عندي 5 سنين مع اهل الزوج نغبنت بزاااف دخلت عندهم مولات 19 سنة صغري ماعشتو في دارنا ما عشتو في دار راجلي هكاك وصبرت دعولي ربي يفرج عليا ويفرج على كل واحد يارب 🤲
والله عندك الحق عندي زواج عام ونص منقدرش نلبس واش نحب وزيد عايشة مع بيت الرجال انا ساكنة مع وليد خالتو ومع خالو وجداه وخالو ملتحت بحكم انا زوجي مربياتو جداه تاع امو لأنو يتيم الاب
وكي يكون راجلك يخدم طول النهار ويدخل فليل عيان وقتاه حبيتي يشوفك وقت لعشا راح يكون فلكوزينة قدام والديه بعد لعشا تكوني تعبانة وحتى لوكان تماكيي تجي سامطة على جال ساعة
انا ثاني كيفك عمري 17برك ورني بل حمل انا راجلي من صباح مكانش يجي لعشو ومن يجي تحكمو امو معها ويتعشا معهم ويروح يصلي ميجيش 12 كي نقول سلفتي منيش نعدل يقلولي اعدلي في شمبراتك بصح تجي صماطة مكانش قد دوراي بيها قدمو في دار وحدكم وانا راجلي ميخلنيش نمكياج وندير رايحة في دار كرهت وبرادت
صدقيني حبيبتي ماكاش حياة مثالية يوجد يوجد نقائص سواء ساكنة وحدك أو مع الأهل. المهم المرأة تعرف كيفاش تعيش يومها وتبسط الأمور في عقلها. الزواج ميثاق غليظ ماهوش لبسة وماكياج فقط. الله يسترنا ويستر بناتنا ويرزق كل وحدة الزوج الصالح.
معليش ختي ولي ماعندهاش عندها زوج جبب تاع الشتا وزوج تاع الصيف كل عام تبدل فيهم الماكياج تبيريما تاع الجهاز واش دير تسقم شعرها وتحافظ على نظافتها وخلاص حتى الزوج لي يحب مرتو تعدل روحها وتسقم روحها حتى هو يبادر يشريلها ماشي غير ماعنديش ماعنديش ماعندكش اقعد تشوف فيها كي هي مي مك
والله عندك الحق لي يحب مرتو تحلى في عينو وتضل نبدلو وتسقملو يليق يديرلها شهرية تقضي بيها اوموراتها المرأة مستلزماتها يحبو الدراهم هاذي شومبوا وابري شومبوا هاذا جال دوش هاذوك لي غازواغ هاذو لي كرام هاذا ستيك هاذا بارفان هاذا مكياج وهاذو حوايج وبيجامات وملابس الداخلية لي يليق يتبدلو كل وقت وخلي وخلي وخلي ماشي هو يعرف يجيب غير الخبز والبطاطا ويقارنها بوحدة تصرف ربع ملاين في الشهر على روحها هو يجيبلها غير صابون طرف ويحب يشم فيها ريحة شابة واقيل ترش روحها ب الماء زهر
@@3rousa_dz ربي يحفظك والله هاد لي سوجي ملاح كاين بزاف بنات مايعرفوش كي تكون صحبتو تكون شابة وزلة وهي تتزوج تموت ياجدك والله ساعات النسا يجيبوها لروحهم
واش نقولك ياختي لعزيزة انا عامين و نص زواج تقول عندي 15سنة عايشة مع الشيخ و لعجوز وهو انسان مايكرهش من الروتين مضيعلي صغري كيما درت معاه مانفع فيه والو نحب نخرجو نكونو وحدنا والو نقولو دايقة روحي هيا نروحو نخرجو حابة نريح معاك ياربي الغابة بلاصة خلا والو مايديهاش فيها نلبسلو مايقولي عبتني جاتك شابة و لا نلبص حاچة چديدة صح عليك مايقولهالي و لا نروح لحفافة والو والله ياحبيبتي ولدت رعت من الموت 2مرات 4اشهر كرشي مفتوحة و انا في دارنا قايمة بيا ماما و ختي والله نهار تخيت و روحت تقول كنت معاه ماشي غايبة عليه 4شهر نورمال خلاص تمنيت يديني لكاش بلاصة لوتال والوكان نهار وحدنا نحيو الوحش نريحو كيفكيف فالفترة هاديك كي روحت وليت مانيش حاملة روحي دارلي انهيار عصبي فقت بلي حياتي راهي تروح وانا ماعشت والو قريب مت تزوجت انسان زعمة لي حبيتو ملي كان عمري 19سنة حتى 28سنة باه تزوجنا كنت نستنا وكتاه نكونو مع بعضنا ومع الاخر تصدمت فالوافع و فيه لقيت العجوز راميتلي الدار كلش ليا بالرغم صغيرة و خدامة و انا قاعدة فالدار نكمل فالدكتوراه تاعي وهي ماعلبلهلش حسيت روحي بونيتشة و نوغيس ملي روح لدارنا و انا غير نبكي ونرچع اللوم في والديا لي حتمو عليا نسكن معاهم انا مقبلتش و كي عادت فترة برك حتى توجد الدار تاعهم جديدة قالولي اقبلي برك فترة و تعدي انامحبيتش و قتلو دبر راسك ماليا لي زادو عليا درك راني في عامين و نص حسيت روحي وليت عجوزة عايشة لولدي و صاي اني ماحكيت والو كون نبدا نهضر اني مانحبسش واش مدايرة فيا لعجوزة تقتل فيا بالبارد و هو ماعلابالوش بيا ماهمش محوس عليا تبخصني تنشعني قدامو و قدام باباه على اتفه الاشياء و هو مايحلش فمو بكلمة ودافع عليا جامي جبر بخاطري والوكان وحدنا والو نحس في روحي راني نتحرق وهاد شي اثر بزاف علا قرايتي حتى وليت متأخرة بزاف و ليت مانقدرش نركز و نقرا و هاربة منها بالرغم هديك هي سلاحي
رسالة لكل البنات لي تزوجتو. صغار احمدو ربي على زواجكم. وانتم صغار انا عمري 33 ومزال ماتزوجتش ورفضت عرسان بسبب انهم ساكنين مع اهلهم ولا ماعندهمش خدمة ثابتة ضرك ندمت شفت البنات لي قبلو برجال ساكنين مع اهلهم ولا ماعندهمش خدمة ثابتة رضاو بمكتوب ربي وحابو وليدات مع الوقت دارو ديار الله يبارك عليهم وانا بقيت بلا زواج ولا اولاد والوحدة والندم العزوبية صعيبة حتى وتكوني خدامة ومستقلة ومثقفة وعندك كلش ماتسمعوش الهدرة الناس نتاع لي تتزوج صغيرة تندم عيشو حياتكم مع ازواجكم. سواءا كنتو. عند اهل الزوج ولا وحدكم. ديرو ذكريات جميلة. مع ازواجكم افرحو ازهاو. سافرو ماتخلوش افكار المجتمع تفسد حياتكم وتخلي ايامكم نكد وهم وحزن ماتسمعوش لفلانة وفلتانة لي تقلك لي ماعندهاش دار وحدها ماهيش مرا وووو مش لازم تعيش حياتها العمر بالخف يفوت
شكون لي كيفي نهار كل هيا معا تربية ولغسيل وطياب لكوزينة معندهاش لوقت حتى تمشط شعرها كي يروح راجلها يلقاها مكشرة يفرح بيها وتعجبلو كي تكون هكاك هههههههههههههه انا راجلي بلعكس والله ميحبني نلبس ولا نماكيي يحبني على طبيعتي تاني كي نعدل ولا نلبس ميديهاش فيا 😂😂😂😂😂😂😂 ديرو جام
اختي ربي يسرلك كل شئ إن شاء الله والله صعيبة التربية انا مانيش متزوجة مي راني نربي فلولاد خوية وزيد عندي باك راني حاسة بكل أم كيفاه راهي تعاني مع تربية مي مع الوقت الحمد الله تعلمت بزاف امور وليت نشوف التربية ساهلة ربي يسهل كل واحدة في التربية. عندي بنت خالتي عليها عام ملي تزوجت ودورك عندها طفلة ومع التربية كل شئ صعيب مع هي في عمرها 24سنة حلفت لا تزيد تجيب لولاد حتى تكبرلها الطفلة وتدخل تقرى باش ماتصعبلهاش التربية ومن ذاك تهز بالكرش مي انا نقول كل شئ بيد ربي .
بصح سامحيني تنصحي في اللي عندهم 5 سنين و سبع سنين مع دار الشيخ هوما لي يحسو بيها نتي راكي ڨعدتي شهر لا حسب وش اكي تهدري تبانلك ساهلة ميحس الجمرة غير لي عافس عليها ماكانش كيما دارك وحدك متقدريش تنصحي في السوجي ادا مع كل احتراماتي اختي
هههههه والله ياختي انا راجلي ناكل شينقوم ونطرطق فيه طرطيق ينحهلي من فمي كل راجل وش يحب كاين لتلبسيلهم لعجب والله والو ميدنقوش حتا فيك كاين رجالة من رجالة
الله يبارك عليك ختي ربي يحفظك انشاء الله ههههه والله غير صح فيزوا نمرا ربي يرزقك الذرية الصالحة انشاء الله يارب العالمين عما قريب يارب مام انا ختي في عمري19سنة
اهلين حبيبتي ربي يديم النعمة عليك وعلينا الدنيا هدي ماشي غير لبسة انا ساكنة مع دار شيخي والله غير عجوزتي كي تشوفني مانيش لاتية بروحي تقولي يابنتي كي متتهلايش في روحك وانت صغيرة وقتاش تتهلاي في روحك والله تحبنا كامل نكونو لاهيين في روحنا انا عجوزتي مداسرتها كما اختي
ياختي صعيبة بزاف الله يعين انا ساكنة مع العيلة سييت نلبس ونماكيي في شمبرتي حتي نسمع الدقديق في الباب تخلعت مسحت المكياج كامل ولبست الجبة والخمار وخرجت للتالي لقيتها عجوزتي قاتلي وين راهي البريكي؟ تخيلو معايا غير باش يبرزوك ومت بعد حوست عليها وراحت السهرة وشنفت هذا ابسط مثال والبسة مستورة ويقولو مزيرة ماشي ماصلة والله غير معناة مكاش كيما دارك وحدك ولا العزوبية احسن مليار خطرة تشبعي قنطة وموفيسة 😔😥😔😥
@@mouradloutani4136 معليش ختي متقنطيش قلبك كل واحد يعيش حياتو كيما راهي مسطرة من عند ربي ونقولك بلي دوام الحال من المحال متعياي في دارك وحدك وتلبسي وتماكيي و تعيشي كي سلطانة اصبري ونوصيك حاجة متخليش ناس تمدلك طاقة سلبية متخليهمش يأثرو على حياتك بسلب نتي نهار لي ديري مكياج متخرجيش من بيتك وكي يجو يدقدقو عليك جاوبيهم من ورا الباب ولا قوليلهم راني دائرة زواق ههههههه منقدرش نخرج قدام شيخي ياك نتوما قلتولي ماشي مليح وخليهم ربي يفرحك ختي ويسر قلبك وخاطرك بشي لي راكي متمنياتو
مانيش معاك اختي في هاذي أنا نعرف وحدة مليح مليح ودرها وحدها ورجلها إذا لبست وظارت مكياج يزعف منها ويشنف واذا لبست حاجة قصيرة يوصلها يذابزها مع العلم هي وهو فقط يعني اختي هذه الامور ترجع لشخصية الرجل
الهدرة ساهلة ياختي كامل نحبو نعيشو بصح مكاش كيفاش مع دار الغاشي انا عندي 7سنين ونص زواج وعندي طفل في عمرو 6سنين وطفلة عام ميرقدوش كامل ومكاش وين نخليهم اصلا قريب كل يوم باباهم يرقد قبلهم ويخليني وحدي 😢
معنديش شومبرة تصدقو ولالالا والله ماعندي وعندي 19 عام مالبست حتى حاجة بغيتها حسبي الله ونعم الوكيل في عجوزتي الله لا يسمحلها ضاعت حياتي ادعيولي دعوة 40 غريب مستجابة ربي يعيشكم
سلام لبنات أنا عندي 7سنين زواج تزوجت عندي 19عام ومزالني مع شيخ ولعجوز ولحميا وسلايف والله غير لعيشا صعيبا بزاف بزاف صبرت وبكيت وتعذبت ومازالني لضوك ومشي ساهلا باش تماكيي وتلبسي خاصة كييكون عندك دراري تربي فيهم وخاصة خاصة لكوزينا لتحت وشومبرا لفوق ونتي تهمبري تحت ولفوق دعولي ربي يفرج عليا بسكنا
ايييه يصرى فيك لعجب متقدريش انا كنت ندير لمكياج حتى ل 9 ولا 10كي نطلع لداري او هو ل 11 ولا 12 يجي وش يبقى من مكياج ولا لبسة كي يلقاني لابسة و دايرة يعجبو الحال منقدرس ندير لمكياج قدام دارهم لا حرية لا والو او كي قتلو دار معجبهمش لحال واني بالحمل او اموري صعيبة بزاف واني فبيت اهلي