بمناسبة زواج
فهد بن فصلا
كلمات
سيف بن سمران
أداء
فالح بن فصلا
جفران بن هضبان
شبل الدواسر
…
للتواصل والاستفسارات :
الحسابات الرسمية لـ قناة ابو يعقوب .
Official Whatsapp :
api.whatsapp.c...
…
------
بعد ماصلي على محمد وآله
وتعوّذ من ابليس ومن عشيره
اشرب الفنجال واكب البياله
وابتدي قافً يطيبكم عبيره
ماكتبت الشعر ابعده جماله
شاعرً شعره يقوله من ضميره
امدح الطيب ولا امدح رياله
لو ماعنده غير مركاه وحصيره
روسنا مليانةً عز ونباله
والبطون تسدها قطعة فطيره
ماابي جيبً جديد من الوكاله
وماابي لي فلةً وسط الجزيره
ماابي الا صاحبً ماابغى بداله
واحد ويسوى له بعيني عشيره
ذاخره في هالزمن مثل الكفاله
وانا له سيفً ماخلاه بجفيره
اعرض بيمناه لا صارت سهاله
وافني اخصامه ليا جاته مْغيره
فهد ابن فصلا هذا اسمً لحاله
لو تقولون انتم الاسماء كثيره
والنعم يستاهله اللي يناله
بس فهد فهد فهد يتعب نظيره
بالقبول وبالوقار وبالبساله
وبالجناب السمح والكف الغزيره
من كثر مايعطي من حاله وماله
الغناوي يحسب ان يدّه فقيره
لا تلوموني وهذي من خصاله
طيب راس وطيب كف وطيب سيره
راس قومً كل مااللازم بدا له
انْعرف فعله قبل نسمع زئيره
من تواضع هامته ماشاف حاله
ومايدور للفلاش و للمسيره
اختصر حفله على عمه وخاله
مايبي يخطف حشود المستديره
يدري لو يحط في الواتس اب حاله
والله ان ياتون له من كل ديره
كل طيّب في البسيطه بيعناله
لاجل ابن فصلا يبي يشعب بعيره
من بني هاجر مداهيل الجزاله
من كرمهم تبصر العين الضريره
طالةً مافوقها في الناس طاله
في ذرى هيبتهم تطول القصيره
من نصاهم والله ان العز فاله
كل عسره عندهم تصبح يسيره
لو حداهم يرتكي للحمل شاله
وان وقف ينطح له جموعً غفيره
ياجميع الناس انا عندي رساله
بيت واحد والله ان مااقول غيره
من يبي يقضي العمر ساله وداله
يايخاوي هاجري او يستجيره
25 авг 2024
