كنسمع هادشي جاني الاءعصاب اطباء اخر الزمن كيستغل الجهل ديال الناس واش لي فيه السرطان كيفتحوا ليه الله يعطيكم العداب اطباء ولااد الحرام (مشي كلهم كاينين ولااد الناس ) وولكن قلال 😢😢😢
لابد من مسائلة من تسبب في معاناة سي جواد ...لا يمكن ان تمر المسألة مرور الكرام لان هذا معناه الاستخفاف بصحة المواطن ...الله يرحمها المسكينة ماهذه المعاناة؟؟؟ نعم يجب متابعة هؤلاء الأوباش تجار الصحة الله يلعنهم😠😠 ادعوا الصحافة والشعب المغربي اشقاؤنا للوقوف مع هذا الرجل المكلوم....حز في قلبي ما حصل لسي جواد هذا الرجل الطيب ورحمة الله على زوجته....ادعو الصحافة الشريفة ان تتابع أطوار الملف من هيئة الأطباء الى المسائلة القضائية كلنا سي جواد... حسبي الله ونعم الوكيل .. .
بصح كلامك أنا ولدي ديتو المصحه قال ليا عمليه ضروريه لحين.. هربت بيه المصحه تانيه قال ليا شكون قالك عمليه ديتو عند طبيب 3 قال ليا شكون قال ليك عمليه معندوش عمليه بعد الأطباء الله يهديهم باغين غير لفلوس
ما كاينش هادشي راه اولاد الطبقة الغنية هوما الي تيوليو اطباء حينت مصاريف غالية بزاف، واحد الاب دياله غير موظف بسيط مغاديش يقدر يرسله يكمل قراية في بلد اوروبي. هادوا ولاد الطبقة المخملية عزيز عليهم الفلوس 😂 السيد عارف انه مبقا عنده ميدير ليها حينت انتشر السرطان 😢 اوا هو قال هوتة جات. انا يما سرقوني في كلينيك في مراكش نيت ديال السرطان نسيت الاسم دياله بكثرة مبقيتش حاملة نتفكر مرض الام ديالي الله يرحمها عارفينها مبقا ليها امل... وخلاونا نعطيو الفلوس @@hind4649
اذا كان الطبيب ماشي في المستوى المطلوب ماخاصوش يحط اديه في المريض ويجلس يحلب فيه في الفلوس....الطبيب صامت وخدام كيتكرفص على المرحومة ويقوليهم خلصوا.....المواطن راه عندوا ذكاؤه وخاصوا يتحترم باش يجي طبيب ينزل عليه الذل ويستغباه .علاش هكذا؟؟؟..الصحافة خاصها تحقق في الموضوع لانه هادشي خطير بزاف هذه راه ماشي غير قضية سي جواد راه قضية كل مواطن مغربي يحط راسه في بلاصة ماوقع للمرحومة ويحط راسه في بلاصة هاد الرجل الطيب اللي اتضحك عليه واستغلوا طيبوبته وحسن نيته وثم التلاعب به ..البلاد راه ماشي سايبة......علاش قلنا الصحافة خاصها تحقق مزيان في الموضوع لانه هذا ماشي خطأ طبي كيفما هو مكتوب في العنوان الخطأ كيكون دون نية أحداثه اما الطبيب يخرج عند أهل المريض ويخبرهم الحقيقة المزيفة اهنا مابقاش خطأ بل اصبحت المسألة مقصودة ..اش هاد التخربيق جيت نداويك ولكن مانقوليك اش كاين باش تبقى تخلص هذه راه مصيدة هذه.....رجانا في الله وفي الصحافة تتابع الملف حثى يرجع للرجل حقه والله يرحم المرحومة ويصبرهم ويخلف ليه ماضاع في هاديك البنية اليتيمة😓
حثى أنا ديت مي على عملية الحنجرة وخرجات في صندوق وخوتاتي كلشي بقاو تيقولو ليا لاش ديتيها كون خليتيها وهد لكلام لي قلت ليهم أجلها سالا وكانت سبب هو العملية تعددت الاسباب والموت واحدة متيفهموش أنو الأجل مقسمو الله
لا حول ولا قوة الا بي الله ربي يرحمها وصبرك علا فراقها كين لي مراتو تمرض يهزها وبكي عليها الا ماتت وكين لي هوا يمرض مراتو وشردها و لوحها و مكرهش تموت يدير لعرس لي الله في خلقه شؤون صبحان الله ربي يجازيك علا إحسان ديالك لي زوجتك بي جنة لا يكرمهم الا كريم
جبتي عليا للالم ميمتي دخلات برجليها وخرجات في صندوق ولكن حنا خلينا ليه الله مع انو تنقولو قذر الله العملية جات سبب كان مكتاب ليها تموت بالعملية دابة سبعة شهر باش توفات وكانت صدمة لينا وقالو لينا ناس عيطو لشوف تيفي ولكن خلينا ليهم الله هدا راه بروفسور في الحنجرة مصحة بوسيجور بشارع غاندي وكل أمرك لله معندك مادير هى راه مشات عند الله
الله يرحمها ويصبركم تا انا خرجت بخطأ طبي في مصحة بوسيجور كانو يخرجو لي على حياتي عاود لي طبيب عملية المرارة 3 دالمرات فضرف 10 يام ومزال كنعاني دبا بسكنيرات والعذاب حياتي تقلبت الله ياخذ الحق
المواطن المغربي كل مقومات العيش وسريان الحياة في الأوطان شبه منعدم هو مجرد أرقام للابتزاز من طرف مافيات في كل مجالات الحياة وهذا الوضع كارثي وسيؤدي إلى دمار الوطن والمواطن على الخونة الخروج من هذا الوطن وترك الشرفاء يتقلدون زمام الأمور حفاظا على الوطن والمواطن .
