الله يباركلك يا تربو بس كدة انته داخل بحر مقلش عن بحر التهجين انته عاوز توصل لايه وايه اللي فى دماغك وان كان كدة تبقي الرميه دى تجربة وقابله للتعديل للوصول لأفضل .
يا حبيبي ماينفعش ترمى الحمام متأخر كده وكمان لو أول رميه بتكون مع أول ضوء مع ظهور الشمش وبتكون من تحت البيت ولاذم الحمام يتعود على دخول الشياله لأنه هايبقى مخضوض من الحبسه وبعد كده خمسه كيلو من البيت وهاكذا وماينفعش ترمي الحمام يعدى بحرين فى الأول كده إلا بعد التدريب بالمتبع وإللي خلا الغذار يروح الجمعيه إللي معاهم إحمد ربنا على إللي حصل وربنا يعوض عليك يا أخويا وأسف علي الإطالة تحياتي ليك يا تربو
ابو حازم ٢٠ كيلو على الحمام كأول مره ترميهم مسافة كبيره اسال الله يعوض عليك بخير حاول تدرب الصواريخ ولا ترميهم من مسافة بعيده ابدا ب٥ كيلو وكل يوم زود المسافه وغير الاتجاه
حبيبى يابو حازم يا جينرال انا لما قولت عليك الاسم دة علشان انت بتدرب ابطال فى النش حمام جامد بتحارب بية الغلطة دى صعبة شوية بس الاعتراف بالغلط حلو المفروض الصبح الساعة ٨ ترمى على خمسة كيلو ويومين وترمى عشرة كيلو واسبوع وتكرر الموضوع تانى ويومين وترمى ١٥ كيلو ويومين وترمى ٢٠ واسبوع وتكرر تانى كدة التدريب بس انت استعجيلت ربنا يعوض عليك وممكن الحمام دة يرجع منو ٣ او ٤ حمامات ممكن لو عدا عليهم يومين كمان يبقا ربنا يعوض عليك فيهم كلهم
كلامك جميل مافيش كلام بس كلهم رجالة وجدعان وواثق فيهم واللى يخللى 12يرجعو كانو رجعو 8 بس اى اللى حصل فى السكة الله اعلم حتى لو رجعو كلهم برضه انا غلطان الفرد اللى متبوب ماينزلش من بابه
انا زعلان اوي يا تربو كلها حمامي دي مش غلط الحمام دا غلط غاوي وانا راجل جدع اجدع واحد في الدنيا الحمام زيك بظبت انشاء الله يرجعو بسلامة يا رب الحمام كله يرجع
