر ب الضبط اي سنة كاملة راكبة ع سيارتي مشتريها طقم كامل موديل السنة ١٢٥٠ريال شامل التركيب.. طبعا من اكبر مميزاتها سعرها المعقول طقم كفرات ب هذا المقاس وبهذا السعر يعتبر معقووووول جدا جدا وسعرها ممتاز وهذا السبب الي خلاني أركب الكفرات هاذي. انطباعي عنها بعد استخدام سنه ولاول مرة اجرب صيني ((مقبولة )) ولكن!!!! لو عاد بي الزمن م شريتها نهائيا ، بزيد ع المبلغ شوي وبأخذ شيء مضمون ومعروف هانكوك مثلا . سلبيات الكفرات : ١- التماسك فيها سيء جددددددا جدددددا جدددددا الموتر ماهو ماسك الارض ابدا .. اذا دعست وانا ماشي فحط الموتر اذا فرملت( بقوة وسط )فحطت السيارة يعني يقفل الكفر وهذا وانا ماني ضاغط الفرامل ع اقوى شيء فقدت ثقتي شوي ف السيارة واخلتفت السيارة علي للأسوأ. وطبعا هذا الكلام ع الزفلت الناشف يعني مافيه امطار ولا ماء ولا شيء واذا كان الزفلت فيه ماء او موسم أمطار لا تستبعد نهائيا ان الموتر يزححف معك سواء ف لفة بسيطة او ع سرعة ع خط مستقيم لان التماسك يصير مضاااعف للاسوأ ٢- تجمع حجار بشكل هائل وبشكل غغغغغغريب يالله اش هي تحب الحجار !!!! ، ف حرفيا كل يومين ٣ ايام انظف الكفر من الحجار ايجابيات الكفرات : ١- سعره الرخيص ٢- جودتة بصراحة حلوة الى الان النقشة ممتازة وما لاحظت تمسيح ع الكفرات بكل امانة ولا تقطيع لازالت النقشة صاملة الى يومنا هذا ٣- العزل فيه ممتاز جدددددا ججدددا ٤- الكفرات لينه ومريححححة مافيها ذيك النشافة و القساوة ٥- ما لاحظت ارتفاع حرارة الكفر حتى ع اقسى الظروف ف مافيه خوف انه ينفجر عليك من الحرارة او شيء باذن الله فقط مختصر الكلام أنصح ف الكفرات المضمونة وذات الجودة العالية بعد م ركبت الكفرات ذي اقتنعت قناعة التامة،، حاجتين لا تستهين فيها ف سيارتك ولازم تركب أفضل شيء وحتى لو يكون غالي عليك ١ الكفرات ٢ الاقمشة و الهوبات والله يوفقنا وياكم فيما يحب ويرضى.
ماشاء الله تبارك الله ربي يبارك لك ف حلالك ومالك بس نصيحة وانا واخوك لو ميزانيتك تسمح لك تركب كفرات اصلية ركب كفرات جود يير صحيح انها غالية شويتين لاكن لايقل عن انها تعيش معك أقل شي ٦ سنوات انا مركبها وماشي عليها ١٢٠ الف كيلو وبعدها بحالة الوكالة والجنوط جنوط وكالة ما لعبت فيها لاني ما احب احسس الناس اني انا 5.7 ومركب جنوط 6.4 وبالنسبة للكفرات صدقني لو ركبت كفر اصلي ومحترم انت قاعد توفر على نفسك انا جربت الروديكس والجينيو كلها سنتين ويبدا يترهل الكفر وينشف عليك عكس الجود يير اللي يمر ب عدة تجارب قبل لايطلع للأنتاج العالمي والأفضل لو تبي توفر فلوسك احسن ماتقعد تدفع دبل المبلغ على كفرات صينية كل سنتين ركب كفرات اصلية ومحترمة زي جود يير او ميشلان وريح راسك وبالنهاية ربي يبارك لك ف حلالك ومالك 🤷🤍
ركبت كفرات صينيه على سيارة صغيرة مشاوير عاديه داخل المدينة، ما كملت خمسة أشهر وبدلتها اللي حبلت واللي بدت تنسم، نصيحه لا تركبو صيني إذا تقدرو على الكوري أو الأروبي. حتى على الطرق السريعة أحس الدركسون وثباتها ماش بعد ثلاث أشهر تقريباً من تركيبها، والحمدالله ركبت بعدها بيرلي فرق كثييييير.
نصيحة للجميع ؛ الكفرات الكورية قريب سعرها جدا من الكفرات الصيني ؛ اذا حصلت بديل كوري وبسعر مناسب خذ وانت مغمض اي نوع كوري وانا خذيت مارشال لسيارتي لأنه اقل سعره حصلته والفرق في الطقم عن الصيني 200 ريال ؛ اذا انجبرت على الصيني خذ تايواني من شركة ناينكنج