اليوم نساءنا حتى فالصفحات العربية يحكو أسرارهم كون غي بقات عند مول الحانوت وتعجبك يشوفوها إنفتاح وحرية وهوما حطو قيمة الجزايرية فالحضيض ويفرحو بلبراني كي يطبللهم ويشكرهم خاطر جامي لقاو كيفاش يهاجمو الجزايري وجاتهم فرصة عن طريق الساذجات يسخنولهم الطرحة ويخلوهم ينتقصو من رجال بلادهم وفي الأخير يضحكو عليهم وعلى سذاجتهم هوما اللولين
استغفرالله العظيم واتوب إليه استغفرالله العظيم واتوب إليه استغفرالله العظيم واتوب إليه استغفرالله العظيم واتوب إليه استغفرالله العظيم واتوب إليه استغفرالله العظيم واتوب إليه
واش هاذ العقلية هاذي احكمو لسناتكم مكان لي تروحلو تفشو سركم كون راكي متقاتلة مع زوجك عيب تحكي لي ناس سرك بينك وبين زوجك اهلك الله يهديكم شكرا قصة رائعة فيها عبرة كبيرة ❤
يا لطيف مكانش لي يسمع كلمة او ما يوصلهاش،هذا لي رد الهضرة خرب لها حياتها، ربي وكيله و فريدة إن شاء الله ربي يعوضها بزوج مليح،قصة رغم انها حزينة بصح مفيدة،شكرا ❤
@@نبيلةالجزاىريةالقاباىليةنفس تفكيري صبرت و تعبت و تحملت هي كلمة عاقرة لكن اخ جاتو عيب انو عقيم و مرتو هي لي تصرف عليه كان صح رجلة كان نهار عطاتلو دراهم كان مقبلش قاع يمسهم
وصلنا لوقت لا امك و لا اختك تحكيلها سرك انا اجهضت و دخلت المستشفى راني في اسبوع الحمد لله حد ما سمع بيا غير زوجي و اولادي فهمتهم ما يهدروش خطرش ما بقاش حد يبغيلك الخير بالعكس الكل يفرحو لمرصك
وصاحب سيارة الأجرة ليس رجلا صالحا..بل نمام ونقال للهدرة وللكلام وهو يعلم أن مثل هذا الكلام سيسبب الطلاق وبرغم ذلك نقله لقريبه. لادين له ولا أخلاق. لو ستر وكتم وجعلها لله...لما وقع الطلاق. ولكن قدر الله وماشاء فعل. انتِ سيدة نشيطة وعاملة وحيوية جدا وحياتك أمامك ولسوف تجددينها مع غيره ورزق الله واسع.
طليقك اناني علاه اخليك انت تتحملي كلام الناس واقولوا انك انت اللي ماتولديش وانت ساكتة ومتحملة وكي ظهرت الحقيقة مابغاش اقولوا عليه هو اللي مايولدش هذي الملاحظة الاولى اما الملاحظة الثانية علاه اكتفيتوا برأي طبيب واحد ومابدلتوش اطباء اخرين لانو حاجة كما هذي لازم الواحد يتأكد منها مليح راهي هي الحياة بذاتها؟!!!! اما الملاحظة الاخيرة فهي موجهة لصالح زوجك وهي عسى ان تكرهوا شيئا وهو خير لكم يعني سبحان الله لوكان ماصراتش هذا الحادثة كان مازال راه معاك ومازال في بالو بلي مايجيبش الاولاد اما انت نقولك ربي يرزقك حتى انت بالزوج الصالح والذرية الصالحة وفي النهاية نوصيك ونوصي روحي وجميع من قرأ تعليقي اننا نحاذروا من الغيبة والنميمة "فللحيوط آذان"
مسألة خاصة كيما هاذي ما تعاودهاش لكل من هب و دب...أنا عندي أختي تزوجت اربعةسنوات ماحملتش بدات التحاليل مع زوجها وووووووو بعد ذلك كان بقا وحد التعيار يديرو زوجها و تخرج النتيجة النهائية. هي خرجت سليمة 100%. و أنا و خياتي كل جمعة نتلاقاو في دارنا نتشاوفو و نشوفو يما و بابا و مرات خاوتي الذكورة. كنا مجمعين حنا الخيات و امي..وحدة من خياتي سألت الاخت الي ما عندهاش الأولاد علي نتيجة التحاليل. هي بدات تبكي حنا فهمنا النتيجة سلبية. هنا يما نطقت قالتلها واش قررت تكملي معاه و إلا تطلقي ختي كان عمرها 24 عام. قالت ألا نكمل حياتي معاه. من ديك الدقيقة هي ما زادت هدرت و حنا كذلك. ما دامها قبلت علاش التبلبيل.و تعاودي حياتك للغير.عامين من بعد لوستها زيدت ولد و كان عندها بزاف الأولاد و كان لازم عليها تعمل عملية جراحية راحت أختي جابت الولد كان في عمرو شهرين و اليوم راه في عمرو 32 سنة.متزوج و أب لبنت و ولد نهار ما غلطناش و قلنا ماشي وليدها نعاملوه و يتعامل معانا كأنه أختي أمو اليولوجية حتي لوستها قالت لها لو كان غير زدت حملت بلاك نجيب طفلة و نمدهالك...طالما قبلتي بالأمر و خذيتي القرار ما تبقايش تهدري و تعاودي راح تولي انت ألي ماشي مليحة
ربي يرزقكم بالذرية الصالحة و يفرجها عليكم و ترجع أيامكم أفراح ...برحمتك يا أرحم الراحمين يا رب العالمين و صلي و بارك على محمد و على آل محمد صلى الله عليه و سلم.
انا رأيي راح يكون مختلف عليكم... انتي صبرتي ووقفتي معاه ودعمتيه وسترتيه... وعلى مجرد زلة لسان، نسا كل شي،،، سبحان الله الانسان قداه أناني... لازم لمرا تتحمل كلشي وتصبر على كلام ناس والا ماتكونش مليحة... كان قادر يسامحك ويفوتلك... ربي يخلف عليك ان شاء الله
نشاطرك الراي هي صح هدرت بنيتها بصح هو كان اناني وماسامحهاش يا ربي غفرلي بصح شكون ليقال ليزاد راه وليدو بزاف رجال عندهم عقم كاين لرزقو ربي وكاين لخانتو مرتو هدرة كبيرة بصح هذا الواقع
هذي مش غيبة أو نميمة،هي ما قطعتش في راجلها هي كانت تشارك في الحديث مع المراة مجرد حديث فقط لم يكن غيبة او نميمة ،العيب على الطاكسيور يرفد الهدرة و يديها سخونة تفلفل لعائلة الزوج ،كاين رجال نقدرو نقولو عليهم نساء عقليتهم عقلية عجايز يدي الهدرة و بجيب ،ما يخاف من ربي ، المهم لازم كل واحد يشد اسرارو عندو حتى لا تعمم عند الاخرين ،لان السر إذا خرج من فم صاحبو لم يعد سر يولي جهر ،و مزروع عند كل الناس.و ربما فيها حكمة عند الله بش تعاود تتزوج و يرزقها ربي بالاولاد.
الطاكسيور رخيس. كامل نفرغو قلوبنا. وراجلك ماهوش مول الخيرومايستعرفش بالخير كي كنتي هازيتيه وكنتي تصرفي وقاتلة روحك هذاك كامل ماشافوش, نقولك اذا كنت ماتولديش راهم نشروك في نشرة الثامنة. فاميليا فيها سوق النساء بزاف.
حكايات صفية هاذو الأيام تحت شعار فرغت قلبي😂 في خاطري نفرغ قلبي وخايفة وحدة فيكم تكون تعرفني ههههههه والله وسوستينا صفصف بعيدا عن المزاح نشكرك لأنك تنشري قصص توعوية تعلمنا منك بزاف الله يجعلها في ميزان حسناتك حبيبتي أحبك في الله
انا ابدااا منحكيش. مع الغرباء خصوصااا الرجال لو اتبعتم ديننا الحنيف واحد مااااا ينقهر. الرجل لما يكون عقيم اقلهااا اسكتى. اما كى هى. متولدش الرجل ادير قرون وحوس يزوج. العنصرية
مجتمع ذكوري، علاه لمرا كي ماتولدش يتزوجو وحدة جديدة و الراجل كي مايولدش نورمال يليق تصبر و يربو طفل و صايي، دايمن العيب فلمرا، الله يفرج عليك و يرزقك بالزوج الصالح ان شاء الله.
@@toutasousou5192 بسم الله الرحمان الرحيم فقلت استغفروا ربكم انه كان غفارا يرسل السماء عليكم مدرارا و يمددكم باموال و بنين و يجعل لكم جنات و يجعل لكم انهارا......الاستغفار عن تجربة الكثيرين ان شاء ألله ربي يرزقكم و استخيري ماتطلقيش غير هك
أختي انتي تسرعتي بزاف جامي ديري تمدي دراهمك سترك ربي و كتبتو وصل أمانة ،وجامي تهدري اسرارك في اماكن مع ناس ماتعرفيهمش وحتى هما يحكو انتي اسمعي و اسكتي ، هاد الموقف صرا في عيادة طبية لوحدة من عائلتي و صرالها مشكل كبير كانت وحدة تما وبيعتها 😌
يا صفية ، قضية هذه الاخت مش غيبة و لا نميمة و لكنها قضية إفشاء الاسرار الزوجية و الخصوصية لكل من هب و دب و النتيجة شفناها جامي تحكي سرك للناس او في اماكن عامة لان الحيوط عندها آذان و الهدرة توصل عاجلا او اجلا و السر اذا خرج خلاص
صاحبة القصة خرجتي قليلة الاصل و بحتي بموضوع، كاين رجال يتقاتلو عليه و يسيل الدم، و ما درتيش النية ،،،فس زواجك عيب عليك كي فشيتي سرو، نقصتي من رجولتو وكرامتو عيب عليك،، جرحه ما يبراش و انتي امراة قليلة الاصل ،و مغرورة ،، انل درت،، انا درتله الدار، انا خدمت، ،انا عملت،، واش هذا الغرور،،، عيب عليك روحي الله لا تربحك ملي بديتي القصة و انتي تزوخي شا عندي و شتى عند راجلي،، بخس،
خطأ راكبك من ساسك لراسك اولا واحد ما فرض عليك الزواج كنتي تخممي اذا ظروفو يناسبوك ثانيا واحد مافرض عليك تصرفي على الدار و تعاوديها نتيا قررتي تدي مهمتو ثالثا هو استأمنك على سرو و الناس وكان قلتيلهم مزال مجابش ربي لكن كلانا سليمين بالفحوصات كلشي و خليهم يهدرو ووكان شفتو شحال من طبيب و رحمة ربي واسعة باش تطلعي في طاكسي و تعاودي اسرار دارك وراجل يسمع هدي قلة حياء و قلة عقل من عندك علابالنا تحملتي فوق طاقتك لكن ليس مبرر وهو رجعلك دراهمك يعني مظلمكش و خونك و طيشك بالعكس ردلك دراهمك و مستحيل يكمل معاك لانو جرحتي رجولتو و اذا كمل معاك يهدرو فيه انو معندوش شخصية و خلا اللي فضحاتو منكونوش عاطفيين و ننكرو اخطاء بزاف نساء اللي يستهينو بافشاء اسرار بيوتهم هذا اثم عظيم وواحد مضربكم على يديكم اللي رها مضرورة يا تطلق يا تشوف طبيبة نفسية تعاونها باش تبرا نفسيا واستشارية تعلمها كيفاش تحب نفسها و متخدمش خدمة الراجل الراجل و المرا مرا بدلتو الادواؤ و درتولنا الخلل المهم الله يهنيه و الله يرزقك ماخير و يعوضك بما احسن ان شاء الله درس ملازمش تنسايه
صاحبة القصة انتي اخطاتي،ماكان عليكي،ان تتكلمي،على خصوصياتك او حتى على اي شيء أمام ناس ورجل غريب،غير محرم،لكي،ثانية الشخص صاحب سيارة الأجرة انسان حقير،ومنحط،وكلي عليه ربي ،اكملي حياتكي ربما فيها خير
@@lafleurblanche-sm5uw ايه صح لوكان جا راجل،ميعودش،واش سمع،قعد يجسس،عليها ومخبي،روحو،متعرفوش ،وراح دارلها مشاكل،لكن حتى هي ماكان عليها ان تحكي أسرار زوجها أمام رجل،غريب حتى ولن،يفظحها فهاذا يبقى حرام،غاظتني صبرت معاه وبنات دارهاوفي الاخير كلمة أمام واحد منحط،ظيعتها،انا لم ابرر،مافعله،الطاكسي،
انتي غلطتي كي حليتي فمك على راجلك كدام الناس اما صاحب الطاكسي رخيس و ما يسواش و ربي يعوضك بواحد و تجيبي وليدات و تفرحي بيهم بصح هذي مشي سبة راجلك يطلقك عليها ما انتي حكيتي الحقيقة يعني هو ملصق فيك التيكي انك عقيم معليهش و مواليه يسبوك و يعايروك بالعقم بصح من اتفضح هو لا و رجولته ما تحملتش المهم انتيا حققتي حلمك و فرحتي بيه و ان شاء الله يعوضك و يجبر بخاطرك
انا من طبعي ما نحكيش خلاص لا في مستشفى لا في طاكسي لا في حانوت على حياتي ولا على حيا الاخرين صرالي موقف مع مرت سلفي كنت نروح عند حفافة جارتي جديدة نحكي غير على روحى ولا على قراية ولادي في يوم رحت عندها قالتلي ان مرت سلفك تحكي بشر عليك ونتي عمرك جبتيها وكي جينا لعس بنتك لقيناها في دارك كانها ختك ولا مولات دار وقالتليت كانو ناس رايحين يخطبو بنتها كي شافوها لكن كي سمغوها هي ومها يحكيو عليك بطلو وقالو هاذي تحكي هك على مرت سلفها لو كان نديو بنتها رايحا تحكي علينا وتجبد اسرارنا بطلو ما خطبوهاش بقات لحفافة حاير قولتلها ربي يهذيها كل واحد يحكي عليه عرضو شكرا صافية بنتي علىهاذ الحكيات الهادفة ربي يطلع قناتك للعالمية ❤❤
هذه الحكاية فيها عبرة لكل النساء والزواج والطلاق مكتوب رب انا في راي ان الاخت صاحبة الحكا ية غلطت بزاف كي خرجت سر الزوج تاعها وننصح كل امراة مهمومة تفرغ قلبها لربي وتدعيه وتكثر من الاستغفار ورب يفرج عليها بالزوج والذرية الصالحة
ربي يجازيك صفية على كل قصة تحكيهالنا والله غير فايدة وخنا نساء صح ضعاف من ضغط ازوج ولولاد ومشاكل العايلية والخ نتصرفو احيانا بدون وعي الله غالب القلب لحمة ربي يفتح على كل مغبونة وكل مهمومة اخت صفية وخياتي ادعولي لختي بسكن راهي تعاني مسكينة وربي يجازيكم 😘😘
سبحان الله هذي حكمة من عند ربي صح غلطتي يا أختي كي هدرتي أسرار دارك بصح أنا نشوف بلي ضلمك طليقك لأنو خذي غلطة تغتفر ماراهيش غلطة كبيرة بصح اللوم على عمر الطاكسيور لي يعاود في هدرة النساء وبسبابه طلقتي روح ياعمر الله لا تربحك هذي ماشي خدمة تلع رجال
جاتكم نورمال الغاشي يعايرها بالعاقرة و الناس تسمعها الكلام و سيدي عايش حياتو لانو راجل و راجل مافيهش عيب ؟ لهذه الدرجة مشاعر المراة و سمعتها معندهم حتى اهمية في البلاد هدي ؟
مشكلة النسا هي انوكل وحدة تحب تبين روحها بلي هي لمليحة وهي المسكينة والضحية. وفي هاذ قصة عجبتي جبر الله لزوجك فرحو بعدما كان مكسور ويائس .خسرتي راجل لكن قادر ربي اعوضك مخير منو
نتي غلطت لا شك لكن ماهوش سبب يطلقك لأجله الله يهديه كنت تفكر العشرة بيناتكم و دورها في راسه مليح يسمحلك عادي الله يرزقك اختي عندك ربي هو الرازق الجئي له يفرج عنك
صاحبة القصة الله يفرج عليك ان شاء الله ويعوضك خير وتفرحي باءذن الله عساه خير لك ان شاء الله رزق ربي واسع أصبري وسوف تجدي ماتمنينه ان شاء الله كل واحدة تدي واش كتب لها ربي
حسب الحكاية انتما شفت طبيب واحد....وفي هذه الحالات لازم استشارة اكثر من طبيب....... صدقيني لو طبيب خبر زوجك بأنك انت للي عقيمة كان راح يطلقك.....تصرفه معك بدل على ذلك ......هو كان يبين لعائلته بأنه راهو صابر ويحتسب لله لكن في اول امتحان سقط .. الكل استفاد منك إلا انت....ضحيت بكل شيء....الكلام للي قلتيه فالطاكسي... نتيجة موت الاب...الام ...مكاش عندك انسان تحكيلو..........ما تحمليش نفسك اكثر من استطاعتها....كل شيء يقع لحكمة......الله يرزقك الزوج الصالح وذرية صالحة باذن الله تعالى
غلطتي تحكي حوائج خاصة ،كاين نقطة كاين الي تخرج تحاليل بلي كاين عقم وانعدام الحيوانات المنوية ولكن هو في الأصل سحر صرات بزاف وفي الاخير يكون تفريق مثل محصل مع الاخت ،وشفتو بعد ماعاود الزواج انجب
ربي سبحانه دار سبة باه تتفارقي مع زوجك وكيما عاود هو حياته ورزقو ربي سبحانه بالذرية نتمنى ومن كل قلبي وبجاه هاد الايام المباركة ان يرزقك الرجل الصالح ويرزقك بالذرية ويعمر حجرك انت كذلك اختي يا رب ولكن اتعلمي من اخطائك ففي المرة القادمة أكتمي اسرارك فبعص الناس والعياذ بالله يقارعوك غير على غلطة صغيرة باه يدمروك انت كنت مقنوطة وضحيتي من اجل زوجك وحبيتي تفرغي قلبك شكون فينا ما يغلطش؟ انا كي يكون عندي مشاكل خصوصية نحكم ورقة وقلم ونكتب كل شيء نرتاح احسن ما تحكي للناس وتكون العواقب وخيمة الله يهدينا جميعا يا رب
متأكدة يا أخت لو كان نديرلك متابعة أمي يكون عندها قصر فالجنة و تسجد في مكة؟ ربي يرزقك من واسع بصح بدلي صيغة الجملة ديالك ربي سبحانو ماعطاكش تفويض توزعي القصور فالجنة و السجدات في مكة. قولي إن شاء الله ربي يرزقك و يعطي امك وووووو. بلا زعاف 😉
ربي يرزقك بزوج صالح راجلك كون جيتى نتى الى فيك الديفو كون سمع الغاشي كامل فى اللحظه بصح هو جاتو كبيره ربي يعوضك ويجبر بخاطرك وراجل الى تهون عنو العشره على جال هدرت الناس ماشي راجل
الحمد لله واش نسمع وواش نشوف في حياتي ماديت وجبت بين الناس سوا لي منشر ولا لي هدر ولا لي فرغ قلبو ولا حكالي سرو كلش عندي مدفون الحمد لله ملي كنت صغيرة فيا هاذ الطبع هاكاك وساعات نخاف يزل لساني بغير قصد
مول الطاكسي راح يجي لي يخربلوا دارو هذا باين كان غير من ولد عمو نلقى الفرصة باه يفسدلكم حياتكم وكلي عليه ربي وزيد نوجه نصيحة للمتزوجين حديثا ويقولواهم الاطباء لي يقولولكم ماتجيبيش لولاد ماتصدقوهمش على خاطر هاذ الشي بيد ربي وهوما مايقدروش يعرفو .بزاف لي قالولهم هكذا وجابوا لولاد عادي و كاينين لي ماعندهم حتى مشكل وماعطاهمش ربي هذا فضاء وتقدر عليكم بالدعاء والصبر وماتحكيوش اسراركم مع لي بعاد وماتعرفوهمش.
خلينا من افشاء الاسرار .هدا الراجل أناني هو مريض وبغاك انتي تتحملي ظغط المجتمع وكلام الناس وهو يعيش نورمال مهم ربي يعوضك براجل ماخيرمنه والله ياختي صحبت ختي راهي بابحمل وهي قي عمر47سنة مشاء الله ربي يرزقك زوج سالح عاجلا غير آجل
لا حول ولا قوة الا بالله❤ مكتوب كمل يااااصاحبة القصة. .وربي يعوضك مااحسن .....ومرة جاية خصويتك جامي تحكيها 😊 طليقك مرضاش بكلمة عقيم .....وانت نورمال يعايروك بيها .....ربي كشفه لك
يا ختي كون نتي لما تولديش كون شيعك قاع مع الناس بصح كعاد لعكس سكت و خلا ماليه يهدرو عليك انت لما تولديش صح انتي درتي غلطة كحكيتي اسرارك للناس الفم المزموم ما تدخلو ذبانة المهم عيشي حياتك و ربي يعوضك على 10 سنين لضيعتيهم معاه بزوج و اولاد و كيما يقول ربي سبحانو عسى ان تكرهو شيىا و هو خير لكم صدق الله العظيم