اولا بعتذر عن التأخير في الرد ثانيا غيرته من الشركه نفسها لأنها عيوب صناعه ملهاش حلول وده حصل خلال ال ١٤ يوم القانونين من تاريخ الشراء اللي هما اصلا فتره استبدال أو استرجاع لو فيه عيب
بعد اذنك الشواية وقت الاستخدام الباب بيكون مغلق ولا مفتوح وبنسبه للمروحه فيه 2 واحدة للتبريد والتانيه لتوزيع الحرارة ولا واحدة بس ؟ ومعلش اخر سؤال حته ان الشوايه والفرن بزرار واحد دى حاجه كويسه ولا لا ماثرة عى حضرتك فى الشغل وهو بطىء ولا لا والكلاسيك دى مشكلة فى النوع نفسه ولا الافضل نجيب زى اللى عند حضرتك ارجووووو الرد
الباب بيكون مغلق وقت استخدام الشوايه.. فيه مروحه تبريد ومروحة توزيع حراره.. مفيش اي مشكله ان في زرار واحد لأننا في العادي مش بنحتاج الشوايه غير في التحمير مش في التسويه...يعني مش هتحتاجي تشغليها غير بعد ماتسوي الاكله عشان تتحمر نوع كلاسيكا اقل من موديرنا..موديرنا اعلي حاجه
اي فرن لازم يسخن كويس قبل عمل اي وصفه قبلها بربع ساعه تقريبا وتحددي درجه الحرارة حسب نوع الصنف اللي بتعمليه وعامة للمخبوزات مش بتزيد عن رقم ٦ ويفضل تشغلي مروحة الفرن أثناء الخبز
هو البوتجاز عامل معاكي ايه دلوقتي هو فعلآ ناره هاديه ولا ايه وهل بيسخن اوي ونار الشوايه نظامها ايه ولاقيتي فيه عيوب ولا لا؟ ارجو تفيديني لان عاوزه اجيبه لجهازي🙏🙏
ناره عاليه وكويسه جدا وبتسخن بسرعه الشوايه هي اللي نارها هاديه شويه لكن بتحمر الأكل كويس مفيهاش مشكله خالص ومفيش عيوب غير اللي ذكرتها في الفيديو ... ربنا يتملك على خير ياحبيبتي
الصوت عالي بزيادة فعلاً للعيون لما بتكون مفتوحة على العالي . . وكلمتهم مرتين وفي المرتين جم ولكن معملوش حاجة . . أول مرة بعتوا فني صيانة وقال عادي وتاني مرة بعتوا ٢ مهندسين دعم فني ومعاهم فني صيانة وواحد من المهندسين قاللي في آخر الزيارة إن الصوت فعلا عالي شوية بس مفيش حاجة ممكن يعملوها لإنهم جربوا يعملوا كذا حاجة ولكن الصوت برضه لسه عالي . . ده غير إن العين الكبيرة بتعمل صفارة مستمرة لما بتكون واطية .
ربنا يبارك لك فيه و يديكي خيره و يكفيكي شره .. انا عاوزة اشتري بوتاجاز ٤ عيون ، و لفت نظري ان افضل خامات هو لاجيرمانيا ، هل الازاز في باب الفرن بيسخن قوي و لا سخونة محتملة ؟ عشان عندي بيبي خايفة عليه لو حط ايده .. و هل الامان علّق في مرة او ما فصلش الغاز لو الشعلة طفت سواء عين او فرن ؟
@@nevenserwany4952 انا اتصلت بخدمة العملاء و جاء واحد من الشركة نفسها و ضبطه كالعادة فى البوتجازات الجديدة ، الامان مش متوصل كويس بس هو كبتوجاز عادى زى القديم اللى كان عندى
مش متأكده من المعلومه فمش هعرف أجاوبك لاني كمان شايلاه مستخدمتوش لكن هجاوبك بناء علي خبرتي...اكيد لأ لأن وارد ان المياه تيجي عليه وهو سخن وهما عاملين حساب حاجه زي ده وغالبا هو مش بايركس هو زجاج حراري زي قزاز الفرن كده
تعديل * تم استبدال البوتاحاز بعد فحص لحنة خماية المستهلك اشتريت البوتاجاز ده و بيسخن جدا جدا من الاجناب. فني الصيانه كشف عليه وقالي مش طبيعي يسخن كده لكن لما رجع لمديره كتب التقرير على السيستم ان السخونة طبيعيه. اشتريت البوتاجتز من معرض رزق الله الموافق يغيره بتقرير الفني و الشركة مش بتطلع تقرير ليا مستنيه اشوف لو هيرضوا يبعتوه لرزق الله ولا لاء. البوتاجاز وصلني بخبطات في للظهر و الاجناب و السطح ما شفتهاش غير بعد ما شيلت اللزق الازرق.
طب لو سمحت عايزه اسال سؤال انا عندي بوتجاز يونيفرسال بس لما اجي اقلي متلا الاقي حته من الاستانلس يتحرق وتنضيفه صعب اوي هل عندك كده ولا لما بتغسليه بينضف علي طول
دي عادة بتبقي مشكله في نوع الاستانلس ودرجة توزيع الحراره من الفونيه تحت الصاج العلوي يعني غي المجمل لو المشكله دي موجوده يبقي عيب تصنيع والحل الاستخدام القليل للعين اللي بيحصل فيها كده وتنضيفها بإستمرار وانا بستخدم ملمع الزجاج بينضفه بسرعه
السيلز اللي في المعرض بيبقوا عارفين الموديلات واستحاله يضحكوا عليكي ويغشوكي اذا كان مصري او ايطالي ولو بيعمل صوت يبقي شوفي موديل تاني وممكن يكون عشان في العرض واتهلك
لأ....ده مش بيحصل لأن الباب بيقفل هيدروليك فبيقلل سرعة الهوا الداخل....هو مش زي الافران التانيه اللي اول ماالباب يقفل النار بتطفي بسبب الهوا الداخل مع قفلة الباب
هي دي مشكله تصنيع في الجهاز وغالبا ملهاش حل عندهم بس استعملي منظف الزجاج بعد كل يوم هينضف ويخليه بيلمع وحاولي متخليش الدهون تتراكم عشان يبقي اسهلك في التنضيف
يعني هل فعلا بوتاجازات لاجيرمانيا حلوة لان ناس كانت بتقول انه سطحه بيصفر وان الامان مبيشتغلش كويس يطفي نار بس مش غاز وفي قالوا ان ازازه فرقع لوحده وكلموا الشركه والشركه قالت الازاز برة الضمان وكان غالي بالف وشويه لبوتاجاز اربعه عيون
لان انا محتارة وانا عايزة بوتاجاز كويس خامته حلوة تعيش وتكون من شركه كويسه بس خفت من الكلام ال عليه مع ان كل الفيديوهات بتقول ان لاجيرمانيا انضف بوتاحاز في السوق كجوده وخامه
وممكن اعرف حضرتك كنتي شاريه البوتاجازات القديمه الكلاسيكا من العربي نفسهم ولا من محلات عاديه زي بي تك وكده وهل لو اشتريت من محل برة العربي وطلع فيه مشكله مش هيرضوا ياخدوة واغيرة زي حضرتك كده
لو سمحتي كنت هاوزة اسال علي حاجه تانيه انا شفت فيديو كانت بتقول علي البوتاجاز الكلاسيكا ان الشوايه مش بتشتغل غير لما الفرن يطفي ويبرد بعد ربع ساعه او نص ساعه وبعد كده تشتغل غير كده مش بتشتغل هل هو كان كده معاكي وهل المودرنا دلوقتي كده برده وشكرا لحضرتك
@@salmaayman6327 البوتجاز كويس مقارنة بالأجهزة اللي في السوق وسطحه بيصفر فعلا لو الفرن شغال وقت طويل ومعاه العين من فوق واشتريه من اي مكان بس لازم شهادة الضمان تكون معاه عشان يتفعل من العربي
