ربي ينجحوا وتفرحي بيه نهار يلقى إسموا في القائمة والله فرحة لاتوصف نصيحة شجعيه بلي قادر يجيبوا الباقي ماهمش احسن منوا اقعدي معاه كي يراجع ونسيه هاذ عن تجربة اختي انا نجح ولدي العام لي وفات ورحلت لداري الجديدة ناقصة خدمة بصح سترتنا واذا الحسد والعين تبعون تهلكت راني في حالة صحتي النفسية و الجسدية محملتش نعيش في داري تخنقت ونحس روحي حابة نهرب مفقتش باه ندير رقية بعناها حسبت راح نرتاح لكن زاد عليا الحال تبكي الدم على داري مشبعتش منها الناس سكنا داري وانا تبكي كل خطرة نفوت عليها ونشوف غير بالعين كانت رزقي سكنها 5شهوروانا عندي 16سنة وانا نستنى نسكنها حسدتني اختي كانت في مشاكل راح تطلق حسدتني كيفاه نجح ولدي ورحلت لداري جديدة في فرد شهر هي ولات دارها فرحانة وانا عالم بيا ربي ماناكل مانشرب 4اشهر وانا تبكي على داري لي خسرتها وليت نوم روحي رجعتلها وراني ساكنة ادعيلى فى صلاتك راني نكتب ونبكي😢
انت الوحيدة الي يعجبوني روتيناتك ونحب نشوفهم نحسك واقعية تحكي على كل مراة من مجتمعنا وهاذوك الروتينات تع الاسبراتور ونحي الماعن من لافيسال مايمثلوش الشريحة الكبيرة من المجتمع ربي معاك حنونة يا الفحلة بنت بلادي ❤❤
بنت الهمه والشان والله دايمن نحسك من عاؤلتي من القصبه فكلامك وشغلك وشطارتك الله يبارك ربي يحفضك ويشفي ماماك ويعطيها الخير وربح علي التدبيره هايله وفوقتها الله يقدرك ويعطيك ماتتمناي❤❤❤❤
ماشاء الله يعطيك الصحة على شطارة الأطباق الرااااائعة ول بنينة ربي يحفظك ويحفظ أولادك وربي ينجح هم وربي يشفي ميمتك وطول في عمرها يارب شحال نحب نسمع صوتك في واحد الرنة والحنان الله يبارك عليك محبتك في الله من بسكرة❤🎉❤
Bonjour madame,premièrement ya3tik saha j'aime tellement tout les vidéos que tu partages au point j'attends avec impatience ,j'apprends souvent de bon astuce surtout la motivation du ménage. Bon continuation rebi yahfedek inchallah
لالاهم هذاك الريسبيو و الصحن اللي كان فيه البطاطا المقلية كيما تاع ماما فكرتيني في دارنا باينة الدار لكبيرة كلش بالطبع .سلام كبير لميمتك و ربي يشفيها و شكرا على وصفة الكريستو قوليلها ربي يعطيك صحتك و اخليلك نوارتنا العالية.
نديروها في وهران نسموها فطيرة ولادي يعشقو فيها من أسهل مايكون في رمشة عين ديريها وانا لعلمتها لعجوزتي ماكانتش تعرفها ولات مدمنة عليها تبغيها لعشية مع لاتاي او فنجان قهوة كحلة.يعطيك الصحة