حضرتك بتحزق قوي و كلامك مش صحيح تجربة مروعة في فندق كارثي لقد كانت إقامتي في هذا الفندق من أسوأ التجارب التي مررت بها على الإطلاق. بدايةً من الخدمة السيئة والاحتيال الواضح من قبل إدارة الفندق والموظفين، حيث يتم فصل الكهرباء عن مكيف الهواء عمدًا لتوفير الكهرباء. هذا التصرف غير مقبول في ظل حرارة الصيف الشديدة، وكان من المستحيل النوم ليلاً بسبب الحرارة. لم تتوقف المشاكل هنا، فقد كانت هناك أعطال مستمرة في كهرباء الغرفة. وكان الأدهى أن أحد الموظفين وضع قطعة خشب لمنع قاطع الكهرباء من الفصل، مما يشكل خطرًا حقيقيًا باندلاع حريق. هذا الإجراء غير الآمن يعرض حياة النزلاء للخطر وهو أمر غير مقبول على الإطلاق. إضافةً إلى ذلك، كانت الغرفة بحالة يرثى لها؛ باب الثلاجة مكسور، والسيراميك في الأرضية به كسور واضحة، والنظافة معدومة او لا يوجد انترنت. لم يكن هناك أي اهتمام من الموظفين أو الإدارة بالشكاوي، حيث لم يهتموا و لم يقوموا بالرد اعلى أي منها الا بعد لجوئي للسفارة و تدخل بعض أصدقائي للضغط علي إدارة الفندق لحل المشكلات إذا كنت تبحث عن مكان للإقامة، أنصحك بشدة بتجنب هذا الفندق، حيث ستجد نفسك في بيئة غير آمنة وغير مريحة تمامًا، مع خدمة عملاء سيئة وإدارة غير مهتمة براحة نزلائها.
منصحش حد يروحه انا حاليا هناك بمعني كل شي سئ من اول التسكين . بالنسبالي خسارة فيه كل جنية. وانا مش بعيب في مستر بيشوي او بشكك في كلامه بس انا هناك ومتضايقة جدا والاكل اصناف قليلة ومش حلوة الحاجة الوحيدة الحلوة موقع الفندق وجزء بسيط من العاملين
انا للامانه كنت موجود هناك فى ريجينا السنه اللى فاتت للامانه هو فندق مقابل القيمه كويس بمعنى الاكل كويس بس المشويات قليله جدا دى حاجه البحر مش رملى هو صخرى يتنى محتاج شوذ للبحر الغرف كويسه البول كويس جدا وهما لعبتين اكوا بارك كبار وبرضو كويسين للاطفال دا غير الاكوا بتاعت الاطفال وفى بار واحدبس على البول لا هما3 حمامات سباحه وكلهم قريب جدا من بعض وفى بار على البحر ودا اجمد واحد فيهم للامانه فريق الانيميشن بتاعهم جميل جدا وكل يوم حفله ليله على البول والصراحه برضو الاسناكس بتاعهم سئ جدا مقابل كده الاكل بتاعهم جميل جدا فى التلات وجبات الطعم كويس جدا جدا والموظفين هناك قمه فى الاحترام وبيحولو يساعدو قدر المستطاع دا اللى انا شوفتو فى التجربه السنه الماضيه وبالسعر دا انا قررت طلع السنه دى نفس الفندق علشان سعره وانا والله مليش مصلحه فى حاجه بس انا روحت هناك فبقول على اللى شوفتو من غير اى مجاملات
فندق زي الزفت تقيمه بالنسبالي صفر لسة جايين امبارح بالليل 22/8/2024 الغرف متهالكة جدا جداااا جداااا .. التلاجات والتكييفات فيهم مشكلة ونطلب الريسبشن 100 مرة علشان يحلولنا المشكلة .. البول صغير جدا جدا غير الصورة خالص الاكوا بارك هي زحلقتين معفنين وشكرا .. لو طلبت الشامبو والمناديل والمية اللي هي ابسط حقوقك يحسسوك انك بتشحت منهم ..المطعم فقير وتست الاكل يقرف الحسنة الوحيدة هي البحر تجربة وحشة جدا مش ممكن اجربه تاني وماانصحش حد بيه
كلامه كله غلط والله اولا البحر صخري مش رملي وبالنسبه للاوض مش اللي في الصوى خاالص ..الاوض سيئه وومش نضيفه خاالص التليفون بايظ والتكيف بايظ ومفيش زي ما بيقول مشروبات في الاوض وكولا ..حمام سباحه سئ ومش نضيف الامل سئ سئ سئ وكمان مفيش تنوع كل يوم نفس الاكل مفيش فاكهه غير نوعين ومفيش حلويات غير نوعين ومش حلوه اسوء فندق روحته والله السنه اللي فاتت في وقت الفيديو دا حفلاتهم سيئه خاالص مفيش اي بشاكير العاملين معاملتهم سيئه جداا
لا تندم علي شيء يا صديقي .. روح اتبسط باقل حاجة .. اتبسط بالبحر و البول وريح واستجم .. العيون الحلوة بتشوف كل حاجة حلوة .. لكن متضيعش مصيفك بانك تدور علي سلبيات تضايق نفسك بيها وتعكر مزاجك روح واتبسط
بدون مبالغة المكان جميل جدا جدا ... الغرفة ممتازة ٢٢١٨ لها اطلالة بانورامية بتجمع البول والبحر والحديقة ... حمامات السباحة جميلة جدا .. الاكل مش متنوع كثير بس جميل ... كل العاملين بالفندق ودودون جدا جدا .. البحر كويس بس مش رملي بيور .. لو في جزمة بحر هيكون كويس ... الفندق بالنسبة لسعره جميل جدا .. اعتقد هكرر التجربة مرة تانية
انا لسه شايف ريفيو عنه بشع الحقيقة و اللى مصوراه كانت كل حاجة بالفيديو .. نظافة و معاملة زى الزفت .. ياريت نتحرى الدقة قبل ما نرشح اى فندق لان بيبقى متوقف عليه ناس هتضيع اجازتها و فلوسها فى فندق سئ بناء على ترشيح حضرتك
