أنا صراحة كرهت من نفس الروتين أنا قاعدة في الدار عمري 39عندي 20سنة زواج وساكنة مع عجوزتي وشيخي أنا اللي قايمة بشغل الدار كامل وحتى كي نكون مريضة نقوم بالسيف ونطيب ونسيق ولكن جاء النهار اللي فطنت فيه وياريت مافطنتش ولا واحد يعطيلي مصروف نخدم في سبيل الله أنا امرأة نحتاج شحال من حاجة راهم خاصيني عدة اشياء الخاصة بالنساء حتى العطر ماعنديش واللبسة تاع للدار عندي من عام كورونا ماشريتش وخلي نزيد راني مريضة من مفاصلي كامل وراني قاعدة في الدار بدون علاج والله كرهت وأنا نحب نعيش ونلبس ونداوي روحي وراني مانيش قادرة نصبر أكثر من هكا وقلتلهم باراكا مانتعب روح على جالكم وانتوما لا خبر بيا يحبو نخدمهم ببلاش نهار كامل وأنا واقفة في الكوزينة والتسياق وغسيل الملابس لا خرجة لا تحويسة لا والو
ربي يفرج عليك ويقدرك ان شاءالله متكلفيش روحك فوق الطاقة تاعها لايكلف الله نفس فوق وسعها لتقدري عليها اخدميها ولمتقدريش عليها خليها الصحة واعرة ومكانش ليرحمك اذا مرحمتيش روحك وتهليتي فيها حاولي كيفاه تغيري من وضعيتك وتخرجي من هذا الروتين الممل وتقربي لربي سبحانو راح تحسي بواحد الراحة نفسي كبيرة وربي يشافيك ويعافيك عاجلا غير اجلا ويفتح عليك بالفتح المبين 🤲🤲
وفقك الله لما يحب ويرضى ربي يسهلك ويفرحك ويبلغك مبتغاك ويحققلك امانيك حتى ترتوي نصيحة من اختكم والله لا شئ يعادل حفظ القران هو صديقكم هو كل شئ رانا في الصيف متخلوش الوقت يفوت غير هكدا ربي يسهللكم حبيباتي
اهلا وسهلا بيك اختي نورتي بطلتك البهية ❤ ديري الحجامة عليها والعسل الحر مع عرق غريس وخلطيهم مع بعض وكولي صباح قبل الفطور عبري بالمغرف تاع السكر صغير ديري فيها ق شويا وتبعيها لمدة شهر وديري التحليل وشوفي وربي يشافيك ويعافيك 🤲
مساء الخير اختي جميلة وشراكي مشاء الله عليك ربي يحفضك نشاء الله هو صح كل يوم نفس الخدمة الكن نحمدو ربي على نعمت الصحة والعافية رهو كاين ناس مهيش قادر تنوض من الفراش من المرض ياختي حبيت نطلب منك طلب ولي هو تدعيلي انتي وكل المشتركات بالذرية الصالحة