سلام سارة عن تجربة سبغت الالوان كل مكانش كي الابيض ننصحك اصبغي ابيض وحيط ولا زوج قري على السخفة برك ونحي لي بونكات ولارجونتري اديهم لبيت خلاف بيت قعاد وديري صالون مودارن يجيك هايل مع ليستر والصبغة وبصحتك مسبقا
نحي لي بونكات ديريهم قعدة في شومبرة اخرى وديري لي فوتاي في بلاصتهم وجهة شباك ديري صالة مونجي تاعك هكاك تولي صالة مفروزة وهادية خير من يكونو لي فوتاي وبونكات كامل تمااك
اذا خبيتي تغيير جذرب ماعليك غير تغيري كل شيء و ديري شيء مودرن ثالونك مبير ماشاءالله تحطي فيه واش تحبي ،اشري بايو مع طابلتو يخرج روعة. وبصحتك مسبقا وموفقة
دري الصبغة قري مع الفوطاي قري والمغاد في الفوز وخلي لبونكاط بدلي لغلافات في الفوز واقترح تنحي واحد تخلي اثنين فقط بالتوفيق حبوبة اوتصبغي البونكاط بالابيض يجو تحفة
انا في راي ديري بيت لقعاد بهاذوك لي بونكات والمابل لي معاها والصالون اصبغيه ابيض وحيط واحد قري وديري لي فوتاي مودارن مع لتابل بدليها وزيدي اشري بايو مع شوية ديكور يخرج تحفة
الأحسن تحطي لبونكاث في غرفة اخرى مع ليفينغ وتغيري صالونك لصالون عصري الأبيض معةالرمادي والأسود والفضي كل هذه الألوان رح تكون متناسقة مع بعض حقيقة رح تعطيك جو مغاير تماما لصالونك السابق وتغيير في النفسية أيضا وبالتوفيق حبيبتي
انا بانتلي اخطيك من الصبغة الرمادية على خاطر دغملك الصالون وزيد الارض في الرمادي تجي بزاف ديريها بيضاء والفراش ديريه في اللون الرمادي احسن وادا ماقدرتيش خلاص ومازلتي حابة رمادي لازم اضاءة قوية و الضوء يكون ابيض)led) ولفراش فالفاتح وماديريش كاش ريدو في النوافد اكتفي بستارة بيضاء فقط
من أول المعلقين أرجوكم بنات ادعولي دعوة خير من قلبكم و لكم بالمثل هلكني الدين انا وعايلتي ...اول مرة نحس بالعجز لهذه الدرجة يارب ارفع علينا هذا الوباء لي أذانا فوق طاقتنا يارب يا مجيب
بصحتك مسبقا انا راي تسبغي غير حيط او اثنين بالرمادي والاخرين بلون افتح يخرج معاه ونحي لي بونكات واديري لي فوتاي مع البايو تاعهم وديكورات ومخاد صغار يكونو بالوردي الفاتح جدا
شوفي سارة اختي جيهة الشباك ديري سالا مونجي وفي بلاصة البونكاتات ديري لي فوتاي وشفتي القوس هداك لي مديرتو فاصل بدليه وديريه كبير باي يبان باهي وفي نفس الوقت يبان الفاصل بين لي فوتاي وصالا مونجي 😘😘😘وموفقة حبيبتي
عن تجربة ماكانش كيما الصبغة البيضاء أنا مدايرا جديدة فيها ديغوفلي أغجون تهبل تخرج مع كلش لاكان تحبي نصورلك ، و نحي كلش و ديري صالون و طابلة مودارن على حساب مقدورك و بالصحة و الهنا ان شاء الله
هيه بدلي يطلعلك المورال كاينه صبغه جديدة سمها klondaik تهبل و كاينه تانيvintage style هدو خرجو جدد وانا درتهم في داري حاجه حطه السعر شوي غالي مي يستاهلو ديري الكنابيات في بيت خلاف و اياكي تبدليهم ام حاجه رزينه و ديري فوتاي فالصالون
السلام عليكم . في الحقيقة انا خاطيني youtu.be و لكن لقيت انو قناتك تستاهل المشاهدة و بالمناسبة نقولك بلي اعتمدت بزاااااااف من وصفاتك. ربي يحفضك و ينجحك و يوفقك في المسيرة تاعك. انا متابعة صفحتك من باريس و نفتخر بزاااف بيك بنت بلادي و خاصة ولايتي سكيكدة العزيزة
السلام عليكم الاخت صارة في مايخص صالونك قلعي القعدات والبيبليوتاك وديري الفوتايات ومن جيهة التاقة ديري صالة مونجي والصبغة ديري اللون الابيض يضويلك الصالون ويجي مع اي لون تاع المابل ومادامكي ساخفة على اللون الرمادي ديري حيط بهاذ اللون
من وجهة نظري انك تنحي لي بونكات وتديريهم في بيت اخرى واشري صالون معاه طابلة تاع الماكلة ومعاها بايو و تفرشي تاني الجهة اللي فيها الطابلة وتخرجي لارجنتري تاني وديري مابل يخرج مع الفوتايات وحطي فيه ديكور وكتابات والله انا اونتخيل فيه يجيك ان شاء الله يهبل وربي يسهلك وتبدلي كيما حبيتي يا رب
ماشاء الله عليك سرسورة يعطيك الصحة وبالنسبة للصالون من رايي اشري لي فوتاي على حساب المكان لي عندك على خاطر صالونك كبير الله يبارك والجهة التانية ديري تابل مع البايو تاعها ولي بونكات ديريهم في غرفة اخرى والصبيغة ديريها بيضاء وديري حيط واحد رمادي باه تجيك ضاوية
الله يبارك بنت ولايتي نفرح كي نشوف سكيكدية ناجحة و فحلة ادا حبيتي تبدلي الليسثر او تشري ديكورات و كادرات اتفضلي عدنا في المحل و نساعدوك مكاش مشكل المحل متواجد في صالح بو الكروة منين سيبيراث مطاطلة اسمو lina decor تشرفينا
سلام عليكم اختي ساره، بارك الله فيك وشكرا على كل شيء، اولا حبيت نقولك بللي أحبك في الله، ورأيي انه انتي حابة ستيل مختلف تماما على وش عندك اعتقد انهم مايركبوش على بعض، يعني ليبونكات اعتقد انهم مايجوش مع الستيل الجديد، واضن انه الستيل الرمادي يحتاج يبقى واسع ومنشرح يعني ماتشارجيش الحالة حتى لو تبانلك الحالة فارغة تكون واسعة برك تفررح، وايضا نصيحة الستيل المارو ماتتخلايش عليه لانه دافىء، والله ويحسس بالراحة والحنين وبللي الجو حنين، يعني ديري أجواء متنوعة في بيتك غرفة حنينة ودافئة وغرفة عصرية، صدقيني انا عندي صالون رمادي وطابلة بيضاء ومودرن، باهي يهبل ماشاء الله ، بصح احن للجو الدافىء واللون البني عنده وقعه في نفسي بالاك كي تربينا بيه وهو طابع عربي وكل واحد وش يحب وفاه يرتاح، المهم ربي يباركلك، ومن بعد نبعثلك صورة في الانستغرام، ان شاء الله
Sebgha gris clair teji mliha, les banquettes ta9der tkhalihm nrml le bois yokhrej 3la kolchi l'essentiel ykoun frech ta3o bahi yokhrejlek m3a salon li rah techri, la table ila ta9der tbedelha sinon 3ado kayen les housses yheblo tghati bihm teji bien w ki tferech les tapis w ridawat et tt teji bien
صبغيها بالقري والغوز جي تهبل واشري فوتاي في نوار واشريلهم وسادات بألوان مختلفة باش الديري فيها نوع من الحيوية كيما الاحمر والبني والصفر يجيو يسخفوا اما بالنسبة للبونكات اديهم لشومبرة خلاف احسن
اشري صالون يكون كبير تاع 9 بلايص ولا حتى 12 بلاصة باسكو الصالون تاعك كبير ديريه في اللون القري والمخاد تاعو في الغوز والبونكات خرجيهم والجيهة لي تبقالك حطي فيها لاطابل
سارة حبيبتي نحي خلاص ليبونكاث فرغي صالون كامل متخلي والو فيه ديري صبغة ڨري مديريش السوار كاملين ديري ليمان الطاقة بعفسة هديك تاع لحجر تجي روعة و تشري دي فوطاي و زربية تكون سامبل ماش هادوك لي معمرين نوار نو حاجة سامبل برك و لاطابل ديريها فلبيض و ديري طابل دو ثيليفيزيون هادوك لي يجيو صغار برك يجيو نص فلبيض يجي طوووب 👍👍♥️♥️♥️
الصبغة اللون الابيض الفضي مع ڨري فاتح في حائط واحد فقط باه ميغمكش ولو انني افضل الابيض لبونكات اخلاص وقتهم حطيهم في غرفة وحدهم والصالون نتاعك كبير ماشاءالله قبلي للفوتي بوجهة الحاءط يعني تحطيهم في وسط الصالون باه يعمروا الفراغ وطبعا salle à manger جديدة أو حتى إعادة تغليف الطاولة نتاعك إعادة تغليف بالڨري الفاتح الي تحبيه ما رايك بطلاء ابيض واثاث يغلب عليه الڨري ؟ ربي يحقق لك وييسر لك امورك كلها
سلام ،ديري الصالون وحدها يعني ليفوطاي مع طابلة وكراسى وكاش طابل في ليكوا ،وليبونكاط حطيهم في بيي لقعاد،والصبغة ديري جهة بجيهة وغلبي عليها الاييض لانو مايديموداش ،ربي يهنيك ويعمر دارك اختي ،انا نحب وصفاتك ونعمل بالنصائح تاعك،بصح درك مع الخدمة والاطفال ،ماعنديش الوقت غير فالليل نشوف الجديد تاعك ،ربي يعونك ،اختك ام شاكر من سكيكدة
يعطيك الصحة على كل شي.وبالنسبة للصالون من الافضل خرجي لي بونكاث من الصالون خلاص وديري صالون مودارن مع لواحقو من تزينات.والصبغة شوفي الالوان لي ممكن تخرج معاها وربي يسهلك
مساء النور حبيبتي سارة ربي يعطيك ماتتمناي وانا من رائي نحي ليبونكاث ديريهم في شمبرة وحدهم قعدة عربي كما نقولو وليفوثاي ديريهم في الصالون وحدهم مع الطابلة ديريها تحت الثاقة باش تجيك شابة ولاكولار gris يجي معاها اللون الابيض تحفة وربي يوفقك اختاه
يعطيك الصحه اختي على وصفاتك ،اوربي اعينك .صح الا درتي la peinture grise ومع les fauteuils اجيك روعة مع الصالون كبير الله ابارك .الا ماشي مشكل وفضولا برك ،واش تخدمي ختي ،مشاء الله عليك تقدري توفقي مابين العمل والدار وليكوموند ،ربي انجحك اكثر واكثر
اذا درتي سبغا كلها برملدي رايحا تملي و تجي باهتا من الاحسن ديري الحجرة رمادية في حيط واحد من الصالون و طبعا الموبل البني مش راح يخرج على الرمادي لازم يتبدل .حض موفق
انا رأيي بما انو صالونك كبير ماشاء الله اديري جهة ليفوثاي وجهة ليبونكاث لانو حنا معروفين بالضياف ونحبو الضياف هكدا تكون عندك أماكن للجلوس وادا جاوك رجال ونساء كل واحد يقعد فجهة وحتى إلا عندهم اطفال ونعس كاش واحد كاين ليبونكاث وان يتمدد بدلي برك لكوفر كانابي وديري زوج بنكاثات برك وحاولي تنسقي بين لاكولار تاع الفوتاي وليكوفر كانابي راح يجيك هايل وبالصحة مسبقا نحبوك بزاف بزاف
Allah iberek salon ta3ek kbira .sebgha diri zouz jihet mgeblin ba3dahem gris x zouz byod . Diri biha salon moderne w jiha traditionnelle 2 banquettes bark w hadek bibliothèque w banquette khlef hotihem fi bit khlef w akhadmi table w baillans en gris w blanc kayen wahed min les villas ta malki wlh yakhdem rax3a 3andou page esemha LuXo fel fb choufi Hat wahd lmodele Tal baillans m3a les tables khdemhem 3and n'es dar tehem gris w blanc
صباح الخير سارة انا متتايعة من فرنسا نتبعك مؤة على مرة ....بالنسية للبونكات لكان رايحة تغير اللون ديريهم في بيت وحدهم مع livining تاعهم و ديري salon باهي و الطابة تقدري مام ماتخسريش اسبغيها على اللون تاع salon لي رايحة تشريه و ربي يسهل انشالله
نحب صالون فيه ليبونكاط و ليفوطاي ما تنحيهمش صبغة gris اي تخرج على اي نوع من ليمابل دير كوطي مودارن و كوطي ثراديسيونال هكذا مام يجيوك ضياف ولى يلقاو واين يقعدو
بوقالة اليوم يقولو بلي لبنات اجناس وانتي لمخيرة من كل الناس ..كي الوردة في وسط الكأس ما يديك غير مول الزهر و يحطك فوق الراس بإذن الله يا تاج مرصع بالالماس لي عجبتها البوقالة متنساش تدخل عندي تشوف فيديواتي والله نتعب باه نخدمهم
سلام حبيبيتي ربي يكملك بتغيير صالونك انشاء الله انا حسب رايي اذا كان عندك بيت وين ديري لبونكات خرجيهم من صالون واعملي صالون عصري لون للرمادي للسبغة مايجيش معاه مابل فالبني يخرج معاه مابل ابيض ديري فوتاي وطابلة وتلفزة في الحائط وفقط يجيك صالونك روعة ومفروز وعصري وراقي في نفس الوقت وبصحتك مسبقا.
علا حساب البودجي لكان محدود دخلي الفوتوي مع ليبونكاث عادي البني مع لڨري ملازمش الألوان اكل كيف كيف كي تبدلي لفراش ديري اللون يخرج مع السبغة وخلاص ولاكان البودجي مفتوح تقدر تبلدي كلش ليبونكاث و ليفينڨ دريلها بيت عربية والصلون دخلي بايو مع طابلة جديدة وليفوتوي جدد