والله بكيتيني هاذ اليومين راني فمحنة زوج كان خدام عند خوه وخرجو من خدمة نفسيتي محطمة ونطلع ونهبط ونخمم ربي يفرج على كل وحدة متابعة وفية من 🇩🇿تحية طييبة لكل امرأة تكافح
ماشاء الله تبارك الرحمان على خالتنا فاطمة الله اعطيك الصحة قصة زوينة كنتمنا نكون بحالك امرأة ناجحة شكرا اختي اسماء على المجهودات ديالك احبك في الله❤❤❤❤
@@fatimaZahra-lk2wt الله يرضي عليك ابنتي لعودات اسماء غي الزوين تقريبا كن تشوفو شنو دوزنا من العذاب ولكن العزيمة ويلمنقدتيش راسك مكانش لديها فيك ولا يحس بيك
والله الى بكيت اختي اسماء ملي سمعت هاد القصة وخصوصا ملي وصلتي شرات دار ومحل وتفاجؤ زوجها والله حسيت بواحد الفرحة كاني انا اللي فهاد الموقف واللهم ادمها نعمة عليها وعلى المسلمين
@@aeraniverse أنا ماقلت أنهم ملائكة لكن فيهم التضامن مع بعضهم أكثر منا،مثل بسيط أنهم يدمجون ذوي الحاجات الخاصة... في العمل والدراسة ويشجعون أصحاب المواهب حتى ولو كانوا مرضى نفسانيين ليصبحوا أفراد صالحين في المجتمع،في حين نحن أغلبنا لا يهتم لهذه الشريحة من الناس ويتم تهميشهم والاستخفاف بهم مما يزيد معاناتهم ومرضهم
ختي رآه انا عندي ثلاث اطفال مطلقة رآه اختي ربي مادام وقف عليك الرزق وقللو الا لانه غايفرجها عليك من واسع وهذا غير سبب من الله انك تنوضي تحركي باش يفيض عليك خيره والله عن يقين انا مثلك وفي بلاد الغربة لا من يمد يد المساعدة الا من الله
نتي كتعاودي يا أسماء وانا أبكي لأني فرحتلها وكأن هاد السيدة كنعرفها وكأن هاد القصة يالاه جديدة الله يباركلها فرزقها واولادها وفصحتها فرحانة ليها وكأني انا هي ربي يحفظك لالة فاطمة
عجبتني القصة اليوم فعلا والله باغة نعاون راسي من داري وانا مقابلة بنياتي وكنتقن بزاف اشكال الحلويات والمخبوزات ولكن معنديش الكليان فأنا من هاظ المنبر ديال قناة الأخت اسماء كنكلب من المتابعات ديالها لي معندوش الوقت ويبغي يكون ديال الدار ونقي يتواصل معاية انا كنسكن في الرباط حي النهضة واستسمح عن الاطالة وجزاكم الله خيرا
حتى انا عندي طموح نعمل مشروع خاص بيا من داري وعندي محل زوجي ولكن انا كانشوف الوقت غير مناسب حيت عندي وليدات صغار ومشروعي الان هو وليداتي كانتمنى شي نهار ربي يرزقني من واسع فضلو ونحقق حلمي ونمشي نحج بيت الله الحرام لهلا يحرمنا من داك المقام
حتى أنا راجلي مخلانيش بغيت ندير بيجمات غير من دار كالي تشوهيني بشراوط حيت هو معروف فالمدينة ألي حنا فيها وأنا مبغيتش نبقى كالسة ودابا بديت كندير ليطارط حيت كيعجبوني كنلقى راسي فيهم ودرت فورماسيو عن بعد دعيو معيا❤
@@بشيريحيى-ق2ثبفضل الله انا عندي مشروعي الخاص ودرت ديال الاكل وردت طموبيل وكبرت 3 الاولاد وحدي بجد الله ورسلت بنتي ايطاليا من بعد ما تخلا اولادي ذكور كنقري فيهم دب من بعد ما تخلا علينا باهم 10 سنين لا حس لا خبر ومشا مع وحدة خرا انا دب كنطور فمشروعي بشوية ومستقرة انا اوليداتي لله الحمد كل مرة كنفكر ندير قناة ومكنزعمش باش تحفز اي وحدة طلقات ولا تخلا عليها الزوج او العاءلة
قصتي تشبه قصة هذه السيدة الى حد كبير انا بعد توقفي عن العمل في احدى الشركات ساءت احوالي المادية وشكون حالي للخلق سبحانه ،وبالصدفة ساعدت احد أبناء الجيران على القراءة والكتابة في أيام قليلة فتحسن مستواه الدراسي ثم كانت انطلاقتي ومن منزلي كنت اقدم دروس الدعم والتقوية وامام ذهول الجميع اشتريت منزلا ،
دعيو معيا حتى أنا الله يرحم ليكم الوالدين ربي يسهل عليا راه ضقت بيا 😢😢حتى أنا ساكن مع العائلة رجلي ولا خدمة ولا حياة عيشين .....دعوة الغريب مستجاب باذن الله
اختي الحبيبة بغيت شي موضوع ديال حسن تدبير مدخول راجلي على قد الحال ونا مكنعرفش نصرف وبحكم خدمتو بعيدة حاط ليا كلشي في يدي ونا مبلية بسقاطة بحال شي بنيتة صغيرة وخا نطيب فالدار كنشري حتى من زنقة وديما كنتسلف ماشي كنوفر
فلوس السقاطة تشري لك دار ههههه فيها يمشيو لفلوس وختا الكسوة كل مرة شريويطة لبسي لي عندك مرة مرة تهلاي فراسك وخلي عليك ماكلة الزنقة كولي اكل صحي تربحي صحتك وفلوسك
فتحي رقم حساب فلابوست كل شهر حطي مبلغ واخة بسيط وتزيري مع الباقي حتا يوصل الشهر حتا تلقاي مبلغ تجمع لك ونسايه مشي غي تتزيري تجبديه وديري دارت مع ناس معقولة واخة غي 50 درهم فشهر
امرأة تحب الخير وتزرع الخير ترسل البسمة والامل امرأة يسرك السماع اليها شكرا يا سيدة احببناها في الله تقدمي وسيري كان الله في عونك يا ابنت المغرب الحبيب حفظ الله كل بلاد المسلمين تحية طيبة من اعماق تونس 🇹🇳 الخضراء
قصتي تشبه قصة هذه السيدة الى حد كبير انا بعد توقفي عن العمل في احدى الشركات ساءت احوالي المادية وشكون حالي للخلق سبحانه ،وبالصدفة ساعدت احد أبناء الجيران على القراءة والكتابة في أيام قليلة فتحسن مستواه الدراسي ثم كانت انطلاقتي ومن منزلي كنت اقدم دروس الدعم والتقوية وامام ذهول الجميع اشتريت منزلا ،
قصة زوينة ومفيدة ماشاء الله ذكرتي أختي وقلتي ان المرأة تحقق أحلامها ولكن كاين شي ازواج ميشجعوش المرأة أنا عايشة فاسبانيا ومكنتش نلقى خدمة حيت زوجي مكيخلينيش نخدم خارج البيت وحتى منين بغيت نكون راسي من داخل البيت عكسلي الأمر ومبغاش وكيعجبو يضيع الفلوس على الأكل والشرب ويرسل لوالديه الفلوس لدرجة ان فالعطلة متنلقاوش باش نسافرو للمغرب وكيضطر يمشي يسلف منكذبش عليك أختي شحال راني مضغوطة بزاف بزاف ملقيتش باش نمشي نشوف قبر الأم ديالي الي ماتت وماحضرتلهاش للجنازة ،،،😭😭😭واحد النهار كنت كنتفرج الفيديوهات ديالك لتتشجعينا فيهم نحققو النجاحات ديالننا وبديت كنوفر ونخبي واحد النهار الحمقاء انا صارحتو قلتلو شوف راني كنحاول نوفر شوية نونو مستقبلنا صافي داكشي لي سمع قالي مزيان فالغد لقيتو هز الفلوس ومشا يطلب بيهم التجمع العائلي لباباه منكذبش عليك حسيت بواحد القهرة لدرجة قالي فلوسي هادوك ندير بيهم مابغيت المهم كيف قالت هاد المرأة الله يحفظها الله يجيب الفرج من عنده
لكل من اراد التغيير والراحة النفسية .ادعوكم للاستماع لدروس الشيخ الدكتور فريد الانصاري وقراءة كتبه.رحمه الله .حي بالخير الذي قدمه للامة المسلمة جزاه الله خير الجزاء وجمعنا به في الفردوس الاعلى .
جزاكم الله خيرا ورزقكم من خيري الدنيا والآخرة إدعولي بشفاء إبنتي الحبيبة شفاءا لا يغادر سقما ويفتح عليها فتحا مبينا ويقر عيني بها ويشفي جميع المسلمين وصل اللهم وسلم وبارك على سيدنا محمد وعلى آله وصحبه أجمعين ❤
,شفتي واخا كلشي هدشي راه لوكان مشي ديك السيدة لي فطرت عندهم عمرها كانت غتبدل حياتها يعني واخا تكوني مدبرة وعاقلة وماعرفت اشنو الا مجاتكش الفرصة مغدير والو
أما نشوف بلي كلنا ربي يعطينا فرصة في الحياة وكاين اللي يستغلها وكاين لي يبقا عايش فالعلبة ويخاف يخرج منها كون هي مين جاتها هاديك المرأة وكتافت بالبيع في رمضان فقط وماحاولتش تكمل وبقات جالسة تنتظر مكانتش غادي توصل بعيد ولكنها دارت الأسباب و استغلت الفرصه اللي عطاها ربي
Hia twaklat ala allah ochkatlo,orabbi seftlha sik lmra karisala Bach tabda ,hit twaklat alih whna kayban lotf Allah alkhafi,machi okan majatch Dik lmra okan madart walo ,tawakkol andò timar kayjniha almotawakkil ala allah fa9at❤❤
ونعمه بالله العلي العظيم فعلا صدقتي اختي رتحيت لك وكرهتش نتوصل معاك لكن سمعتك في فديو اخر انكي صافي وقفتي تواصل مع المتتبعات 😂😂وبغيت نقول لك حتى أنا كنت منزل رقمي في الفظيوهات كندير دورة تكوينية مع اخوات في الخاص لكن عييت باقا دبا غير مع اخوات اولين أما الجدد قليل فين نتجاوب معهم ❤❤
بارك الله فيك قصة محفزة وقاع تقريبا نعيشوا نفس ضروف اختنا فاطيمة وننتظر الوقت المناسب باش نحقوا احلامنا ربي يفتح على كل ولية تكسب رزقها بعرق جبينها وتسعى لرضوان الله🤲♥️🤲
قصة فعلا شيقة خلاتني نعود التفكير فحياتي شكرا اختي اسماء ولالة فاطمة على مشاركتنا القصة . ادعو معي بالشفاء العاجل عندي فقر الدم الحاد وديما عيانة بزز تنطيب فالصباح والعشية كلها تنعس وكلشي مأجلاه مع انني عندي قدرات على العمل من المنزل لكن بسبب المرض بقيت واقفة فبلاصتي .
والله الذي جل جلاله حتى نفس قصتي و وضعي لفرق هو انه انا ماخلاونيييش ،وداز لوقت ومشات عكوزتي للعمرة وفي داك الشهر قالي راجلي جربي و ممنوع نهضر في تيليفون ممنوع نخرج ممنوع يجي عندي شي حد ،على طلبيات ،انا وصيت ختي استاذة و وحدة موضفة ، واستاذات وليداتي ،وليت غير تنتسحر ونبدا نطيب والله العظيم مانكذب عليكم حتى كنخرج العجب وداك الشي لفرييع مسمن معمر ملوي قريشلات حريشات حلاوي اشكال وانواع ،خبز القمح وخبز الشعير وبغرير بلخميرة لبلدية لمخامر ،دوزت شهر ديال تمارة ودخلت مبلغ مهم والعجيب هو انه معمرني فت باب الدار ومعمرني هضرت في تيليفون ومعمر شي حد دق بابي ،كلشي بغى يحماق على طيابي وصيبت حلوة العيد وطيبت حفل واحد الحظانة غداء جماعي ،ولاكن ملي رجعت حماتي من العمرة وقعت في احتكاكات ومشاكل واظطريت نحبس ،خصوصا انا ساكنة في لبادية ومتنقدرش على صداع ،وهاذ الشي لي مرضني في نفسيتي وكان فات ليا بعت للأخت اسماء صور للطبخ ديالي عجبها بزاااف ،وانا ولا عندي مرض نفسي ومشكل في رجليا كنحس براسي مكتفة مشيت للطبيب قاليا رجليك راه مشكل نفسي ،وما استسلمتش شيريت آلة خياطة وماخلاونيش نخدم بيها ،انا ماشي واخدة ضور الضحية غير كنقول في بعض الاحيان الكفاح والجهد تيهلك الدات
تبارك الله عليك اختي اسماء شحنتني إنت ألا لة فاطمة بالطاقة الإجابية مكرهتش حتى أنا نعاود ليك قصتي حتى أنا دوزت بزاف أنا كنت مطلقة أعندي بنت أدرت دورتي الحمد لله بوحدي بالتوفيق من الله
ماشاء الله قصة رائعة ،ملهمة ومحفزة أنا قريت وتخرجت بشهادتي عاد تزوجت،ولكن بعد الزواج مبغانيش الزوج نخدم ومكنخرجش بوحدي ولا نتسخر غير من الحانوت،لدرجة 4 سنين وانا مزوجة معارفاش الحانوت فين جا ولكن دبا عام ونص بديت ندير دروس الدعم فداري،وهادي شهرين دبا وصلت 2000 فشهر الحمدالله ومزال نوصل كثر ان شاء الله لكن للاشارة راجلي ممخصصني من والو حمدالله كيخرجني مرة مرة ،غير قنطت مولفتش نكلس ومندير والو
ههههههه فكرتني فراسي والله راه مني كتعول على شي حاجة ديرها انا سيدة جابني راجلي فرنسا مبغانيش نخدم جالسة العام لولة صبرت مع راجل على موقف على رجليه والعام تانية قال فلوس لكاف خليها لك ديري بها ليبغيتي وتخيلي شهور لولين كانت كتجيني 45اورو وشي شهر والو وجات محاسبة صدقت دولة كتسال رجالي 3 ديال مليون وكانو كيقسموا هاد خلصة كل شهر وبقيت كنجمع بشوية ومكنضيعش والحمد الله جمعت 10 مليون الحمد الله وراني مازال على نفس طريق حتى نشري دويرتي ايلا كتاب هاد المبلغ جمعتوا فالمدة 2سنتين فقط الحمد
السلام عليكم الاخوات أنا كنحس بواحد ضيق باغية نخدم ولكن الزوج ديالي مبغاش والو دعيوا معايا أنا ساكنة مع العائله ديالوا و خا برطمة ديالي بوحدي يعني الدار شاركينها 3 بينا حنا و2 لوايسي مهم كولشي فالدار العائلة ولكن أنا ساكنة بوحدي الفوق كنحس بالخنقة محضية خارجة والداخلة المهم ولي زايدني كنقولوا نخدم نعوان غي راسي كيقولي لا وأنا عارفة هدا المدينة فينما درتي عائلتوا تلقايها وهوا مكيرضاش زعما دعيوا معيا وصافي واخا ساكنة ديالي كنطلب من الله شي سكن وسكينة بعيدة على العائلة ديالي وديالوا يا رب العالمين عما قريب يارب يفرجها علينا 😢
السلام عليكم ورحمة الله وبركاته اختي أسماء جزآك الله خيرا يا حبيبتي على النصائح الطبية ديالك، والله تشجعت حتى انا نعمل نفس الفكرة ولاكن كوني متواجدة في اسبانيا قانونيا واش ممكن ؟ شكرا ❤
قانونيا ميمكنش حيت عارفة صونيت نتاع ماكلة خاص رخصة و شروط .اما من دارك مساق حد خبارك ممكن بزاف نسا خدامين ولا شوفي لكزار كيشد خدمة على عيالات بحال مدينتي .
السلام عليكم أختي الكريمة والله عطتيني درس زوين فيه افكار جديده سبحان الله ربي سفطك ليا الله يجعلها في ميزان حسناتك ولا فاطمة قصتها شبيها السكان مع عائلت الزوج حتى أنا متشديد شكراً بزاااف ❤❤❤❤❤
دعواتكم لي أخواتي حتى أنا بدأت أعتمد على نفسي بعد ما خذلوني كل ما ظننت فيهم الخير .متغربة نعم وألبس خماري ومتمسكة بديني أولا وقبل كل شيء ولكن بهذا العمل الجديد وبفضل الله تعالى بدأت أحس بكياني وأنا في بيتي نعم أعمل من داري والحمد والشكر لله والتوكل على الله وحده لاشريك له.
أنا نفس القصة ديال السيدة واخا ماتزوجت بزز ولكن بالضغط لي فالعائلة والصداع والضلم ديال الأب ديالي قررت نتزوج عندي طموحات كبيرة ومهووسة بالتغيير وأني نلقا شي مشروع مربح ولكن ماعنديش الماديات جربت التطريز اليدوي مكانش البيع بزاف جربت نصايب فيلولات وبانضات صنع يدوي جربت الدجاج والحد الآن باقي عندي دجاج والقنية ولكن مكاينش البيض وخصهم العلف وبزاف ودابا الحمد لله عاود بديت مشروع آخر لي هو النقش بديت العيد الكبير أول خلصة 10 آلاف فثلتيام وكانزيد نتعلم باش اكون عندي مصروف نصرف على الدجاج ونزيد نقلب على مشاريع أخرى حيت كيما قلت لك مهوووسة بغيت نجرب نجرب حتا نطيح فشي حاجة لي تكون مربحة الله إجيب التيسير
تعبّر المتحدثة عن الامتنان والإيجابية، وتشجع المشاهدين على تغيير تفكيرهم من أجل حياة أفضل. تشاركنا رحلتها الشخصية في التغلب على التحديات وتحقيق النجاح، بما في ذلك شراء عقارين ومساحة تجارية. يسلط الفيديو الضوء على أهمية احترام الذات والتقدير، وخاصة بالنسبة للنساء اللاتي قد يشعرن بعدم التقدير في أدوارهن. تتحدث المتحدثة عن الطبخ التقليدي وتطور إعداد الطعام، مع التركيز على الإبداع في المطبخ. تدعو المشاهدين إلى مشاركة قصص نجاحهم، وتعزيز الشعور بالمجتمع والدعم بين النساء.
بارك الله فيك يا أختي، و الله القصة مفيدة و لابد أن تكون عبرة و دافع لكل إنسان، ليس فقط للنساء. بينما اسمع للقصة و انا اتخيل نفسي، لاني امر بنفس الحالة التي مرت بها السيدة فاطمة ، صاحبة القصة ، و هي محاولة اثبات الذات ، بعدما وصلت إلى سن ، افكر فيه ، ماهو الذي حققته في حياتي، بعدما كبر أولادي، و وهبت كل وقتي و حياتي لهم .احاول انا ايضا العمل من المنزل ، لاني اعيش في اسبانيا منذ 23 سنة، و فكرة العمل خارج البيت لا يمكن الكلام عنها. اسأل الله ان يرزقني رزقا حلالا و أن ببارك لي فيه 🤲
اختي أسماء الله يجازيك عنا خيرا اليوم نهار كامل وانا كنسمع ليك ملي فقت أنا أم لثلاث أطفال و حاملة و متقلة بزاف كنحس بضهري مقسوم على جوج و مريضة بزاف داري توسخات ولادي كذلك أنا نفسيا مدمرة بزاف راجلي بعيد عليا و الدار كبيرة بزاف عييت و لكن الحمد لله ربي وراني الطريق لقناتك حمستيني نضت نقيت داري و سيقتها و مسحت لعفن واخا غير دقة دقة و عوناتني بنتي عندها سبع سنوات حسيت بواحد الراحة ربي لي عالم بيها كنكتب و كنبكي وخا باقي ليا الزبل في البالكو خاصني نرميه و لكن داري فيها ريحة النقا دعيو معايا ربي يقويني و يعوني راني في الغربة غير بوحدي أنا و وليداتي مع معايا حد من غير الله دابا كنحس براسي مشلل عليا ضهري و لكن وخا هكاك فرحت لله الفضل في هاد الفرحة و من بعدو انتي اختي أسماء شكرا لك بزاف بزاف
الله يوفقك يارب والله يرزقك صحيحتك ويعينك على حياتك كلشي دبا يدوز ويولي غير قصص واستمري ولا تيأسي والله يعافيك ويفكك على خير والدار من كتنقى كتفرح الله يفرحك
كلشي غيفوت اختي غير تهلاي فصحتك و خصوصا نفسيتك دابا تولدي إن شاء الله و ترجعي لشقاك و تنقى دارك، المهم دابا حاولي على راسك حيت باش كتحس الأم كيدوز للجنين سبحان الله
عجباتني القناة ديالك بزااااف و تبارك الله عليك و حتى انا كنضل نصح النساء بنفس نصائحك حيت انا حققت نجاح كبييييير بفضل الله الحمد لله غير من داري مكنخرج بمرة و ناجحة الحمد لله و النجاح المادي بالعكس كيطور حياتك الزوجية اقسم بالله و شكرا لك بزاااااف
تبااركلاه الله عليها انا بديت بحال هاد المشروع في فاس ولكن قليل الكليان ولكن انا بقا متحمسة حيت احساس زوين انك تعولي على راسك الله اسهل علينا اجمعين❤❤❤
اللهم اني ظلمت نفسي ظلما شديدا وان لم تغفر لي وترحمني لاكونن من الظالمين اللهم ارزقنا حسن الخاتمة اللهم صل وسلم وبارك على سيدنا محمد وعلى آله وصحبه الاخيار وسلم تسليما كثيرا اللهم اني ظلمت نفسي ظلما شديدا وان لم تغفر لي وترحمني لاكونن من الظالمين