انتي صحيح صبرتي بس زوجج ابن اوادم رجال صاحب مسؤليه ويتعب ويشتغل حتئ ميقصر بس الي زوجه راسه يابس وحتئ شغل ميشتغل تحاجي يكلب البيت احجايه وثانيه ميعجبج اطلعلي ابسط شي مسواك ماكو بثلاجه شلون بعد المره تضحي وتصبر علي
واذا الزوج مايقدر الي تسوي المرأة وتحرص اله وتلم وتحرم روحها من ابسط الاشياء علمود تبني بيت او علمود زوجها بس مايقدر تعبها ولا يحسب الها حساب وهو متمكن وتمرضت واتحملت العوز والجوع وهو مايوم سمعها كلمه طيبه ونكول الله كريم
حبيبتي ام فاطمه اني مواليد 98وحابه احجي قصتي وطموحي اشلون وصل لحمد الله اني زوجت بعمر 14سنه عد اعيال زوجي عنده 5خوات و2اخوان 2من خواته متزوجات و3من خواته ممزوجات واعمارهن اكبار زوجي اصغير واحد ب اخوانه واخوانه مزوجين واحد عازل بيت واحد ويه اهله اول مزوجت بدت المشاكل وضليت وتحملت وبعد سنه من زواجي عزلت بغرفتي وسوتلي مطبخ صغير بس علمود اخلص من المشاكل وبعد شهر من عزالي ربي رزقني ب ولد وضليت اني وابني بحدنه عازله روحي وزوجي جان شرطي وخفارات واني صغيره وعندي طفل صغير ضليت اعلم روحي ب روحي وبعد سنتين ربي رزقني ب ولد ثاني لحمد لله اهناء زوجي كال بعد منسوي اطفال علمود انكون نفسنه ونطلع من هاي المشاكل لن شاف ماكو خوف من الله وشادين وياي بعت غرفتي وذهبي وهم عدنه مجمعين جم فلس ولحمد الله اشترينه قطعة ارض 100متر وفرحنه بيه كلش بس ماعدنه نبني ضلينه انجمع وكل فتره نبني شي واهناء زادت المشاكل علمود يطلعونه انتو صار عدكم بيت والبيت مكامل هيكل بس خباثه ضليت متحمله طبعن اني اهناء صار عمري 18سنه مكدرنه انكمل البيت بعته واشتريت بيت غيره ولحمد الله اشتريت 100متر مربع ومنطقه احسن صحيح اداينه بس لحمد لله وكعدت بيتي ملكي واني عمري 20سنه وضليت ارتب وسويته جنه اتخبلو مني اشلون صار اشلون اشترو وره 5سنوات لميت نفسي واشتريت 200متر طابقين مطلوب اسكان لحمد لله صحيح بيه اشوي نواقص بس ميخالف بيت كبير وجديد لحمد لله صارعمري 26سنه واني بيتي ملكي 200متر جديد وطابقين لحمد الله الله وفقني لن صبرت وماانسه وكفت اهلي وياي جانو كل مره همه يساعدوني وبظهري لحمد لله ولله اخذ حقي من كل الي اذوني واني صعدت وهمه نزلو ربي ينطي ل كل واحد حقه اني جنت ذابته على الله واهل البيت وكل مااضوج اضل ابجي واطلع صورة الامام العباس ولحمد الله مقصر وياي ولله العظيم جنت من ابجي اكبال صورة الامام العباس احس الصوره تتحرك ولحسين فهاذي قصتي وحبيت اشاركه وياكم واحب اسولفلج لن احبج وتذكريني ب امي الله يرحمه اشلون جانت اتحبنه وتفكر بينه للعلم اني امي اتوفت بعمر 45سنه واني عمري 18سنه اشكد جنة حاب اتشوفني بيتي واشلون صار حال بنته بس لحمد الله بعد ربي راده واخذه يمه الله يرحمه برحمته واعذروني اذا اطلت عليكم 🌹
الله يوفقج ام فاطمه انتي وكلمن يشوف تعلقي ادعو لبني احمد الله يوفقه ويحصل معدل عالي ويوخر كل خوف منه ومن كل طلاب والله متت شيخلص لامتحانات دعوت غريب مستجابه ولكم بالمثل
مع احترامي الج ولزوجج بس لا تقيسين الكل على مقياسج انتي لو ما زوجج زين وابو بيت جان ما كدرتي تلبخين متر من الحايط ولا تكدرين تشترين متر بالزراعي بس زوجج هو شخص يعرف مصلحة عائلته تره اكو رياجيل اصلا يستكثر ع مرته غرفة نوم مو النوب بيت
@@حور-ظ6ض8غ عزيزتي تره ماكو زوجها يبنيلها بيت ويكوللها لزمي ايدج ولا تصرفين وهي تعاند وتصرف الا ما ندر تلكيها وحدة عاقة اصلا من اساسها بالحجي كلنا استاذية بس بالواقع غير شكل
@@fdsajwcudje هسه اختي و زوجها هي موظفة و زوجها ضابط صارلهم 11 سنة متزوجين هي عدها قطعة ارض صار سنوات تلح عليه يبنون وهو ما يقبل يبني عنده مو ماعنده لو تشوفين طلعات وطباتهم والسيارات والسفرات بس مع ذلك معاند ومكعدها ببيت ايجار قبل اشهر اقتنع يبنون الارض وهي مساحتها 100 اختلفو ع الخريطة رجع عاند وكال بطلت ما ابني انتي مو مال بيت هي نوع رياجيل واكو انكس من هذا وجاية البطرانه تحجيلنا قصة حياتها والله لو ما زوجج ابو بيت انتي متسوين فلس
السلام عليكم ام فاطمة قسماً بالله وانتي ما محلفتني من گد ما اقتدي بحضرتچ الساعة ب٣و٥دقايق بليل گعدت زوجي وگتلة اگعد اسمع هذه المرأة المثالية العظيمة واسمع در الكلام والشجاعة والشخصية القوية وبنفس الوقت مؤدبة وكاملة الاوصاف اتمنى اصير مثلهة. احبچ واحترم تربيتچ وهدفچ بالحياة🍓🙏🌹💞🫀👩❤️💋👩🦋😘❤️👍
هذا مثل زوجي كل عقل ماعنده وهسه طايح حظه وحظي بالايجارات واهله بس من عنده فلوس يسألون عليه كانت عنده فلوس والله حتى اخواني تكلموا وياه كللوه اشتري ولو قطعة ٥٠ متر آني احجي وياه يكولي المن اعوفها للورثة وهسة بعد ماكدر يدفع ايجار وطلعنا أبو البيت هسة هو عد اخته كاعد يصرف عليهم واني عد اهلي
الله يصبرك ويطيج العافيه مثل حال زوجي كض فلوس الدنيا وإخوانه لعبة بي خبيثين بس الهم خذو كلشي من زوجي وزوجي نيته بيضه مداخله النا لا بيت زين والاغراض وهسه كبر ومريض وشغل ماكو وانكول الحمد لله انريد الله منا العوض
اللهم صل على محمد وال محمد اللهم صل على محمد وال محمد اللهم صل على محمد وال محمد اللهم صل على محمد وال محمد اللهم على محمد وال محمد وعجل فرج قائم ال محمد
والله العظيم يا ام فطومه انت علىم وقدوه مريت نفس معاناتك وهسه الحمد لله والشكر البيت الكاعده بيه جدا بيت حلو وراقي الله عوضني على قد ما تحملت للعلم اني قعدت بعشوائيه تجاوز بس الله عوضني من بعد 20 سنه
هلا وميت هلا بأام فطومه المعدله اي والله ياام فطومه كلامج ذهب والله اني كعدت ب٦ بيوت ايجار وكل بيت ابقى بي ٤ لو ٦ اشهر والله كاونتر ماعندي جنت احلم ايصير عندي كاونتر بس على حجايتج كل بيت اكعد بي انظغه واخلي روحي بي والله اسوي جنه وهسه الف الحمدلله والشكر صار عندي بيت ملك ومأثث والله جنتي ابقى اشهر مااطلع احس راحتي ابيتي صح الله مارزقني بطفل بس راضيه بقسمتي الحمدلله على كل حال واسفه للأطاله
الكلام اكثر من رائع انتي انسانه حكيمه وعاقله بس اكو نسوان هوايه تضحي وتتحمل و تلملم وتدبر بس الرجال مايقدر ومايساعد وماينطي من حيله ويحاول يغير من وضع عائلته والمره ماتكدر وحدها لازم رجل يساندها وتظل تراوح بمكانها
خاله اذا ما اتزوج شنو مستقبلي اني عند ابوي يريد يبطلني واني خامس علمي وبيت ملك ما عدنا ضالين بليجار خلص كل عمري وحنه نطافر من بيت الى بين اخر يعني شنو الحل اني امي تعبانه ويا ساعه تتمرض وعمامي يكرهونا ولا خوالي عينهم علينا وبابا جوه ايد امه يعني اذا صار شي اني وخواتي ٣ وين نروح بس احنا منتضربن بلكي تجي قسمه لا بن حلال ونضمن مستقبلنا وبابا هو يرفض اي قسمه تجي واني من سمعت حجيج انقهرت وخفت من الزواج شنو تنصحوني
اللهم صلي على محمد وال محمد الطيبين الطاهرين وعجل فرجهم ياكريم بصراحه انه صالي ثمن سنوات البيت ماكامل وجنت هم اكول ماروح الزياره ولا اشتري ملابس الي بس الجهال وحرمت نفسي من هواي اشياء بس ماشفت شي تغير بس قبل ثالث سنوات قررت اروح الزياره واعوف كلشي الخاطر الإمام ومن رجعت من زياره شفت جي تتغير الوضاعنه الفضل بفضل اهل البيت عليهم السلام لا وكمت ماحرم روحي من زياره
السلام عليكم اخواتي محتاجه دعاء لبنتي مريضه صارله ٣ سنوات تعرضت للحسد وهيه من الاوائل جانت راحت عليه ٣ سنوات😢 وهسه اريده تكمل السادس حتى لو بس النجاح لا تقصرون من الدعاء اله بالتوفيق والصحه
والله يام فاطمه الدنيا حيل مسدوده بوجهي وانا مريضه حت تعبت نفستي كلش والله البيت شبه خرابه وحاطه عيني بعين الله لا عيد مر عليه اشتريت حت اذا اشتري للجهال نص اقصاط وصابره اكول يجي يوم وتفرج ادعولي فدوه
حبييتي اكو رجال الله هادي ومقتنع بعيشته وبخلفته ويشوف مرته بت حلال وصابره ومتحمله بس اكو من يصير عنده فلوس يصير اناني يدور نفسه ويدور يجدد حياته وهذا حالي هجم البيت ودور نفسه وراح ازوج لان عندي بنات وياريت لو هو صغير كسر كلوب بناته علمود الولد حسبي الله ونعم الوكيل فقصدي اكو رجال الله هادي يحب يجدد بيته وتهتم بمرته وبناته وخصوصا اذا هي مقصرت ويه ولا طلبت ولا شرطت وجانت راضيه عالمره قبل الحلوه
شلونج عمري او فاطمه اول مره اعلق انه جنت ساكنه ايجار والبيت تعبان وزوجي جان كادر يشتري بيت بسيط بس ابد ما جان مفكر يشتري بيت وجان عندي ذهب تقريباً اربعين مليون واكل انه وياك خلي نشتري بيت بس ماجان يقبل وفد يوم طلب مني ابيع ذهبي يجدد سيارته ياخذ سياره كلش حديثه بس انه ما قبلت كتله ابيع بس اذا موضوع بيت لغير البيت ما ابيع ذهب وسبحان الله وره اسبوعين اشتره قطعه ارض وانه بيومه رحت بعت ذهبي بدون ما يدري وجبت المبلغ وخليته بيده وكتله ابدي ابني الاساس والحمد لله صار عندي احلا بيت حبيت اسولف قصتي الج
بس بالنسبه للزياره حصوصا زيارة ابا عبد الله مااتفق وياج وشكد ماينفق الزاير يرجع اضعافه وكذلك تطيل العمر اللهم ارزقنا في الدنيا زيارته وفي الاخره شفاعته
قال الامام الرضا (عليه السلام) (( من لم يقدر على مايكفر به ذنوبه , فليكثر من الصلاة على محمد وآله , فإنها تهدم الذنوب هدما )) اللهم صل على محمد وآل محمد
كلامج كله صح وعين العقل بس زيارة الحسين هذا اسمه جفاء بأهل البيت انتي الحمد لله متمكنه وتكدرين تزورين. مااكدر اتخيل اكدر اصبر ماازور الحسين الله يزقج زيارة الحسين بالدنيا وشفاعته بالاخره
هلو ام فاطمه شلونج والله ياخيتي مو كل زلم من تحجي وياها تاخذ الحجي انه بيتي 55متر كلش زغير ضالين على لبخ الاسمنت والله لعبان نفس والله احجي ويا لو كل شهر انسوي المطبخ الحمام اطارمه مايقبل اكلي يسكنون القصور وينسون القبور ترى اكووزلم عقليتهم تعبانه والله صابره عليه صارلي 14سنه مافد يوم حاجيته على شي مايقتنع ابسط شي هو البيت خلي نكمله هو زغير يعني ابوك نطاك بس هيكل كمله مايقبل اكلي ماراح تاخذينه وياج للكبر انزين على نهر كاعدين الحشرات وريحه تكرمون يعني لعبان نفس والله ياخيتي اكو زلم لو شعليلهم العشره شمع مايفيد وياهم
نشالله عتبته خير عليكم يارب الله رزقني بيت حلالي اني كاعده يجار منين المه وشتري واذا وكتنه صعب شتري عراصه يارب كتبلي خير وخلصني من يجار وتعب تعبنه شهر ركض ركض دعيلي الله رزقني بيت حلالي وطفل صالح يارب العالمين
لا والله الزيارة واجب من كلشي من بيت وعيشه اصلا هيه الحياة شنو بلا زيارة لا بيهه معنى ولا نور الحياة كل الحياة هي الدقائق التي نعيشها في الحضرة ساعدتنا الناس جانو بزمن صدام نعلت الله عليه اليروح يزور يموت وهما يروحون لزيارة مو بعد انتي تتباهين ما تزورين علمود بيت وعيشه وصخ دنيه
