جيت من تتر مسلسل خان الذهب بعد ما سمعتها بصوت بنته رحمه 😍🔥 البنت ورثت من أبوها الشجن والحنيه والإحساس سبحان الله صدق اللي خلف ما مات 🙏🏻 الله يرحم رياض أحمد ويطول بعمر بنته المبدعه رحمه ♥️♥️
وعيت ع الدنيا على عمالقة الطرب العراقي واساطينه، رياض أحمد، ياس خضر، فؤاد سالم، سعدون جابر، قحطان العطار، حميد منصور، محمود أنور وغيرهم الكثير.... أين كنا واين صرنا.. كنت تلفت لأي جهة تجد الإبداع العراقي..
الي ماسمعك تغني ماسمع غنى عراقي .الله يرحمك رياض احمد اتذكر صغير من مات واخوي وعمي بجو عليه ذاعو بالراديو وفاته .من الانبار تحياتنا للفيحاء البصره وكل محافضات العراق
هاي الحفلة بوقتها شفتها بث مباشر.. وثاني يوم أحچي لإخوتي عنها وأگوللهم احلى حفلة بالمهرجان ذيچ السنة.. وفعلاً كانت اجمل حفلة بالمهرجان واحلى حفلة لرياض احمد وبعدها بفترة قصيرة توفى الله يرحمه.. لذلك سموها حفلة الوداع الأخير
ابو رحمة .الفنان العراقي الوحيد الحافظ ع اللون العراقي ولم ينتزع عراقيتة وبقي يتعكز ع هذا الارث الذي نقش بذاكرة العراقيين ..لروحك الرحمة والسلام الابدي رياض احمد
غناها الراحل رياض بشكل سريع حفاظا على مشاعر العراقيين وقتها حيث كانت اغلب الاسر قد فقدت احد ابناءها بالحرب المفروضه مع ايران ولو غناها كموال كما غنتها ابنته لاحقا لاصبح المسرح هذا مناحه وعزاء حقيقي رحم الله شهداء العراق (خصوصا مقطع خويه اني اطلبك دين )😢
@@iboali9994انت تعبان نفسيا تعالج والله كلشي راح بوكتو محد يكول لبني حامض على كولت المرحوم طارق عزيز عجل يابة رئيسك القايد اعترف بحلكو كال ورطونا العرب مع الجارة الطيبة إيران وانعل ابو إيران لابو اللي يحبها لابو دول الخليج لابو تركيا وكل جيران العراق نغولة وطامعين ويمشون على مصلحتهم وبعدين ضربوه دبة إيران لرءيسك اخذو ١٣٥ طيارة عصو بيهم شكد مضحكة الله يرحمو ويرحمنا وهو أرحم الراحمين
اقسم بالله اني يوميأ أسمع رياض أحمد وخاصتآ وقت مغيب الشمس تقتلني الحسره وابكي بصمت احن الى وطني واهلي ومدينتي واصدقائي الله يلعن الغربه الغريب العراقي مر من هنا من أرض الغربه السويد
الاغنية احبها واسمعها من زمان من كنت صغير كان والدي الله يرحمه يحبه ويشغلها ويسمعها بالمسجل كان كل اغاني رياض يجيبهن بالڪاسيت ربي يرحمك والدي كل مااسمعها اتذكره ودموعي تنزل💔🥺
مطربين السبعينيات والثمانينات أسطورة أصواتهم كانت فيها الحنية والحب لم يأتي مثلهم مستحيل انا من اسمع اغاني ياس خضر وحميد منصور ورياض احمد وسعدون جابر وصلاح عبد الغفور وحسين نعمه وفؤاد سالم ورضا الخياط والله العظيم اتألم وأبكي واذكر ذيك السنوات الحلوه والناس الطيبة كانت سنوات خير رغم وجود حكم دكتاتوري وظالم ولكن الشعب كان شعب طيب وأهل محنه
انا قبل قليل سمعتها بصوت ابنته الرائعة افرحتني كثيرا لكن انا اشتاق اسمعها بصوت الراحل الكبير رياض لانه يبكيني حين اسمعها بصوته وافرح حين اسمعها بصوت ابنته الرائعة
هاي الاغنية كنت انا حاضر بيها في مهرجان بابل كان عمري ١٤ سنة كلما اسمعة دموعي تأخذني للعراق اوف دارت الدنيا وكبرنة وانا اليوم طبيب الحمد لله على كل حال ذكريات جميلة زمان الخير والناس الطيبة مع الاسف ضاع كلشي وضاع العراق وخلصنة عمرنة بالغربة صار ٢٠ سنة مشايف العراق العظيم
نفس كلمات بسبس ميو ويمه كرصتني العكربه...... كون صخونه لهل همج اليسمون انفسهم مطربين..... أنته خالد بذاكره أصحاب الذوق الرفيع يارياض احمد .... العجيلي مر من هنا يوم 11 . . 7.. 2019
فرقة تعزف بشكل اسطوري..... لحن عراقي اصيل مميز والدف يهلهل انه دف عراقي فلايمكن تزويره او استنساخه ابدا هذا هو الفن العراقي حيث الكلمة خلفها لون موسيقي سومري بابلي لايمكن اجادته سوى من اهل العراق فقط
الطرب العراقي القديم لا يوجد مثله ابدا شهادة حق يدخل القلب صوت وكلمات وحزن وتذكرك باللي بكل شي فهنيئا لكم يا اهل بلاد الرافدين والنهرين ونعم الرجال اهل فزعه وغيره لكل الناس ونسائهم ماجدات خلفن رحال صناديد وهذه كلمة حق وملزوم ان اقولها للملاء اخوكم /عبدالعزيز ابو سعود الشمري
اخويه بسبب زوجته تعارك وياييي وسبني كدامها ومن بعدها ماشفته من سنة2022وكلما اسمع هل اغنيه اموت قهر بالرغم هوه ميذكرني ولا يدري بيه وين عايشه وويامن ومنو ورا ضهري يحميني لان اتوفى واحنه زعلانين من بعض ومات ومالحكت ابوسه واشبع منه هوه الي بقالي من بعد اهلي مااكول غير الله يرحمه ويسامحه دنيا واخره لا تتمشكلون ويا اخوانكم ترا الايام سريعه وتاخذهم منكم
خويه أنا طلبك دين كوم اطني ديني يا هل البخت قدرو نوحي ونيني سمعتها من رحمة وهسا سمعتها من أبوها مبدع الله يرحمه عملاق الفن العراقي الأصيل 🙏🏻 تحية من دمشق سوريا لشعب العراق العظيم سوراقيين ❤❤❤
الهي رحمتك لرياض احمد واسعة هالانسان صح شرب و غنى بس من ظيمه و ظيم مدينته البصرة ، الف رحمه و نور عليك رياض احمد ابو النفس الطيبه و الاحساس و الاخلاق كل الناس تحبه رياض العراق كله بجى على فراقك .
الله الله بعد سنتين يا استاذ رياض وغنت بنتك هالاغنية تتر لمسلسل رمضاني .. واعادت احيائها .. لكن كذب اكو مثل أصالة صوتك .. الله ينور عليك قبرك يا غالي ♥️♥️♥️
يااخي محد كال لا واكو اضرب من صوتة يوسف عمر وناظم الغزالي والاصوات النسائية لميعة توفيق وزهور حسبن و وحيدة همه لوموا اصواتهم اشلون صاروا مطربي وقبلهم الجمهور
اسمعها من سنوات بصوت رياض أحمد گلبي يوجعني من اسمعها وارتاح بأذيته ذاك الشعور اللي يخليك بحسرة حتى لو بلغت ٨٠ سنه انت بنفس اللوعه والحزن أنو صادفت الشخص بحياتك اللي ممكن تعوف الدنيا والعالم علمودة بس تصيرلك ضروف تجبرك تتركه وتزوج شخص غيرة هاي اللوعه ماممكن يجي يوم وتشفى لأن اكو شيء انبتر بقلبك شماتحاول تسد هالشي او تغطي عليه او تتضاهر بالنسبان لابد تتذكر بكلمه او موقف معاكس يصيرلك بالحاضر وصادفك بالماضي برد اجمل واحن لمن بالوقت الحاضر تعيش مسؤليات م زوجه فقط مجبرة امارس الحياة واتقبلها الحياة المفروضه مو اللي أتمناها اما بالماضي صديقه وحبيبه وطفله مدللة وحنية بكل كلمه وحدث انكسار مو طبيعي حزن يفوق الوصف أسأل الله أن يشفي قلبي حتى اگدر اكمل هالحياة ولأن العمر مرة ندامه هالعمر يخلص ندامه
و شنو ذنب زوجتك الحالية و انت بعدك تفكر بالحب القديم؟ تقبل لو زوجتك جانت بعدها تفكر بالحب اول؟ كلنا حبينا بس من نزوج حياتنا تكون حاضر مانعيش بالماضي! لازم كل تفكيرك يكون بزوجتك و اولادك , او تعتبر خيانة بحقك و بحقك عائلتك. لو الحب اول جان نصيبك جانت صارت! بس مو نصيبك. يمكن لو تعامل زوجتك الحالية مثل الصديقة و الطفلة المدللة و الخ راح تحس بحبها اكثر. المراة تحس من زوجها يفكر بغيرها يعني ما الومها اذا تكون قاسية وياك. سلامي الك.