انا عندي حوش كبير تبهدل بتراب لحمر والله زوج سوايع وانا نجبد فيه وزاد لصق بالامطار لي طاحت وديور مزال مخملتش عييت ولفطور كان يقارعلي ليوم ان سا الله لي شومبغ يا رب ما يعاودش يصب تراب
ماشاء الله تبارك الرحمن كل شي بلطبع ربي معاك ويحفظلك بنياتك انا تاني عندي بنت وحدا وراني نعلم فيها غير بشويةلخاطرش صغيرا ربي يخليلنا بنياتنا اختك من غليزان بنت بلادك❤❤😊😊😊❤😊
ربي يتقبل اختي الكريمة ملاحظة فقط إذا أردت أن تضعي إشارة في المصحف الكريم للصفحة التي توقفت عند قراءتها لاتضعي شيئا كبيرا مثل تلك الريشة التي تضعينها، أو ورقة ضعي خيطا رفيعا فقط هذه الملاحة قدمها لنا الإمام بارك الله فيك
مساء الفل فايزة❤راني مغبونة وجيت نتقاسم معاك .ولدي مهدي مازال ما قفلش15بصح ربي عطاه حصوت لي سمعوا و صلى من موراه بكى امام المسجد شجعوا و قدموا يصلي لكن لي يحفظوا القران ما حبش و قالوا انا نصلي بالناس ماشي انت الامام عيط لولدي و قالوا اليلة انت صلى الناس راها تدور عليك لكن الشيخ مشى سبقوا و زيد طيحلوا كامل معنوياتواو قالوا انت ما تعرفش تقرا و الله الفيديو نتاع ولدي شافو اكثر من900شخص و من حفظة العائلة و الاصدقاء .دعيو معاي ربي ينصر وليدي و حسبي الله و نعم الوكيل لي حرمو من المحراب.تلاقيت اليوم الجارات قالولي ما شاء الله على مهدي ربي عطاه حنجرة ذهبية. ❤
انا اذا وفقني الله سيكمل ابني حفظ المصحف قريبا هناك مدرسة قرانية فتلمسان ساضعها فيها.اتمنى لو انكم تسمعون صوته لتحكموا بانفسكم.ماما قاتلي امنية ابوك تحققت لان ذلك ما تمناه في اخواي لكن للاسف لا.المهم الحمد لله و شكرا على الدعم لانه يقويني و انا اقوي ولدي.❤
ماشاء الله عليك ربي يباركلك في بنياتك مبدعة كالعادة وصفاتك تشهي ❤ غادي نوض ندير المملحات فكرتيني بيهم😂 و يعطيك الصحة على كل المجهودات لي راكي تبدلي فيهم علابالنا ما شي ساهل التصوير 😅و مبروك عليك خاتم القرآن ربي يتقبل ان شاء الله ❤
صح فطورك اختي ويعطيك الصحة والله عير تستاهلي كل خير انت سيدة ناجحة واصلي عجبني روتيناتك ووصفاتكي وخاصة النضافة ما شاء الله تبارك الرحمن بيتكم نضيف وكلامك الطيب والجميل الله يحفضك انت والعائلة
ربي بشدهملك انا تان عندي بنتي جبتها بعد 7سنين من الزواج وانا فالغربة ومنبعد رزقني من بعدها بوليداتي وعندي 3 الحمد الله وبنتي كبرت والله غير تونست بيها والحمد الله عاقلة بنتي وتاخذ رايي والله الحمد لله مانبش نحس كامل بالغربة مع وليداتي ربي يحفضلك بنياتك ووريداتك .صديقتك الخفيه سميرة من اسبانيا ❤❤❤
اللهم بارك امين يارب العالمين كلمايدخل فيديو جديد نقعد نخزر مليح فالمطبخ نقول بلاك فايزة بدلت كوزينة و راهي في دارها الجديدة ربي يفرحك بعتبة حلوة تتهني فيها مع زوجك و وليداتك يارب