والله لو املك شي لا اكرم هاللاعب لانه ماشاءالله اقوى قدم بالملاعب السعوديه والخليجيه والى الان ما شفت اي لاعب يسدد نفس قوه تسديداته وسرعتها ياما وياما فرحتنا يا عبدالله الجمعان مجرد دخولك الملعب رعببببببب للخصم عسى الله يوفقك في حياتك ويمدك بالصحه والعافيه
افضل لاعب سعودي يسدد من بعيد ولكن واضح ان ما كان أحد حوله يوجهه وينصحه لأنه أنهى نفسه بنفسه وبمزاجيته مثل ما صار مع لاعبين نجوم كانو معه ابرزهم خالد عزيز
اللاعب الوحيد اللي انحرمت منه الكرة السعودية هو فهد الغشيان انتهى مشواره مبكرا وعمره 26سنة وكان في امكانه اللعب الى عام 2010 كان لاعب مهاري ولمساته سحرية
نصراوي ولكني حبيته بكثير تسديدته فن خاص والله انسان كان ينزل الملعب لأجل المتعة والفن ولا للعنصرية والله تسديدته باتيستوتا صح . الله يحفظك من كل مكروه بالدارين وجميع المسلمين
والله انك صادق المذيع مستفز مرة مسوي يحجر ويلخم بالاسألة ويسوي محقق وذكي احيانا شف حلقاتة مع السلومي وصالح الحمادي وغيرهم ياخي حمار يشطح شطحات بايخة فعلا حدة مراسل صوت وبدون صورة بعد
آرائه جميله عبدالله بجامله وجمال نفسه وأخلاقه...تمنيت أشوفك... أنا كنت صديق خالد عزيز وياسر الطايفي.. أكيد يعرفهم ...حتى عبدالله كان صديق خالي لكن ما قابلته شخصيا...حتى مره قابلت سامي الجابر مع خالد عزيز...كانت أيام حلوه ... ألحين ما أعرف وضعهم وكيف أمورهم ... خاصة ياسر الطائفي... لأنه عزيز وغالي...
سقى الله ايامك يا الجمعان.. كان السبب في عشقي للهلال ورقم 7 ... زمانن عن المصطلحات .. البوز .. الموزة ... المزعة .. الجمعان كان يدخل من الدكة عشان يشوت فاولات وكان صاحب قدم يسرى مدفعية ما شاء الله .. واول لاعب اقابله بالواقع 👍🏽
الدقيقة 11:21 يبين لك انه محاور ماهو نزيه وله هدف واضح وصريح وفعلاً هذا مكانه عند جامع الكرات يلقط تصريح من اي لاعب طارف اما سالفة استديو ومحاورات وتحليل للأسف ساقط من الطراز الرفيع
اهلاوي و متابع للكوره السعوديه من الثمانينات .. عبدالله الجمعان كربون من يوسف جازع لاعب الهلال بالفتره 87_95م او مقارب له ، ولكن للاسف احنا بدنيا غريبه الناس تفتكر غيرهم و تنساهم
يا ماجد دائما تبطي علينا الله يهديك , ما شفنا الى حلقة حاتم خيمي و الجمعان من 7 شهور صدق ترى " على قولتك عجلو علينا انتو و صحيفة الرياضيه. برنامج ناجح بكل المقاييس بس على ذا الوزنيه بتلحقون على احفادنا.
اكثر شيء انقهرت فيه اني رحت عند نادي الهلال في الليل ووقفت عند الباب وجات سيارة ووقفت ونزل منها واحد بس انا ماعرفته لان شكله تغير طلع عبدالله الجمعان والمشكلة كلمني بس انا ما عرفته 🫣 وانقهرت اني ما اخذت معه صوره
محمد بن فيصل فقراوي مندس أذكر قبل نهائي الدوري أمام الإتحاد راح ودى اللاعبين يعسكرون في العين و رجعهم قبل المباراة مرهقين..وكان سبب في خسارة الهلال النهائي بمستوى سيء..
ما يغيب عن بالي هدفه على الفريق الجزائري في بطولة العرب ٢٠٠٠ كانت مباراة صعبة على الهلال ويوم شفت التبديل قلت لأخوي راح يلعب الفاول ويسجل وسبحان الله من أول لمسة ومن الفاول جاء القول.. الله يسقي ذيك الأيام بالخير
سبب خروج عبدالله الجمعان من الهلال كانت للهلال مباراة السوبر الآسيوي ضد فريق كوري ليلة المباراة خرج عبدالله الجمعان من معسكر الفريق بدون سبب وهذا سبب إبعاد الجمعان من الهلال
أنا كنت أتابع عبدالله الجمعان من يوم كان في بداياته في الناشئين وكان بالفعل لاعب فنان ويُتقن تنفيذ الكور الثابتة وهداف وكنترول مميّز على الكرة لكن عيبه أنه لايعرف يختار أصدقاءه خارج الملعب وجميع أصدقاءه من الحاقدين على الهلال فمن مثل س العويران والبلوي فمن المؤكد أنهم سيُحرضونه على التمرد على الهلال وأنا لا ألومهم لأن كل شخص سوف يبحث عن مصلحة فريقه وإضعاف خصمه من خلال تجريده من أهم وأقوى أسلحته لكن ألوم عبدالله الذي لم يفكر لماذا حاول هؤلاء تحريضه على ناديه ويفترض أن تستخدم عقلك في إختيار أصدقاءك وتبتعد عن مصادقة الحاقدين على ناديك حتى وإن كانوا من أقاربك في الدوريات الأوربية يتم منع اللاعبين من مصادقة لاعبي الفرق المنافسة لإداركهم بخطورة ذلك عليهم وأنت تُسافر مع عدو فريقك الأول في يوم مباراة حاسمة
اولا سعيد العويران يقرب للجمعان ثانياً البلوي صديق الجمعان خارج الملعب وهذا امر طبيعي ثالثاً الهلال هو من اعطى الجمعان جوازه لكي يسافر ماظلم نفسه فيه من ظلمه بس حافظ منت فاهم
الله ياعبدالله الجمعان قاذفه بالملعب لاحظت باللقاء عقلانيه من عبدالله الجمعان المذيع ماجد التويجري مستفز يبي يدخله بمشاكل (سامي الجابر ماجد عبدالله ياسر القحطاني ) مثل يوم قال ماحد يذكرك "مستفز" لكن الجمعان بطل وله شخصيته مثل يوم كان بالملعب 🤍💙 تذكرت يوم يرفض الخروج والمدرب يبغى يبدله 😂 لاعب موهوب بالفطره من طراز نادر لكن المزاجيه والبلوي ضيعوا الاعب علينا وعلى الكرة السعودية
اسمح لي استاذ ماجد ... أنت تسأل جواب ، عجزت اطلع بفايدة ، انت عندك معلومه تقوله على صيغة سوال وجواب ... وبعض اسألتك مثل فقرة أجب بـ (نعم) أو (لا) في اختبارات المدرسة
ماجد التويجري لو يطلع الى اكثر الكواب بعدا عن الارض لكي يخفي نصراويته الا يبقى العقليه والاسلوب اسلوب الجماعه والثقافه ثقافة الربع ماتتغير سبحان من لفلف اعلامهم لكن الجمعان عاقل وماعطاه فرصه لكي يستدرجه ويسيء للهلال او لرئيس من رؤساء الهلال