عندك الحق والله لا عجب راهو فالمارشيات و الحوانت باسم التفتح تجاوزات خطيرة ها جاتك شابة ها نقصلي و الراجل مستور فالخدمة و لا راقد فالدار مع احتراماتي لكل امرأة اجبرتها الظروف باش ترفد القفة و باحترام ماشي رايحة للمارشي كلي رايحة للعرس
عندك الف حق، لازم مالاول كل واحد يعرف دورو ويأديه، انا عن نفسي خدامة البنات كل واحد يوصل واحدة ههه ولعشيا انا نطيب وهو يلهيهملي حتى اذا عييت يعاوني فالماعن عااادي القضيان جامي قضيت القضيان الكبير والخضرة جامي هبطت لعندهم، كل واحد يتحمل جزء مالمسؤولية باش نمشو حوالنا والحمد لله ❤
كلامك كامل صواب وانا معاك فيه من الكلمة الأولى إلى الأخيرة...عن نفسي أنا مسؤولة على أمور البيت من الألف للياء والزوج فالبيت مايمس واااالو فيما يتعلق بالبيت وهو مسؤول على الأمور لي تتعلق بالعالم الخارجي 🤣🤣والصراحة صايبة راحتي هكا إلتزاماتي المنزلية بزاف عليا....كل واحد و مهامه و واحد مايتعدى على مهام الآخر ونقلبوا الآية ونحاولو نكذبو على أنفسنا وغيرنا بلي هذا هو الصح....ولازم يا أم ساجد ندخلو الدين في مثل هكذا مواضيع لأنه الدين جزء لا يتجزأ منا ومن حياتنا الدين الإسلامي هو كي جا نظم وقنن حياة الناس وقال الله تعالى"وَقَرْنَ فِي بُيُوتِكُنَ"ولي ماتكونش عندها حاجة ملحة تخرج على جالها تقعد في دارها احسن لها ....ومن ضك نقوللكم أنا عقلية رجعية ومتخلفة وعاجبتني😂❤
والله يا حبيبتي ام ساجد انا تحملت مسؤولية خاوتي بعد وفات الأب تاعي ربي يرحمو المارشي البوسطة البلدية هذو كنت كل مرة نطلب ربي نتزوج والله مندخلهم ههههه وحمد الله تزوجت وقلتلو اسمع مكان لاه تقولي روحي تقضي روحي جيبي كواغط مكاش كيما كب واحد يتحمل مسؤوليتو بين زوجين متحسيش حياتك مضغوطة سما هو يخدم خدمة وحدة وانا روبو
انا زوجي يخدم شهر بشهر 😊الشهر الي يكون فالدار هو يقضي ويدي ذراري ليكول ويخلص الفواتير وكل حاجة عندها علاقة بالخارج يخدمها ونهار يكون رايح يخدم يشريلي الاشياء الي ما تفسدش من المواد الغذائية والمنظفات والماء ويجيبلي الخضر تاع 10ايام الاولى والحمد لله وكي تخلاص نبدا انا نقضي والحمد لله كلشي قدامي يعني ما نتعبش بزاف لان الحقيقة تقال المسؤولية تاع القضيان بزاف صعيبة تطيح الصحة ولكن الظروف اقوى
عندي مدة طويلة ملي قريت واحد التعليق وهو عالق في ذهني أثر فيا وحدة قالت لوكان حبة بطاطا مانشريهاش مانصيبهاش. عندك الحق لالتبادل الأدوار المسؤولية مشتركة
أنا عن نفسي نبغي أنا نروح للسوبيرات منها نسرح رجليا ونحوس 😅ومنها نجيب الأمور اللي لوكان يروح هو يشريها تبانله سقايط وغ زيادة مصروف أما البطاطا والبصل هو يروح يشريهم ههههه ربي يعينا يبقى هذا الشي حساب التفاهم
يعطيك الصحة ❤️ انتظر رد على سؤالي درتلك تعليق فيديو لي فات قتلك احكيلنا على تجربة مع ساجد في التحضيري واش نصائح لي تمديهم لان عندي ولدي كيما ولدك ساجد تاخر نطق راه بادي يتحسن لكن خايفة عليه العام هذايدخل تحضيري ممكن الاجابة الفيديو الجاي ❤❤❤
اختي ارعي للفديوات القدم تصيبيها هادرة اعليه بالتفصيل و حتى انا ابني عندو تأخر النطق و صعوبة التعلم قرا العام اللي فات تحضريري لازم توقفي عليه و تصبري معاه و اول حاجة روحي للمعلمة و فهميها على حالتو ورب يوفقك في تربيتو متتخوفيش
اختي ام ساجد في الحقيقة هذا موضوع تبقى فيه الآراء مختلفة على حسب الضروف كاين لي عندهم ضروف خاصة ...كاين لي هي تحب تقضي بنفسها وهي راضية وفرحان وكاين لي صح راجلها طارق عليها كلش لهذا قتلك الآراء حسب الضروف واذا انت راضية بنفسك لانك ماتخليش تدخلي الحانوت والخضار والطبيب و...و كاين بالمقابل تحب ذاك الشيئ وملاحظة اختي انت على حق صحيح في بزاف نقاط لكن هذا لا يعني أن كل حاجة مقتنعة بها انت وخرجت عليك معناها هي الصح ..لا كل واحدة وكيفاش والفت تلقايهم متعوبات ومقتنعات واحتراماتنا لكل المراة قايمة باولادها من اي ناحية ..وحتى انت تفكري وتدبري باه تعاوني راجلك انه يلايم دراهم وانت تتصرفي في الشراء والشهرية بالمقابل كاين نساء ثان يقولوا حنا في عاىلاتنا هاذي مسؤولية الراجل المراة نورمالمو ماتعمرش راسها ..الخلاصة كل واحدة واش يخرج عليها ..واحدة ماجي تفرض رايها انها هي الصح
نعم ام ساجد عندك الحق أنا زوجي ملتزم رافض نهائيا اني نخرج وحدي مع الاول معجبنيش الأمر بصح مع مرور الوقت صدقيني عجبني الأمر حسيت روحي شخص رافد عليا كلش وحسيت بلي بيتي رآه يمشي بالمنطق زوجي يجيب وانا نطيب زوجي يشريلنا يكسينا وانا نسعى أن نكون أنا وهو ولدي باحسن هندام كي نمرضو هو يدينا يعني مقتسمين كلش والحمد لله وفعلا هذا هو الشيء لي وصا عليه الدين تاعنا ومن صار خلل وتبادلت الأدوار صرا مشكل فالعائلات لأنها خرجت على الفطرة
احسن حاجة يديرها الواحد يديها في جنابه ويشوف سلاكه ولي تخرج عليه كل واحدة فالتعليقات تقول شالازم وشامالازمش انا نقولكم اللازم انه تدوها فحياتكم وكل واحد ربي يسهل عليه اما اذا ولينا نهدرو على كل حاجة فبلاصتها نلقو كل واحد فواش راهو مقصر ايمالا صلحو نفوسكم ومن بعد راييو على الناس شايديرو فحياتهم