زيادات في معاشات المتقاعدين بأثر رجعي من ماي 2024 

لست أدري ما يحدث هذه المرة في معاشات الكثير من المتقاعدين ، وما هو الخلل ياترى ؟ وصلني المعاش بالزيادة وبالأثر الرجعي وبالسنتيم كذلك ، كيما عطاولي لحساب جديد ف CNR كيما لحقني بالضبط بدون أي مشكل .

لي يخلص 70000دج جاته 7000دج ولي يخلص15000 جاته300دج العجب العجاب

ظلم كبير للمتقاعدين وبالأخص أصحاب المعاش الضعيف حسبنا الله ونعم الوكيل

العصابة لي تروح خير من العصابة لي جي

نطالب بالغاء الضريبة على الدخل ❤❤❤

جعل الله لكم فجر عيد الأضحى نور.وظهره سرور.وعصره استبشار .ومغربه غفران.وجعل لكم دعوة لاترد.ووهبكم رزقا لايعد.وفتح لكم في الجنة بابا لايسد.

عبدلي هو ظالم المتقاعدين ،لماذا لم يفسر الغاء 14/0حسبنا الله و نعم الوكيل

هذي زيادة لكل المتقاعدين علاه اللي تقاعد في2023 مايزيدوهش هذي خاطي تاع العامين

مليون وسبعمية نتاع الضريبة كتنحوها مفيهاش قانون حتى عامين باش ينحيها والزيادة يستنى عامين أمركم مضحك والله متقاعدو 2023 ضروري تزيدولهم قرار رئيس الجمهورية قال الكل معيون بالزيادة ماعدا 2024 راجعوا العمل

سلام أنا أخرجت تقاعد 2023 لم نستفد من هاذي الزياده هاذي هي الجزائر الجديده ربي اجيب الخير

المتقاعدين سنة 2023 لم يستفيد من الزيادات

حسبنا الله و نعم الوكيل فيهم حنا صحاب التقعد 2023 علاش مزدتناش من كنت نخدم كنت نخلص 50000 da و من خرجت وليت نخلص 39000 واش هاد الضلم خافو ربي

J'ai reçu ma pension de retraite avec augmentation et rappel du mois. الحمد لله.

El mendba kbira wel meyit faaaar..zadouni 2000da . wellah c'est hogra. Pour un pays aussi riche que le nôtre

متقاعدة سنة 2023 ماكانش الزيادة

سلام و عليكم أختي المحترمة المتقاعدين الذي تخرجو في 2023 مستفدوش من الزيادة

شكرا أختي على التوضيحات و على المجهودات

أنا متقاعد منذ مارس2023 لم أستفد من زيادة جوان 2024؟•

عيدكم مبارك وكل عام وانتم بخير بارك الله فيك على كل ماتقدميه جزاك الله خيرا

شكرا

متقاعدي الجيش لم يستفيدو من الزيادة

عيدكم مبارك وكل عام وانت بخير.ولا كلام بهد كلامك سبدتي الفاضلة.

اختي انا خلصت لكن الزيادة ما لقيت والو وعندي معاش منقول ونخلص من البريد موش من البنك

Même sur le CCP.. beaucoup n'ont pas reçu le rappel cumulé..!

انا خلصت المعاش والزيادة. مع الربال الحمد لله كل عام وانت بخير وجزاكي الله خيرا

شكرا الاخت على كل المجهودات. بخصوص ليخلص 20000 دج من المفروض ازيدولو 14بالمئة وليس 13 بالمئة . وهل التثمين يعود إلى 5بالمئة او يقعد بهذه النسبة الجديدة ؟ و هذا من المحال.

لكن شفنا اللي يسلكوا اضعاف قايتهم الزيادة عشرة في المءة لماذا امر غريب جدا في هذه الزيادة والوزير ماهوش قادر على روحو يخرج علينا

تقريبا الكل اخذ الزيادة و لكن الامر المبهم و هو لماذا ان معظم اصحاب المعاش و المنح المنقولة لم تصلهم الزيادة ...الرجاء الأخت ان تبحثي و تفسيرين هذا الموضوع الغامض ....

انا منيش رادي بهادا الزيادة و ملقيتش آثار رجعي

نتمنى ان يغير رءيس الجمهورية مدير الصندوق عدو المتقاعدين ويحيله على التقاعد ليدوق وبال امره

عيدك مبارك و كل عام و انت بخير .

Le rappel du mois de mai n'a pas été versé pour tous les retraités.

Moi personnellement, je n'ai pas reçu mon rappel de la BNA et ce , le jeudi 13/06/2024..

Je suis à la retraite depuis 2017 si la CNR a versé la pension et le rappel merci à vous

Ce virement il est spécial du président de 10a15 nous en cherche le virement du mois de mai pourquoi il n'a pas viré avant le pourcentage de 10a15 j'attends votre réponse madame

البلاد لي رانا عايشين فيها والزيد الغلاء المستوى المعيشة هذه الزيادة تع 3000دج الى 9000دج للمتقاعدين ماتكفيش تغطية احتياجتنا رعم الزيادة تع تبون مازالنا نعانيو من لشر والميزيرية ماراناش راضيين حسبنا الله ونعم الوكيل

عندي عجز عن العمل مازادونيش من 2019 خرجت عجز ممكن تحليل

حسبنا الله ونعمل وكيل الزيادة اللتي لاتساوي ثمن لشراء منا ديل المايدة

تكلمينلنا على الامتياز الرئيسي رانا أصحاب المنح المنقولة لقينا زيادة 60الف هذي حڨرة حسبي الله ونعم الوكيل

Je veux savoir pour les retraités 2023 le président de la république a bien préciser que tout le monde est concernés par l'augmentation et la Cnr nous ont exclu pourquoi ??

نعم ختي انا او ختي ندو شهرية تاع بابا الله يرحمو انا اعطاولي شهر ماي او جوان او ختي عطاولها جوان برك

Nous les retraités 2023 nous sommes excluS de l'augmentation,d'après les travailleurs de la CNR (j'ai été sur place)

وين راه ربال تع جانفى-فيفري-مارس- افريل كما قالها ررئيس الجمهورية ثم اين هي الغاء ضربة عن الدخل الشهري المتقاعد

انا اختي عندي منحة منقولة ملقيت حتى زيادة مع العلم اتقض 4000دج قي شهر وشكرا

Une loi de sur mesure uniquement pour certains et les retraités de 2023 sont exclu gratuitement

صحيتي

نحن متقاعدوا 2023 ماستفدنا لا مع الموظفين ولا مع المتقاعدين هذا ظلم كبير

Saha aidak ❤

Pourquoi les retraités de mars 2023 ont pas augmentation de retraite j’ai pas compris pourquoi ya khit laziza svp vous pouvez nous explique svp rabbi yahafdk ❤

أين هي منظمة المتقاعدين ضربوها بسكتة ، على كل حال عيد مبارك.

للاسف تخلص من بريد ولم واجيد زيادة لااعرف السبب

من فضلك كي تقولي متقاعد فرزي متقاعد من الجيش ومتقاعد من بلاصة اخرى كاين ناس ماتفهمش

أختي انا متحصلتش على ربال bna

انا مزادولي والو غير تاع ماي برك

لحقنا الربال ناقص مهوش 13% انا نخلص 21000الف جاتني 4000 برك

عفوا انا لم استفيد من الرابل لشهر ماي.بحيث انني اتقاضى راتبي الشهري من بنكSG

Qu'en est il de l'augmentation du mois de janvier?

لم يطبقوا الشئ لي قال عليه رئيس الجمهورية لم

ادا تكلمنا عل كوتيزاسون مادا عن اشتراكنا في المتوال ب 20 بالمئة

انا مافهمتش على أي اساس حسبوا النسب الزيادات مختلفة على واش قالوا

سلام عليكم اليوم خلص زوج مكانش ربال ربي يحفظك تعيدي بصحة

وين راه الرابال ما كاين والو 😒

سلام كفاش نعرفو تثمين كل عام وزيادة لتكلم عليها الرايس❤

لاشهر ليفات لاشهر هاذا مكانش الزيادة مادخلتش

انا تلقيت المعاش ولم يلحقني الأثر الرجعي ماذا أفعل؟

حنا مادينا لا رابال لا والو تقدري متقاعدي الجيش ما مهمش معنينن بهذا الربال ارجو منكي توضيح في هذا الامر

اختي انا ارملة اتقاضى معاش منقول زوجملاين ولديا اثنان قصر دخلتلي الا الف دينار

Aidek Moubarak yan3ad aalina waalikoum besaha wel h'na inch'Allah 🤲🏻. Moi j'ai pas reçu de rappel.

الحمد لله...الزيادة بالنسبة للمعاشات العالية كانت معتبرة..حتى الضريبة لم تكن مرتفعة...طبعا هؤلاء المتقاعدين خدمو اكثر من 32 سنة وكانو يدفعون مبالغ معتبرة لصالح الضريبة.

السلام عليكم ورحمة الله وبركاته ياك قالو الربال من شهر جانفي ولا لا

جزاك الله خيراً وبارك الله فيك

وين راهي الزيادة تع ماي كل سنة

انا سلكت فالشهرية أو من وراء العيد سلكت فرابال شهر مايو

زيادة لا تسمن ولا تغني من جوع

ما صبوس الربال

مهيش الزيادة اختي فتات فقط

انا عندى منحة ضحايا الارهاب هل هناك مازدولناش أنا اتقض 4000دج عندي كتر 13سنة مازدولناش

Oui ana BNP j'ai pas reçu de rappel malgré que l'augmentation n'a pas atteint les 10 %

ربي وكيلهم

J'ai rien compris Je n'ai pas reçu Il ont rajouté que 5000da sur la paye retraitée depuis 2017 le salaire était 55000 ,00da et là c'est 60 000da

وعلاه متقاعدين الجيش وبالاخص رجال صف مزادلهمش ❤حكرونا من وزارة الدفاع 😢❤والله حرس بلدي وزدلهم هم رجالة ❤

مساء النور اختي ان ما لقيتشزيد ولا ربال لاني تقاعدت في ديسمبر ولم اتحصل على اي زيدة لا في القديم ولا في الجديد ىانيعندثلاة واربعين سنة خدمة شكرا اخرة❤

يا اختي انا ما صبتش الربال نتع ماي الزيادة كانت نخلص مع sgون راح الرابل

امالا احنا نكدبو متقاعدي الجيش واحد مالقى زيادة خلاص

انا نخلص منحة العجز ملقيش زيادة

مساء الخير اختي حتى احنا تاع بنك بدر ملقيناش الربال

مالحقنيش تاه شهر ماي

حنا تاني مكاش الرابأال نتاع ماي

أنا شخصيا نخلص15000ربال45ربعين ألف مع العلم معاشي منقول

ان عندي المعاش المنقول الزيادةموجودة الربال مكاش

انا خلصت من BNA لقيت فقط الزيادة ربال مكانش

انا شخصيا لم اتحصل تعلى الراجل بحيث انني نخلص من SG

انا نخلص 15000 لقيث 1120 برك

الناس الي يتقاضاو راتبهم عن طريق البنك لم يتسلموا الرابال و صحاب البريد تقاضاوه و انا واحدة منهم

الربال لشهر ماي لم نتقابل في بنك BNa في ولاية باتنة

مزدش القيمة لي تهدر عليها ناقص بزاف بالنسبة لي سرحت به

نخلص في البريد مااقيتش زيادة

خلصت يوم ماصبتش ربال تع ماي

Oui il n'y avait pas le rappel de mai et ce n'est pas la faute de la banque la cnr n'a pas envoyer le rappel puisqu'il y avait le salaire alors rien a avoir avec le dossier de vie

متقاعدي الجيش لا زيادة و لهم يحزنون