هقولك على شوية تركات للمحشي كل اللى هياكلوا من إيدك هيقوللك عملتية إزاي وهتبقى أستاذة العيلة في عمايل المحشي😉😂 وهاتيجى تدعيلى 🧅🧅🫑🫑🧄🧄🍅🍅 /١وانتى بتعملى التسبيكة حطى على البصل وهو اصفر شوية خضرة وشوية من عيدان الخضرة بتقطع صغير وشمى بقى ريحة المحشى /٢ جربي تحطي معلقة توم مفروم صغيرة على التسبيكة وهى بتغلى بجد تفرق في الطعم وطبعا اختيارى لو مش حابة التوم براحتك لأن فى ناس مش بتقتنع بية بس بجد بتفرق فى الطعم /٣ بعد ما تغسلى الرز ويتصفى حطي عليه بصلة كبيرة مبشورة وكمان فلفل رومي متقطع صغير وشوية نعناع وبهارت نفس البهارات عبارة عن ملح وفلفل أسود وكمون و بهارات بس كمية ققل وشوية زيت وشوفى طعم الخلطة وبعد كده حطي التسبيكة بتاعتك لما تبرد على الرز /٣ وجربي تحطي على الشوربة او المية الي هتسقى بيها المحشي معلقة كبيرة من بهارات المحشي وكمان معلقة سمنة بلدي ومعلقتين تسبيكة المحشي او صلصة هتفرق بجد في الطعم /٤ وبعد المحشي ما يستوي حطي على الوش معلقة سمنة بلدي وقفلى غطا الحلة دقيقتين تسيح يا وعدى😍 أوعدك التركات دى هطلع أحلى محشي كل اللى هياكلوا من إيدك هيقوللك عملتي إزاي وهتبقى خبيرة في عمايل المحشي 😂 استني رايحة فين بعد كل النصايح دي ومش هتقولي تسلم إيدك يا روني 🤔واعملى بقى اشتراك في قناتي المتواضعه 🎉😅❤
ما اتحرمش منك يا فريده ابدا ولا من ذوقك واتمنى من الجميع انه يدعي لي ويدعي لابني و لاخويا وربنا يصلح حال اي حد يفكر بس انه يدعي لنا ولك المثل يا رب ما اتحرمش منك انتي يا فريده ولا من زوقك وربنا يباركلك في اولادك ويخلهملك وتشفيهم احسن الناس يارب وترفعي راسك بيهم اللهم امين
بسم الله ماشاء الله عليكي ❤ نشيطه وجميله جدا انا كمان بحب الم البيت كله من بليل وأقوم الاقي الدنيا نظيفه سبحان الله يومي بيبقي كله نشاط وطاقه الحمدلله ربنا يديمها نعمه ويوفقك يا جميله..،😍😍😽
أنا بكتب والله غصب عني لاني كرامتي اهم من اي حاجه بس مافيش طريقه تانيه اوصل للناس أنا مش بشحت أنا ست محترمه ومش عايزه غلط او اهانه أنا فتحت القناه ونفسي وامنيه حياتي اساعد في تربية اولادي أنا بتعب جدا جدا ومافيش نتيجة ارجوكم تقفوا جنب اللي يستحق ويعلم ربنا ان نيتي خير من اول لما فتحت القناه لحد دلوقتي وربنا كريم قادر على كل شيء أنا لا ادعي الفقر ولا المرض أنا بحمد ربنا على الصحه والستر وراحة البال هي امنيه فقط وربنا قادر على كل شيء
داومى على الدعاء لله بطلب سعة الرزق وطبعاً مع السعى المستمر لكن ماتشتكيش لأى حد وربنا يوسع رزقك ورزقنا يارب العالمين والصلاه والسلام على رسول الله صلى الله عليه وسلم ❤
ماشاء الله عليك يا ديده مشجعه جدا بحب جدا الروتين الخاص بالمطبخ لاني بحب وقفه المطبخ جدا وكمان الأخت الي طلبت الدعاء ربنا يفرح قلبها ويرزق أخيها ويرزقها وايانا من فضله وكمان عايزه اقولها اني ام بفضل الله ل ٥ بنات والولاده قيصري وكمان مافيش فتره زمنيه طويله بين كل ولاده والتانيه وعشان كده وزني زاد جدا لكن الحمد لله لم ايأس واستعن بالله وعملت ريجيم غير قاصي بس منعت حلويات ومكرونة ورز وعيش الا في المعقول يعني الفطار بربع رغيف عيش وكتري خيار مثلا او فلفل او طماطم والغداء ٦معالق رز او ربع عيش مع أي اكل انتي عاملاه وبرده كتري خضار وحاولي مافيش عشاء بس في الأول بيكون صعب جدا فكنت بتعشي طبق شوفان وخلي عندك إصرار انك تخسي مش عشان الي حوليك لا عشان نفسك ونفسيتك وصحتك واوزني كل أسبوع انتي هاتفرحي وانتي يافريده❤❤❤
@@MohammedValentino ايوه فاهماك ع العموم دي فتره وهاتعدي ان شاءالله ولكن ماتهتميش لكلام حد ع نفسيتك وكمان ع نجاح حياتك وأنصحك تكثري من الدعاء في السجود لان الله سبحانه وتعالى قال وإذا سألك عبادي عني فإني قريب أجيب دعوه الداعي إذا دعان وكمان في قناه أثرت جدا في طريقه حياتي ونظرتي للحياه عموما انصحك بيها اسمها الدكتور صالح عبد الكريم
معلومات مهمة ومفيدة فى المطبخ 😍 ------------- 🥣 لو الحله سخنت على النار ما تحطيش السمنه او الزيت على طول هيتحرقوا حطى البصل الى هتستعمليه هياخد الحراره وبعدين حطى الماده الدهنيه 🥣 اى حاجه على النار عاوزين تزودوها ميه لازم الميه تكون سخنه جدا 🥣 قبل ماتحطوا الكاكاو للكيك انخليه علشان مايعملش تكتلات 🥣 لو بتعملى الكيك بالسمنه اضربى السمنه مع السكر وبعدين ضيفى بيضه بيضه 🥣 لو بتعملى الكيك بالزيت اضربى السكر مع البيض الاول وبعدين ضيفى الزيت 🥣 وانتى بتطبخى او بتعملى رز استخدمى سمنه على زيت 🥣 الخولنجان بيطرى انسجة اللحوم بكل انواعها استخدميه فى التتبيله بيسرع السوا جدا وبيساعد على امتصاص التتبيله ( ملحوظة الخلونجان نوع من انواع النباتات مشابه نبات الجنزبيل ) 🥣 ورق الزهر من عند العطار اطحنوه واستخدموه فى التتبيلات تحفه 🥣 كتير من المطاعم بتتبل المشويات بخليط من الخولنجان وورق الزهر والزعتر والروز مارى 🥣 محلول النقع بنحط لمون ماينفعش خل 🥣 الخل بيخلى الفراخ تشد بيفرتك الفراخ لكن بتشد 🥣 استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش وفى تنضيف الممبار كمان بلاش خل حطوا ملح وليمون وقشر الليمون 🥣 الخل ممكن نضيفه للكبده للبطاطس معلقه منه على الكيك وفى الشاورمه اظن كده انتهت اسطورة الخل 🥣 انا بستعمله كمان فى التنضيف وفى القضاء على النمل وبحط شويه على البريل 🥣 اعملى ازازه بخاخ حطى فيها بريل على شوية خل وكملى شوية ميه هيوفر جدا فى البريل او النوع الى بتستعمليه 🥣 قبل ماتحطى اللبن فى الحله على النار حطى معلقتين ميه لا يمكن يلزق ابدا 🥣 اللحمه الضانى لو هتشويها التتبيل قبل الشوى على طول لو هتسلقيها ضيفى نص معلقة خل بتساعد على سواها بسرعه وكمان بتضيع الطعم شويه والريحه للناس الى مش بتحب ريحتها 🥣 لو خزنتى الكرنب ورق بعد ماتحشيه اسقيه بشوربه ساقعه علشان مايجلدش 🥣 ورق اللورا بيساعد على تفتيح لون انسجة الفراخ وانتى بتسلقيها 🥣 لو عندك توم ناشف وفصوصه صغيره انقعيه فى شوية ميه وبعدين قشريه هيبقى سهل 🥣 لو بتقطعى خضره او اى حاجه خضرا ورقيه حطى على لوح التقطيع رشة ملح علشان ما تتطايرش منك 🥣 فى اكلات ماينفعش نغطى الحله واحنا بنسويها زى العدس والبصاره والويكه والرز بلبن والمهلبيه والمربات 🥣 فى اكلات ماينفعش نغطى الحله بعد مانسويها مش واحنا بنسويها بس زى الملوخيه والسبانخ ده وهما لسه سخنين طبعا. ♦️ملحوظة ( الخلونجان نوع من انواع النباتات مشابه لنبات الجنزبيل ) لو عجبتك النصايح دي نوروني وشرفوني ف قناتي بالاشتراك حبايب قلبي واخواتي 😍😍😍
مدام فريده🍂انا اسفة جدا اني بكتب🍂بس غصب عني بقالي تالت سنين بشتغل بضمير ونفسي ربنا يكرمني والناس تعرفني🍂ويكون ليا دخل حتي لو بسيط اقدر اساعد بيه جوزي في مصاريف اولادي واخف عنه لو جزء بسيط🍂والله انا بشتغل بكل جهد ماعندي وربنا كريم وثقتي في رب العالمين كبير 🤲ظروف العيشه هي حكمت عليا يارب يارب الفرج القريب 🍂