نفس الشيء خياتي. اكبر غلطة درتها في حق نفسي وراني نخلص معاناة مع ظهري يا اخوات لي مازالوا عرايس جدد حاذرو على رواحكم مترفدوش الثقيل ومتكركروش الحاجات الثقيلة واخدمو كل يوم حويجة
نقلكم والحاجة عن تجربة المراءة الساهلة تبلهم بهلولة والمرءة الواعرة تبلهم إمبراطورة ملا لازم تفرضي شخصيتك وتكوني واعرة باش تعيشي مليح والله عن تجربة وكلامك صح
السلام عليكم الأخت هند والله الكلام الي قلتيه لازم تنفذو كل امرأة ماراناش نحرضو النساء على ازواجهم ولكن هاذ المرأة الي راهي رافدة المجتمع كامل ماشي غير دارها شكون يخمم فيها شكون يطلعلها معنوياتها تضل غير تضحي. ان شاء الله كل زوج وكل أب وكل أخ يحط زوجتو وبنتو وأختو في عينو روتيناتك ترجع الروح هند. ❤❤❤
سلام حبيبتي طاقة ايجابية انموت على روتيناتك رأيك بزاف فادني اودرت عليه خفيفه ظريفة تدخلي في قلب مع صوتك زاد في حلاوتك شكرا جزيلا وصفاتك ناجحين انا وحدة جربتهوم احبكي في الله يااغلا ناس ❤❤❤❤❤❤❤❤
انا بعت ذهبي ودرتلو طونوبيل يهز فيها رجليه وفالاخير عجباتو روحو راح خاني كل يوم يركب وحدة في طوموبيل شريتها بذهبي يزهى ماعمبالوش كامل بيا خممت نطلق لقيت بلي ولادي هوما الي يسلكو كلش والمجتمع تاعنا مايرحمش خممت مع روحي بزاااف ومن بعد قلبت عليه الطابلة قتلو بيعها ونشريلك ماخير منها مازال عندي شوي ذهب مخبي كي راح باعها نحيتلو الدراهم وخبيتهم عند اختي وخليتو هكاك يمشي على رجليه ماعدت نشفقلو ماعدت نديرلو حساب حتى في حاجة الدورو من نخليهولو في جيبو ديما الدار مخصوصة ولولاد مخصوصين رجع مايخرجش من الدار من الخدمة للدار ومن الدار للخدمة مارجعش يطهلا في روحو كيما مع الاول روايح لبسة وحطة كون مانشريلوش انا سروال يبقى عريان... وانا متكلة على روحي درت مشروع صغير الحمد لله وهو الدورو تاعي مايشوفوش لوكان يموت ساعات يشفني بصح كي نتفكر واش دار فيا وكيفاش كان يعطيه قلبو يبدلني كل نهار مع وحدة نقول يستاهل خليه يتمرمد على خاطر رايو الي وصلو
يعطيك الصحة حبيبتي هند ❤❤ والله كلامك صواب هذا هو حال المحتمع التاعنا لازم المرا تقتل روحها في الخدمة باش تبان مرا مليحة قدام العايلة التاعو وذرك تعبنا من الخدمة ومرضنا المهم فقنا ىبي يجيب الخير ان شاءالله 😢😢
الانسان اللي يكون people pleaser يعني يهتم ياسر بارضاء الناس ولو على حساب نفسو .. هدا انسان معندوش تقدير ذاتي ويحسب بلي قيمتو ك انسان تتحدد على اساس تقدير الناس ليه وهدا الشيء غالط العكس الناس تقيمك كي نت تبداي تقيمي روحك أولا ماش العكس .. الانسان اللي مايقدرش نفسو ويستنا من الاخرين يقدروه هدا انسان كي شغل يستنى في الشمس تطلع من المغرب بدل المشرق! يستنى في حاجة مستحيلة وهي أصلا بين يديه.. الناس تعجب بالانسان الواثق من نفسو لانو الهالة لي دايرة بيه هالة قوية و جذابة تخلي الناس تحب تكون معاه و تحس بطاقة عالية وهي معاه تقاهم ديما يحبو يخالطوه ويعاونوه و يحبو يكونو جزء من حياتو.. أما الانسان لي يشوف روحو ضحية ومسكين وانهار كامل يشكي هدا انسان سلبي ومكتئب وطاقتو تعيسة ناس تهرب منو و مايقيموهش يشوفوه ضعيف و يستغلوه برك.. هدي هي الحقيقة تحبو تستفيدو منها في حياتكم ولا تمشيو عكسها وتعيشو ديما نفس الواقع التعيس.. وتحبو العالم هو اللي يتغير والناس هوما لي يتغيرو لكن انتم ضحايا ومساكن ومعندكم حتى قدرة على التغيير .. يعني تعيشو في الوهم باه تتسولو التعاطف تع الآخرين كاين ناس تستمتع ب شفقة الناس .. لكن للأسف هدي الشففة لاتنفع ولا تضر الانسان هو الوحيد اللي يقدر ينفع روحو