أسفرت وأنورت وأستهلت وأمطرت أختي بدرية تسلم الأيادي صج شكلة مبين حلو ماشالله تبارك الله بكنت بسألج عن اسم القهوة الي تستخدمينها وشكثر احط حق الدلة وشكثر يبيلها تنفاح على النار بعد لان انا ما اشربها صراحة بس اسويها لما تصير عندي بين فترة وفترة بس ما احس اني اظبطها في ناس يحطون قرنفل اوهيل زغفران والحين الحين يحطون شوي حليب مبخر انا ما احب الخرابيط بس احس ان القهوة السعودية لها ناسها وأهلها شكلها وطعمها من ايدينكم شي ثاني 😅ك
حلو يابدور فكرة الايسكريم بس اظن مل المكونات اللي معه حاليه فلو اضفتي مثلا ليمون عشان الحموظة تقطع نكهة الحلاوة اونوتلا او كاوكا او نسكافيه او توت اوتانج او فيمتو اواي اضافات عشان الوالدة .. وقطعي قطع صغيرة مربعات بدون اي شي وحطيها بصحن وعطيها الوالد والدة ياكلونها بدون اي اضافات تراى الكبار مايحبون الاضافات😢 وبالنسبة للتفريز تقدرين تفرزنيها بعلب قوالب الثلج فيه قوالب حلوات لها غطاء عشان ماتكون مكشوفة بالثلاجة او عادي حطي بقوالب الثلج وبالعافية عليكم
