__________________
الحسابات الرسمية لـ قناة ابو يعقوب
Whatsapp :
api.whatsapp.c...
____________________
زيدو شبوب النار
مهداه لسعادة الوجيه
محمد بن زايد الخيارين(أبولهيمد)
كلمات الشاعر
سلطان بن عبدالله بن قنيص الكدادات
_________
اللي عجب عين المدايح تنصاه
الـشعر في شـرواه مـا يـنتهمل
هذاك أبو لهيمد و لـولاه لـولاه
كان الـقصيد المدح وقف وكمل
من طيب رابعته ومن طيب مجناه
مـا فـيه يـومً مـر ما قـد تجمل
ومن كثر ما ينثر على السمن يمناه
شريانه التاجي مـاعاد إيـتحمل
سلطان بن عبدالله بن قنيص الكدادات
__
ابطيت ما غنيت من ضمن الكبار
اللي يغنون القصيد اليا طرى
وانا على اشدادي و قدام الوجار
واقول للنشاد من يسمع قرى
جديدي اللي ذاخره ماله عذار
جاء وقته وحله وصيد الندرى
آلاعبه و آلآعب الهاجس وطار
ما عاد باقي فيه بيت ولا ذرى
في الطيبين اللي لهم قدر ووقار
وفي ربعي اللي ما درى عنهم درى
هواجرً هداتهم طولت عمار
وعدوهم ذاق الغباين و الزرى
حمايت العطفه متيهت البكار
في ضفهم تـرتع شماميخ الذرا
وعلى إظهور إخيولهم فوق الديار
ياقوم لا تنشد لمردود البرى
زيدو شبوب النار تحت أم البهار
راسي خوى للدله و طار الكرى
وسمعت ابو لهيمد تزيد النار نار
والنعم من بابه لباب أم القرى
خيرانيً من خيرت إربوعي وصار
أشهر من الفريس قيس وعنترى
من شبته لين أصبح الشيب الوقار
ينتخ من النعم المدبل ما طرى
ويفصل مواقيف القضايا بختصار
من راس ماهو يحتري شور إشورى
ولا يقلط إلا في المواقيف الكبار
ولا يشري إلا العز لامنه شرى
وينحر متاريس المصايب ما إستخار
يوم إن شمطان اللحى ترجع ورى
وعلى عيال الضان و المردم دمار
وعلى سنام اللي مثل طلعة كرى
في مجلسن يجمع صواريم الحرار
إيعج بالعود الخضر و العنبرى
مثلك يبو لهيمد لنا زود إفتخار
نشعر بزود الشعر لو ما إحنا إشعرى
ولا إنته بحاجت شعر وأنت إسمك شعار
يسمع به اللي ماسمع و لاقرى
سلطان بن عبدالله بن قنيص الكدادات alfan.link/abo...
25 авг 2024
