يا اهلا وسهلا بيك نورتي عالمنا الصغير بطلتك الغالية وكلامك لعزيز ربي يحفظك راني مع السخانة وماكانش كليماتيزور والله نفشل علابيها نغيب وكملها الماء مورال تحت الصفر الله المستعان نحاول مانغيبهاش نورتيني حبيبتي
ماشاء الله عليك بديا تفرح وتشرح القلب 😊ام الماسة الخلوقة المهذبة انسانة شفافة وبسيطة ومتواضعة والله العظيم من اول ماسمعت صوتك حبيتك وراني معاك من لي بديتي وحتى تكملي للمليون 🎉
سبحان الله راني نتفرج في فيديو قديم تاعك حتى طلعاي اشعار جديد يا اهلا و سهلا بالناس الطيبة ❤❤❤❤❤❤❤ همسة ولا اروع كيما تقولي نتي متنسايش همستي انتظرها بفارغ الصبر
يا مساء الخير والسعادة والعافية على الناس الطيبة الوفية جزيل الشكر لدعمك ليا لثقتك فيا لتفاعلك معانا في كل مرة ربي يحفظك نورتيني بطلتك البهية وكلامك لعزيز
مكان لاتسونامي لاوالو علميا البحر الابيض المتوسط حوض ضيق يعني تسونامي بعيدة عليه تماما لأنها تضرب البحور الواسعة مثل بحور القارات الاسياوية بكثرة نظرااا للنشاط الزلزالي الكثيف عندنا راه البحر كيما نقولوا طابلة 😅😅
جميل اننا نتبادلو المعلومات علبالي انو موجات تسونامي لاتشكل خطرا يحظى بالاهتمام على البحر الابيض المتوسط من العهد البرونزي لي دمرت فيه حضارة نوبيه حضارة يونانية مازاد ضرب 😂الجمد لله بصح الناس في العوض لي تتطلع تكتسب معلومة تنشر في الهلع بين الناس انا من بينهم امي خافت البحر 😂حتى قنعتها 😂جزاك الله خيراً وبارك الله فيك
انا راني عطلة في مدينة القل جنة فوق الأرض مشاء الله كان الزوج دارهالي مفجاءة 🎉🎉 في الدقيقة تسعين والله فرحت مع دراري قالي تعبتي عام كامل مع الاولاد وحمد الله كانت نتائج ممتازة بيام وسانكيام احساس هايل تلقاي لي يقدر التعب تاعك ومجهوداتك يالوكان بكلمة ربي يقدرنا يارب
بالصحة والعافية يارب العالمين تفوتيها بالهناء نحن نحتاج إلى لحظة هدوء ، إلى هُدنة مع الحياة ، إلى صمت يكتم ضجيج الروح ، إلى وسادة سلام تسند أحلامنا المتعبة ، إلى سحابة عابرة تغسل ما بداخلنا أو عزلة نعيد فيها حساباتنا ننصت لصوت العقل والقلب معًا لنشعر ببعض السكينة ، ونستعيد أنفاس الأمل اننا نحتاج خلوة انفراديه طويلة المدى ولا خلوة مع الاحباب استمتعي قدر الامكان اختاه ❤وربي يحفظلك الزوج الكريم ويخليه تاج 👑فوق راسك نشاله ربي يبقي عليكم الستر
اجمل نعمة هي الصحة الصحة تاج تاع صح و كي تخون مولاتها واعرة نتمنى ام ألماسة تهدري على العين لي تلحق .كنت جد جد نشيطة و نخدم لعجب ف دارنا تزوجت كيفكيف من نهار ولدت ولدي و درت قاطو و صوالح نفاس روحي و حاوني ناس داري وانا من تم نخدم بصح فوق قلب نجي دارنا نخدم لعجب نمشي داري نتكاسل فوق الجهد 😢😢.روتيناتك روعة 😊
صح ✅الصحة تاج 👑على رؤوس الأصحاء لايراها الا المرضى 💚عين صايباتك والعين حق داومي على قراءة سورة البقرة والرقية ونشاله يتحسن الحال لأفضل حال نشاله نورتيني بطلتك البهية وكلامك لعزيز
ماشاء الله عليك كلامك ينحط على الجرح يبرى ربي يجازيك ويتقبل منك تفعلي الخير وتسعاي ليه وكاين لي تتحفز كي تتفرجك ويرتاح قلبها وكانت لي متصليش ورجعت تصاي عندك درجة اقناع كبيرة لانك طيبة وماكيش مصطنعة شفافة تستاهلي كلمة مؤثرة اثرتي فيا بالخير انا الاولى وهذا هو التاثير تاع الصح
