أغلب الشباب ديل ما من مواليد العاصمة القومية عشان كده ما بعرفو الرندوك.. بس بعرفو مصطلح رندك مع الجاحة يعني اطرح ليها.. عشان كده اغلبهم رايح ليهم الدرب في الموية.. الرندوك هو تغيير ترتيب حروف الكلمة واضافة حرف او حرفين والغرض منه تشفير اللغة بين الطرفين حتى لا يفهم الطرف الثالث الحوار.. واي منطقة في الخرطوم عندها تشفير مختلف واضافة حروف مختلفة.. والرندوك أصله مدينة أم درمان وانتقل لباقي المدن عن طريق طلاب المدارس
البت دي فيها شي مميز لو لاحظتو ونعم التربيه والاخلاق وفيها كميه من البراءة نتمنى لو بناتنا كلهم مثلها الله يحفظها ويسعدها ويستر عليها وبتمنى ليها المزيد من التقدم❤️❤️
كلامك صاح انا لاحظته البراءة والتربيه حقتا والله لكن كدا ح تتخرب لانة مجتمع الميديا سيء ٩٠ ف الميه واكتر ف م عارف كيف ابوها يرضاها تتكلم مع ناس الشارع كلهم كيف وحتى كيف يرضى الناس كلها تشوفها ألم ياخ ح يكتلو البراءه فيها ياخ اجتهدوا اسحبوها من المجتمع دا انا لو قريب بفتش أهلها يلموها من وحوش المجتمع قبل تخرب حرام على اخوانا وابوها تبا لهم تفففففففففف😂😂😂😂😂
الدين بقول المراة صوتها عورة لكن انت عجبتك وقفت معها طلع بناتكم الشارع وتعال افتخر بيهم شوف دي بتتكلم مع ناس الشارك كيف شنو المحتوي المهم القدمتو كلامها كلو فارق وشوف لبسها وشعرها
طرحتي موضوع مهم جدا، مجتمعنا السوداني الفريد يمثل قارة لوحدها. أتمني أن نحافظ على نسيجنا الإجتماعي السوداني الذي شرختهُ عواصف الفتن القبلية والجهوية والتخلف المُغذي من صانعي الهلاك🥺 خلووونا سودانيين وبس 🇸🇩🇸🇩🇸🇩👉🏽☝🏽
البعض مفهومه خاطئ بلغة الرندوك ؟ هي لغة شبابية تمر على كل جيل على مر الأزمان .. أحيانا تتغير بعض الكلمات لكن اساس اللغه ثابته؟ مثال عاوز تسأل صحبك (ماشي وين) بتقول ليهو (شامي نيوو) هسي للشخص بيقولوا (السان ده) يعني الإنسان ده 😂 سابقا بيقولوا (اللوز ده) يعني الزول ده 😂 ولا شنو ياا آجيال ماقبل الألفية وقبل الكيزان 😊😊 شكرااا للحوريه الجميله الهادئه والخجوله👋 طرح موضوع يستحق التصفيق لك وكم كنت رائعة باختيار ضيوفك من كل السحنات والعرقيات السودانية بدون سياسة فرق تسد 🇸🇩👋 هديتي لك 🌹💓🌹
هههههههه عندنا نفس الشي بس بنقول لها عكس الكلام لما اكون انا وصاحبي ومعانا احد وما نبيه يفهم نتكلم بيها عشان نصرفه 😁يعني مثلا اقول له ( رصف ذاها لثيق مد ) يعني صرف ذا ثقيل دم هههه
أنا والله لي من السودان اكتر من عشرة سنين.. لكن والله كان قابلتك كان كبيت ليك رندوك من امو .. والناس القابلتيهم ديل كلهم رافات قصدي فارت.. المهم ربي يحفظ السودان وأهل الدوناس
انا طلعت من السودان لي 20 سنة و رغم اني عجزت لكن زول في الناس دى بفوتني بالراندوك مافي انا بتكلم الراندوك المرندك و دة اسمه الدارنوك بعد داك عندي حاجة اسمها القرنوط دة شيء اخر من الراندوك oh shit هههههه.
الشباب ديل ما قادرين يميزوا بين اللغة العربية والرندوك والمصطلحات الرندوك و المصطلحات وسيلة للتواصل والتخاطب بين أفراد و مجموعات وبتختلف عن اللغات لانها خاصة بيهم مثال لكلمة بالرندوك مجعجلجم (معلم) يعادلها في المصطلحات الجديدة مكنة
هههههههه الشباب ديل ما فاهمين الفكرة الأساسية من الرندوك، بالإضافة للمذيعة مفتكرة الرندوك هو لغة من اللغات السودانية،، اغلب اللغات العالمية في لغة رسمية وشعبية ولغة شارع، لغة الشارع دي ياها الرندوك السوداني دا.. اللي هو مستند في علي اللغة الشعبية بتغير تراكيب الكلمات او بإضافة احرف معينة لكل كلمة.
الجهل مصيبة .. هل اصبحت اللهجات المحلية لغة. والجهالة الجهلاء المذيعة اعتبرت الرندوق لغة . لا والنت ظريفه ..في مجتمعنا السوداني في كثير من اللغات ومن ضمنهم الرندوق. سخرية القدر ..الجهلة متصدرين الموقف
Precisely, برضو مضمخة بنكهتنا السودانية و مغمسة فى الفرايحية لطافة و حنية مع شوية sense of humour, لها اقول ، هناك رندوك متفرد ، حيث يذكر حرف الجيم بعد كل كل حرف، مثلا اعيد ما كتبت عنها: بجرجضجو مجضجمجخجة بجنجكجهجتجنجا اجلجسجوجدجاجنجيجة،،،،، و هجكجذجا،،،،،
ظاهره انتشار عربات بتبيع منتجات مجهوله المصدر وتالفه تحت مسمى أسواق البيع المخفض و استخدامها للمكرفونات باعلى صوت علي مراى ومسمع من الجهات الصحيه وحالات تسمم رساله الى والي ولايه الخرطوم والى حمايه المستهلك وكل الجهات ذات الصله حاسبوا المفسدين
@@sudan3553 القناة اسمها زي سوداني للأسف الاسم كبير عليكم لان مستوي تقديم وتناول القضايا ومناقشتها ومعالجتها وتوضيح السلبيات الإيجابيات لايوجد ثانيا كان مفروض تنتاول الموضوع بجديه وبحث وادراك ووعي مثلا ماهو الرندوك وكيف نشا وماهو تأثير على اللهجة واللغة والسلوك الاجتماعي والديني والذوق العام ثالثا كان مفروض تتناول قضايا المجتمع والوطن ويكون لكم هدف ومحتوي جيد ومفيد وتكون من المساهمين ف علاج الازمات ومشاكل الوطن ثالثا مثل هذه القنوات والمحتوى يعتبر مساهم وموثر واجنده موجهه لابعاد الشباب عن الواقع والجديه ومرحلة البنا ولم الشمل نتمني ان تحاول تكون قدر الاسم الخ
صراحه أجمل شي معظم شباب بلدي يظهر عليهم الأدب والاحترام وحتي مقدمه البرنامج كذلك لكن ماالهدف من تشجيع مثل هذه المصطلحات التي لا تقدم للمجتمع شي ولا للشباب معظم القنوات محتواها فارغ ولا يحمل مضمون
البنات الشايلين مايكات وكاميرات مبارياهم بيعملوا في لقاءات تافهة وفارغة ، بالرغم من إنه عندنا مليون مشكلة وقضية وعادات سالبة وضارة يمكن مناقشتها وبحث عن حلول
مواليد الألفين ما بعرفو الرندوك نهائي ديلك مواليد الثمانينات تقريبا فيها عكس الحروف ولو ركزتي معاها ممكن تعرفي بعضاها زي لاقيك تعني قاليك لوقتيك تعني قلت ليك نهاك تعني هناك وكده الوحيد ابو صلعه البيعرف يرندك صح معلم ياخ
الراندوك موضوع لايعرفه إلا أهل الراندوك . الكلمات ، مكنة حقيقي وهمي حضران بالجابس عمك سان حضران دسيس. ده ترند الراندوك أو شفرة الراندوك الإنحرقت. الجملة دي كيف ، مستوى واحد الشجملة دشي كشيف ، مستوى إتنين التشجملة ديتش كتشيف . كل منطقة عندها قواعد راندوك براها من راندوك الزول بعرف هو جاي من وين وكده والراندوك بخارج ليك البلكات لو جمبك حضور حساس تحكي وتأخد راحتك في التعبير . تدجاير تتجعرف التجمستوياتج كتجلها؟ داير تعرف المستويات كلها ؟ وتجين يااتجا
اول حاجة الرندوك ما لغة يمكن تسميته لهجة وهو عبارة عن اضافة احرف جديدة للكلمات أو بعثرة أحرف الكلمة أو الاثنين معا والشباب ديل كلهم ما عارفين الموضوع وخالطين بينه وبين حديث الحب إلا عمك داك معلم عديل والزول لو ما عارف الحاجة احسن يسكت
الرندوك دا يا دسيسين ما حنك يعني لغة يستخدمها الشباب ، تعكس حروف الكلمة عشان م تتفهم ، لو داير تقول يا فردة ماشي وين ، يا درفه شامي نيو ، اسمك منو ، تقول امسك نمو وزي م قالت مقدمة البرنامج البشلية يعني الشبلية والرندوك زاتو انواع كتير
حايمات في الشوارع عشان يسألن عن لغة الشوارع , بعد ده واحد يقول ليك رايقة ومأدبة. ومال لو مامأدبة تسأل عن شنو?. الله يرحم امهاتنا. هو نحنا حرامي القلوب تلب ما مقتنعين بيها , سيبك من كلام راندوك وكلام شوارع.
خايتو السودانين ما عارفين نقولو ليكم شنو الواحدة لو اشتغلت شاي بتقولو ما كويسة و اسي شغل الاستطلاع للمرح قلت ما مأدبة طيب انت كسوداني اخوي و نيتك سليمة شوف لي شغل نطلع منو قروش نقرأ و نصرف على اهلي بترك كل شئ و بشتغل معاك .
🤣🤣🤣 الرندوك لغة؟؟؟ و العربي اسلوب ، و البلاغه خرافه، و كل ما السنين تعدي نلاقي الفهم قله و التخلف عاده 😅 و الاعلام ربنا يرحمه و يغفر له Rest in peace💙🙏
