اختي زهرة درت بيك كوراج وكان عند زوج مشكل في انجاب وطلقت وبعد رمضان رائحه نعود حياتي وربي ان شاء الله يرزقني بذريه أدعولي ..أدعولي ..أدعولي فضلا وليس امر
الفلان :2 بيض 5 م ك سكر فاني رشة ملح نخلطهم نضيف 10 م ك حليب 10 م ك زيت نخلط جيدا نضيف 10 م ك فرينة ساشي خميرة نحطها في فرن ساخن شاعل من تحت وفوق 170 درجة وصينية 25/30 سم طبقة 2 : 1 ل حليب 2م ك مايزينة 100 غ فلان فاني نخلط بارد في بارد ونحطهم فوق النار مع التحريك ثم نفرغها على كيكة الباردة الكراميل: م ص اروم كراميل كاس ماء كاس سكر م ك مايزينة ونحرك فوق النار
نتمنى تكوني ديجا تزوجتي و راكي بالحمل ان شاء الله 🤲🏻 اول مرة نشوف الفيديو هذا تاع الأخت زهرة الله يبارك عليها. و ادعولي معاكم ربي يعوضني بالزوج الصالح و يرزقني بالولد الصالح 🤲🏻♥️ . و ربي يتقبل منا رجب و يرزقنا رضاه في شعبان و يبلغنا المقاصد و رمضان يا رب 🤲🏻🥹❤️.
بوراك تركي 3كاس فرينة .ملح.كاس ماء لطم العجينة نعجنوها مليح ولازم نطموها على اليابس باسكو كي نديروها في كيس تريح تطلق روحها . الحشو حبة بصل كبيرة.و3ربطات سلق ملح.فلفل اسود ونخلوهم يتقلاو .كي يذبال السلق نزيدولو داند اشي حق 200دج. نقسمو العجينة لكريات متوسطة بعدما شكلاهم نرش الفرينة ونفتح الكريات ومن جيهة نذوب الزبدة ونزيدلها الزيت يكون كتر من الزبدة ونفتحو الكريات وبين كل طبقة ندهنو الكريات ونخلوها تريح 10دقائق فقط ومبعد نحكمو بالحبة حتى تبان طاولة العمل ونرش شوية زبدة ومبعد لفاغس لي تكون ناشفة وباردة ونلويها كيما المحنشة ونكملوهم كامل بنفس الطريقة بعد مانكملوهم ندهنوهم بالزبدة والزيت وندخلوهم للفرن
جربت تحلية بالفلان كاراميل قبيل شكل ديالها شباب مي البنة وراء الفطور نذوق و نقلكم ديرولي جام مبعد نولي يعطيك الصحة زهرة على كل الوصفات و المحتوى الرائع لي تقدمي فيه ايه صح وحد سخانة لبارح واش نقلك نهار كامل وانا برا و زدت جيت نوجد لفطور الله المستعان ربي يقدرنا والله صعيبة خدامة في دار و برا و صايمة .
عندي بزاف مكومونتيتش بصح ديما نشوف ل فيديو تاعك متتبعة قديمة وليتيلي ادمان وملي بدا رمضان درتينا ل فيديو هبال يعطيك الصحة وأسومة مهيش تبان نشالله تكون مليحة توحشتها
فهاد العواشير إن شاء الله لي مزال مارزقهاش ربي الاولاد ربي يعمر حجرك ولي مزال ما زوجتش ربي يرزقها بالزوج الصالح ولي مريض ربي يشافيه و لي في قلبها سكنة ربي يرزقك سكن ولي راجلها مش خدام ربي يفرج عليه ربي يحفضكم أبوني خواتاتي لعزاز وربي يعطيكم واش تتمناو يارب العالمين في ميزان حسناتكم
يعطيك الصحة يا الفحلة 💯راك فكرتيني في البوراك التركي جربتو ڨداه من مرة من درتيه واحد العام😋 وصفة جد رااائعة مقرمش و خفييف❤️جربوه مش راح تندمو و الحشو ديري وش تحبي بالدجاج،او لحم مفروم،،،الخ
يعطيك الصحة زهرتي كل فيديوهات رمضان درتيهم يهبببلو الله يبارك فيك خيتي العزيزة نموت عليك قلبك صافي واللي يحبو ربي يحبب فيه خلقو ولهذا نطلب منك تدعي معايا ربي سبحانو ينجح ابني في دراسته ويرزق أختي زوج صالح وربي يسلكك على خير حبيبتي
حبيبتي زهرة اليوم درتلهم البوراك التركي لدرتيه جاء يهبل يدوب فاليد قبل الفم هبلو عليه ولادي وراجلي يعطيك الصحة تسلم يداكي حبيبتي ❤️ ربي يسلك وحلك ان شاء الله 😘😘😘
يعطيك الصحة حبيبتي و مرحبااا بيكم خياتي عندي راني دايرة بوراك التونة بالبسباس و بوراك اللحم بالبطاطا....و لعشاق المخبوزات نصيحة خياتي تفيدكم في رمضان بخصوص البيتزا انا نطيب بزاااف المخبوزات خصوصا البيتزا بكري كيما كانتش عندي الكوشة كنت نديرها في الطابونة في الطاجين تع الطين و كي كسبت فورنو صغير و ليت نديرها في المقلة من بعد الحمد لله و ليت نديرها في الكوشة نحب نعملها بالسميد اكثر كيما زمان و مرات بالفرينة السمراء او القمح او الشعير ...نحب نعجنها بالماء و الحليب او الماء و اللبن او الماء و اللحظة تجي خفيفة و تحمار بلون شباب و كي تكون بالفرينة ندير زوج مغارف برك زيت الزيتون تجي تهبببل و نحب نديرها بالعجينة البايتة تخمر كي البالون ..و التون و الانشوقة نخدمهم في الدار راهو قريب وقتهم يرخاسو نشري قيس عام ...و صلصة الطماطم نخدمها فيس عام و نحطها نصفها في المجمد و نصفها في الثلاجة في علب زجاجية...البيتزا. هي معشوقتنا في الدار خصوصا ابني المتوحد و ماتنساونيش خياتي بالدعاء لابي بالرحمة و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش ديول محلبي قطايف قلب اللوز مطلوع بيتزا كوكا عجينة مورقة طاجين الحلو غراتان تحليات عصاءر مخبوزات مملحات بريوشات بعدة اذواق كيش جوازات و طواجن
بصحتكم زهرة الله يبارك. راكي قايمة مراة ونص .انا عندي ثلاثة سنين زواج عييت وكرهت داري مش مقيومة استوديو قديم وغبر كل يوم نسيق وميبانش فيه وزيد مشاكل مع لعجوزة وزيد قلة شي انا كنت صابرة قلت ماعليهش قلة شي يجي لعيد مانتكساش نشري بليغة نتاع خمسين وبالمزية ولهدرا نسكن في بلاصة مقطوعة لخرجة ممنوعة غير كي يجي زوج لحق يخرجني هو خدام بعيد يجي مرة في سمانة وماعنديش دراري كلش ضاق بيا .المشاكل وضيق لخاطر وقلة شي .الحمد الله على كل حال
صح فطورك زهرة 🌹❤🌙يعطيك الصحة حبيبتي على الوصفات المتنوعة واللذيذة 👏🏻👏🏻👏🏻 الله يبارك كل صبع بصنعة حبيبتي خموس عليك😚💋 اممم😋 يشهو وخاصة البوراك التركي😋 نجربو ان شاء الله 🥰
