روتين المرأة الفحلة💪 لي تكمل شغلها بكري قبل الضهر💯شاركتكم يومي مع أسهل وأروع وصفة دون لحوم 

سلام حبيبتي جربت الوصفة للعشاء أكثر من رائعة زدت دخلتها للفرن تحمرت شوية ،

لي طحت عينها على تعلقي أوفرحتني بأبوني الله ينورلك حياتك🤲الله يبيض يماتك🤲الله يقلل غمك🤲 الله يفرج همك🤲 الله يرزقك برنوس ستر و درية صالحة 🤲فرحو بنت بلادكم بأبوني💖🌹🌹

هل من مستغفر

والله يا أم انس نسيقوا نفرزوا نهار كامل وحنا واقفين بصح مبان علينا والوا والله كرهنا ربي يعطينا الصحة برك

نتمنى ننوض كاش نهار ونلقى طلعولي نسبة المشاهدات.آخر امل تبقالي هي هذه القناة..

كي يكون المرال طالع تكون نصيب الجوارين اروح نخدملهم شغلهم

الله يبارك ماشاء الله شحال عجبتني الدار ،ربي يرزقني بالزوج الصالح ويكون عندي دار كيما هكذا ،صلاة النبي عليك

أي سيدة دارتلي ابوني الله يخلي شملها مجموع وراسها مرفوع وكلامها مسموع أن شاء الله يارب العالمين 🤲

انشاء الله ربي يفتح عليكم بيبان الرزق و يضويها في وجوهكم و يفرج على كل مهموم فرحوني برك بابوني

من يريد ختم قراءة القران في شهر عليه بقراءة ورقتين اي اربع صفحات وراء كل صلاة مفروضة الفجر ورقتين وهكذا حتى العشاء انشر تؤجر

انا ثاني ام انس وكنت شاطرة وفحلة كيفك مي دركة والحمد لله امرضت شوية وكرهت ادعولي وخلاص

كل يوم كي نسيق نقول غدوة ما نعاودش بصح ما نقدرش يا مزين النقا لوكان يبقى

راني مريضة ادعيولي باشفاء العاجل

الدار كي تعود مخدومة حتي مافيها والوا تبان تشعل وتحلالك فيها الخدمة اما الدار اللي مش مخدومة المراة تتعب فيها بزاف ويطيحلها المرال وتولي تخدم بلا نفحة وتولي تاعبة وكارهة علي كل ماشاء الله وربي يباركلك ويرزقنا مثلك

سلام اختي ام انس تعطينا رايك في الكوزينة المفتوحة على الدار و ريحة الماكلة تدخل الصالون و البيوت؟؟؟

الله يبارك ربي يرزقني بدار كيما انت لي يفوت يدعي لي

سلام اختي انا مشتركة جديدة هل من ترحيب حبيت نسقسيك إلا مفهش إزعاج على المابل تع الدوش عجبني بزاف تعيشي قوليلي المارك تاعو وهل صوليد شفتك غسلتيه بالماء اسك متخفيش يتنفخ وشحال عندو وهو عندك تعيشي جاوبيني حبيت نشري واحد اكتبيلي الماركة تاعو

حتى اللي ماتنوضش بكري تقعد فحلة كل وحدة دايرة البرنامج اللي يخرج عليها عمرها اللي ناضت بكري ماكانت 100% فحلة

لي من سدراتة عاونوني نلقى صاحبتي لقبها حمايدية كانت تسكن فالابتدائي في باتنة ورحلو ومازدتش شفتها 😢😢😢😢😢

انا كون جات عندي كوزينة ودار كيما هكذا مانرقدتش خلاص نعسها غير هيا ادعولي نحقق حلمي وبقليل نرقع داري وكوزينتتي ويهدي راجلي انشأ الله تتحسن احوالنا ويلقا خدمة تخرجنا من الميزرية

شكرا على الفيديو بغيت نقولك هاديك القرعة تاع جافيل تفرغيها ف جيريكا تاع ماء تاع خمسة لترات و تخدمي بيها هكا طريقة استعمالك ليها خطأ و الرخام يبقى مع الوقت يخسرلك الا درتيلو هكا انا تاني كنت ميفك و تاني لازمك تتهلاي فروحك قبل كلشي حبيبتي صح فيك نتي الشغل مايكملش

سلام عليكم. يعطيك الصحة... نتمنى متفهمونيش خطأ والله والله والله كتكون عندك دار كبير و واسعة ياربيf3 ويكون كلش في بلاصتو... الكوزينة كوزينة والصالون صالون والبيت بيت والشمبرا شمبرا والله تشطاري بسيف عليك بصح لي عايشة فالضيق و دارها ماشي مخدومة كتوقف عليها الليل مع نهار ميبانش عليها تعياي تعياي من بعد تكرهي واش نقول سيدة أم أنس ربي يسعدك ويباركلك في رزقك و دارك و كل وحدة مشتاقة سكنة ربي يفرج عليها فالقريب العاااااجل آمين

يعطيك الصحة انت امراة شاطرة وفحلة و دارك الله يبارك ضاوية ومرتبة ربي يحفظك ويبعد عليك العين

حبيبتي قوليلي واش من. وقت تنوضي و تبداي الشغل.و إذا أولادك تنوضيهم معاك الصباح بكري و لا كيفاش ديري. شكرا

يعطيك الصحة،كنت هكاك حتي عدت مانيبيش قادرة ،الله المستعان

شحال نفرح كي نشوفك ونسمع صوتك جبيلي طاقة ايجابيه ربي يحفضك

سلام يالحبيبة نتي كيما انا لو كان مسيقش نحس الدار راهي مقلبة

رانا كامل نشكو من الماء أنا رانا من العيد الصغير مجاش 😭😞

ما شاء الله عليك ادعولي خياتي ان شاء الله ربي يرزق زوجي عمل

لا ليس المرأة الفحلة بل المال الذي يسهل عيش الناس هناك من ان لم تأتي بالحطب وتحلب الشاة ووثم لن تأكل ....

دارك مريحة تهبل ربي يبارك ما شاء الله ربي يرزق جميع محروم ويبارك للجميع لي عنده

يعطيك الصحة اول مرة نعلق نحب الهدرا ديما على النوضان بكري يحفزني بزاف...🥰🥰

يااااااااه واش سخفت وتمنيت هكا ادعولي خياتي نخرجوا فلاليست نتاع السكنة واللهةراني غا في ڨراج الضيق والسخانة ربي لي عالم مع بنياتي صغار وربي يهنيك اختي

مشاء.الله.دارك.تهبل.انا.ثاني.ما.نقدرش.ما.نسيقش.نحس.الدنيا.مرونة.الله.يقدرنا.على.شغل.الدار

كي حالتي انا نهار نقول مانسيقش تلقايني مانقدرش ندور ندور ونولي نسيق

اللهم صل و سلم على سيدنا محمد

انا اختك من ولاية تبسة ربي يبارك في دارك والله عجبتني ادعولي ربي يرزقني بدار راني نعاني ونقاسي علبالك كينشوف الروتينات اليراكم ديرو فيها قلبي يوجعني

الله يعطيك صحة ماشاء الله عليك ام انس تعيشي صوريلي دارك كاملة وبلعقل راني حابة نعود نفصل يكنتي شريت اف 3 بصح مهيش مفصلة غاية وعجبني تفصال نتاع سنة نتاعك ولفيونص لدايرتيه للكوزينة ولكوروال

يعطيك الصحة حتى انا لازم الصباح رغم انى نموت عل نوم وبتوفيق من الله حبيبتى

تشربي قهوتك وطيبي علاه هاربة علينا الدنيا المراء لازم تاخد وقتها باه تفطر الصباح والخدمة تاع الدار ماهيش هاربة الي ديريه اليوم يتعاود.كل يوم ربي يعطينا الصحة برك

كي تكون عندك دار شابة هكدا سينورمال تحسي بالراحة.

صلوا على الحبيب المصطفى محمد سيد الخلق اجمعين

سلام عليكم، والله رحنا الماء مدة 22يوم ومازال ما جاش والله غير عيينا كسرونا يدينا، ربي يعاونك يا الفحلة، ادعموني

يعطيك الصحة top نظيفة وتعجبيني منظمة كلش في بلاصتو حوايج قلال بصح منظمين الله يبارك

يعطيك الصحة أم أنس ،كلش بالطبع ،مقلتيليش مقادير مضبوطة تاع الكسرة تاعك ونوعية السميد لخطرش تشهي

السلام عليكم ارجوك حدثينا كيفاه تتعاملي مع ابناءك في العطلة

ماشاء الله دارك الله يبارك عجبتني بزاااف و القش شباب مافيهاش قش بزاف سامبل و مشروحة ربي يباركلك فيها و في وليداتك و في صحتك

هذا روتيني دايما لكن عيييتنهار كانو اولادي صغار والصحة والصغرنخدم ونتمتع مثلك والآن عيييييت سوغثو نسكن ري دشوصي وماعنديش بالكون والطيق بالباروداج

مساء الخير حبيبتي ام انس واش نقلك كي نشوف روتيناتك نتحمس ونسخف على الخدمة والله العظيم دارك تهبل ونظيفة تشعل ربي يبارك فيك ويعطيك صحتك 💋💋💋💋💋

قوليلي منين شريتي لكنبيا تاع الصالون وشحال السومه

سبحان الله وبحمده سبحان الله العظيم عدد خلقه ورضا نفسه وزنة عرشه ومداد كلماته

ديرينا روتينات عفوية كيما موالفة خير بلا مونتاج

ديريلنا وصفة كسرة ب تفصيل ومقادير مضبوطة يرحم والديك

أدعولي مع إبني أن ينجح في الإمتحان الباكالورية لأن 40 دعوة الغريب مستجابة وربي ينجح جميع الوليدات 🤲🤲

عجبتني الكسرة و يعطيك الصحة في كل شيء الله يبارك

اختي راني مرا شوفي ديري خل وما ء وجافال معا بعضاهم يعقمو مليح

أنا تاني نسيق ونقول غدوا أن شاء الله منسيقش تلقاييني ندور ندور حتى نسيق باش نبرد

ام انس نسولك على المطبخ واش حال طلعتيه حبيبتي حبيت نأخذ فكرة

الله يبارك عليك ويعطيك الصحة فقط راي لكان تبدلي الخزانة تاع البنات وديريها في بلاصت السرير لعند الباب

والله تقولي راكي تهدري علي كون ما سيقش حشاك نهبل .وكون تكون الدار ماشي منظمة نتعب نفسيا على كل حال يعطيك الصحة

سلااام حبيبتي ام انس انا مرا من بئر العاتر كنت كومونديت من عندك تارت جات تهببل يا حسرة منين كنتي عنا في العاتر توحشناااااك نتمنى تردي عليا... 😍😍

شكرا حبيبتي فقط حبيت برك ننصحك والله مرني ندخل وكان تحتفظ بالفيوص تاع الدار متبقيش تكبي في الماء يخصرلك من الماء بزاف يتشققلك عودي مسحيه غير بنشاف معقم علبلي بلي حنا الجزاءرين نحبو الماء بزاف تعيش متزعفيش عليا سلملي على جنى ونحبكم بزاف

ياودي قسما بالله نبات نخدم ونظف مي تقول كامل منيش نخدم يديا خرجو فيهم عظام

سلام ام انس هذا اول تعليق حبيت انسقسيك لخزانة الراية اسك صوليد ولا لالا ارجو الرد شكرا

انا والله هالايام حكمتني فشلة حتى نوض مانقدرش نتحرك

انا نسيق كل يوم وصباح وعشية صح كي تسيقي وتفححفحي الدنيا يطلعلك المورال

القنوات الجزائرية كامل غير سيق سيق وأمسح ،هذا هو المحتوى........ وقيلا لهذا السبب قطعولنا الماء.

مين شريتي الصالون تاعك قصدي هدوك الكنابيات تع الحديد

القندورة تسخف نموت على لصفر ههه❤❤

ام انس حبيبتي يعطيك الصحة فحلة بقداه شربتي تابل شوسور و منين

الحمد لله يومياً نسيق بتزرزيق

مشتركة جديدة من بجاية 🤩🤩 أنا تاني ما نقدرش ما نسيقش لازم كل يوم باش نحس روحي مليحة

راني كيما انت يا ام انس لوكان مانمسحش كل يوم نحس داري فيها الريحة وباقي فيها ريحة النوم والقاعة نحسها شهبة

اعطيلنا وصفة الكسرة لو سمحتي

دارك تهبل الي خصك برك تنحي الكنابيات تاع لحديد وديري في بلاصتهم وحايد تاع خشب .

ازول لحبيبة مام انا نسيق تلاقيني نطير من لفرحة هديك هي راحة نفسية تاعي من عند ربي نضافة مشات في دمي. ام اناس ربي يحفظك راكي توووووب ❤

يعطيك صحة لي تحب وصفات بنينة بزاف 😋 وساهلة تدخلي وشوفي بعينيك ختكم جزائرية في فرنسا

حبيت نسقسيك كيفاش كل مرة ترمي الماء في الارض و صوالحك كامل مابل و حطب كيما انا نخاف على لكانابيات و الطوابل اذا يتنفخو

فرحت كي شفت الجفنة تاعك كما تاعي هههه دعولي ربي يفرج عليا بسكنة نشالله

الله يبارك على دارك تهبل عجبني منظمة دال دصول لكولار يهبل كلش مليح ربي بارك كل الالوان متناسقة مع بعض ذوقك هايل ربي يهنيك في دارك اختي .

حبيت نسقسيك شريت لوليداتي شمبر مارون واش مكولار نشريها لكموند

نحب روتيناتك مع وليداتك رب يحفظهملك نتفرج ونضحك وحدي وكأنهم يتكلمو معاي رب يطولك في عمرهم ويفرحك بيهم

انا.لكان.مانسيقش.نحس.روحي.ماخدمتش.الشغل..جارتي.تقول.لي.كل.ثلث.ايام.باش.نسيق.انا.ما.نحملش.اوضركا.فا.الصيف.الصباح.والعشية

السلام عليكم .حبيت نسقسيك علي ليكانابي تاع لحديد.اذا ملاح ازمايسدوش الغبرة.تانيك اذا مايصدوش؟

انا نوض على ستة تاع الصباح و ما يبانش عليا الشغل عندي التربية و وليديالله يبلرك عليه غير انوض ينوض معايا

ألله يبارك فيك شاطرة ونفس الشي كلنا نحب النظافه والشغل الصباح

الجافيل يا اختي العزيزة يضرك استعملي الخل احسن معقم وشكرا

متتبعة جديدة الله يبارك دارك شابة عجبتني الله يعطينا كما عطاك وندير كيفك😊😉

مكاش كيما ام انس متميزة في كل شيء

ولي عندها رضيع يبكي دايمن وميحبش يقعد وحدو

راك تووووووووب تووووووووب حبيبتي نتمنالك كل خير

سلام. وين. هدي. سدرات. يعطيك. الصحة. على. كلش. ربي. يحفظك.

سلام اختي ماشاء الله تبارك الله ولاحول ولاقوة الا بالله عليك تعيشي خبريني شحال شريتي كانابيات تاع الصالون تاعك ذوك تاع الحديد؟ وين نقدر نلقاهوم؟

يعطيك صحة بصح لي مافهمتهاش الكسرة نتاع مسمن ولا مطلوع

اعطيك الصحة حبيبتي كلش يهبل ماشاء الله الوصفة هذي نديرها نقولولها المغمومة تنحي الحيرة

ام انس بدلي لخزانة تاع لبنات لتحت ورجعي الببرو بين الاسرة تاعهم

الله يبارك عليك ام انس راكي ليتوبرز لولا عندي وليت مدمنة على فيديوهاتك تهبلي وووواصلي فىروتينات ربي يحفظك

يعطيك الصحة الفحلة عجبني كانبي تاعك تع الحديد شحال شريتها ومنين من فضلك ردي

اختي ام انس سمحيلي على التدخل اعيدي النظر في ترتيب غرفة الاطفال الخزانة مش في مكانها

الله يبارك ربي يحفظلك صحيحتك نشالله بشحال شرتيها طابلة نتاع لكوزينة حبيبتي