تسلمي يا نادية علي الجولات المفيدة دي انا متابعة جديدة ليكي وحبيتك جدا كنت عايزة بعد اذنك ازاي بالتفصيل اوصل لممر ابو شبيكة عند ياسر تقريبا اللي بيبيع ملايات وفوط خرج فنادق ياريت علشان عايزه اروح ضرورى انا عارفه اوصل لحد ممر مول ممشي مصر بعد كده اروح فين؟
تسلمى ونورتينى ادخلى فى الشارع اللى فيه مول ممشى مصر وامشى على شماللك بعد ماتخلصيه هاتلاقى مدارس على اليمين كملى مشى لغايه لما يقابلك اول شارع على الشمال ادخلى فيه اسمه شارع الوكاله أمشى فى الشارع شويه صغيرين جدا هايقابلك فرش ابو عمار
انا ما اشتريتش ساعات من الوكاله بس فى فرشه ام يوسف فى شارع المطبعه الاهليه وفى فرشه فى شارع زكى السماك امام قهوه الملاح بعد كشرى السلطان ابو العلا والفرشتين يوم الاحد بس
نصيحه لوجه الله تعالي اوعوا حد يشتري اي كريمات او برفنات من الوكاله او من علي الرصيف الحاجات دي ياجماعه مش اصليه واغلبها منتهي الصلاحيه انا شوفت فيديو عن ام اسلام في الوكاله بتبيع بردو حاجات زي كده ونزلت اشتريت منها برفنات وكريمات عملولي حساسيه واعت شهور بتعالج حجتهم منتهية الصلاحيه والبرفنات دي مش اصليه وكل الكلام ده اونطه ياجماعه متخلوش اي حاجه تلمس جسمكوا وانتو مش متاكدين من مصدرها وحسبيا الله ونعمه الوكيل في كل حد بياذي غير ه عشان الفلوس
هو لو حضرتك بتشوفي كويس المنتج الي بتعرضهالنا هتلاقي ان كل المنتجات من غير علب الي اصلا بيكون عليها التاريخ والبرفنات عملينلها اعادة تعبءه انا غلطتي اني اخت كلامك بثقه ونزلت اشتريت منها
@loloporyo399 انتى اول مره تدخلى عندى علشان كل متابعينى بيروحوا يشترو من اى فرشه بصورها لانى بكون متأكده منها وبعدين ماصورتش مع حد اسمه ام اسلام للميكب على فكره او منتجات العنايه