سألت أصغر مليونير في مصر ٥ أسئلة 

انستجرام احمد instagram.com/ahmed.t.mansour/

للاسف معظم الناس بتتكلم انه نجح بفضل أهله بس الحقيقة انه فيه شباب كتير زيه ومعندوش احساس بالمسؤلية لانه متأكد انه بابا وماما هيصرفوا عليه.. الشاب دة تعب وكبر شغله مبقاش مليونير من فراغ يعنى.. ربنا يزيده ويبارك فيما يملك 😊

الشعب يطالب كريم السيد بالتنزيل اليومي صح ياشعب 🤣🔥

والله المهندسين والعلماء المصريين عندهم افكار وابتكارات قويه جدا بس ناقصهم الدعم 😢❤❤

المحتوى جميل والفكرة بس المفروض دوت يكون واحد ابتدى من لا شى من الصفر هنا دوت ابتدى من فاملى بيسنس

عجبني جدا صدق الشاب وعدم تصنعة لأي شيء ..نموذج محترم جداا وكتر خيرك يا كريم انك اتحتلنا الفرصة نتعرف علي الشاب الرائع ده

محتوى أكثر من مفيد وفيه عبره.. عاش ياكريم تحياتي ليك ولكل إخواتنا المصريين من التشيك 🇨🇿

مع كامل احترامى ل أحمد واضح انه شاب محترم وجدع بس الفكرة ان والده مساعده والبيئة المحيطه حواليه ناجحه أما احنا بيتداس علينا ومحدش بيساعد بل بالعكس الكل بيحطم فينا ووقت مابنحاول نقف 100 ايد بتشد فيك عشان تهبطك

لو واحد يكون بادئ حياته من الصفر او عمل نفسه بنفسه هيكون أفضل بكتير يا أستاذ كريم 🥰

:ياشباب فيه برنامج اسمه (نختم) برنامج يعرض لك ايه واحده من القران بكل مره تفتح جوالك عشان مانهجر القران وجزاكم الله خير انفع به غيرك،

قبل اي حاجه لازم نقول ما شاء الله ♥ربنا يزيده ويكرمه 🤍 بس انا شاايف عشان يبقا الموضوع logic يبقي لازم تجيب حد كان م اسرة متوسطه او فقيره و قدر يبقا رجل اعمال ناجح لكن ان انت تجيب حد تفوق ف مجال زي دا واهله كانوا ف نفس المجال اعتقد الموضوع unfair لوحد قارن ظروفه بظروف الباشمهندس او حتي حب ياخده كموديل او قدوة !!!

انا شايف ان نجاحك انت يا كريم هو القدوه انت بدأت من الصفر والحمد لله اسره محترمه وجميله وكمان بقيت شخص محبوب وناجح في نفس الوقت

يكريم عندهم شركات هات واحد طلع من الصفر مش واحد طالع بفلوس ابوة 😐

استاذ كريم السيد افضل فلوجر مصري بالنسبه لي ملاحظ ان حلقاتك في مصر مستواهاالإخراجي وافكارها افضل كتييير من حلقات انجلترا تحيه ليك والفريق اللي بيساعد في انتقاء الافكار والاخراج اتمنى ليك التقدم والنجاح دوما

كريم بس ده مبدئش من الصفر هو طبيعي اهله معاهم فلوس وده شي ساعده كتير .. وبصراحه انا موش شايفها قصه نجاح ..

فدتني كتير انا في المجال دا برده واتعلمت ربنا يكرمنا

والله لو سويت المقابلة دي مع ابوه او جدو كان حيكون افيد بكتييير من انك تجبلنا واحد اهلو اللي سوو كل شي و هو لقى كل شي جاهز و بدون اي تعب و معاناة

عايزين نماذج زي اخونا المحترم ده كتير عشان الواحد ابتدي يفقد الامل في حجات كتير اوي

عايزين حد عمل نفسه ب نفسه يا كريم ده بدأ مليونير

عايزين بقي حد طلع من الصفر حتي لو مبقاش ليه مليونير ، لكن مع احترامي ليه هو أسرته كان ليهم فضل بردو بعد ربنا في اللي هو فيه ده دلوقتي ، ماهو مش كل واحد عنده بيسنيز فاميلي هههههههه

ده نموذج لشاب مصرى أبن عائلة محترمة مجتهدة ليس أبن وزير أو أبن مسئول فى الدولة وأمتلك أرضية فوضع الأساس الطيب وأنشأ له مستقبل قوى ومُبهر ويعمل فى التطوير العقاري فى المدن الجديدة تعب واجتهد ونال النجاح الذي وعد الله به المجتهدون تحياتى لأبن مصر هذا الشاب المحترم الذي أرى فيه قوة هذه المرحلة

اقسم بالله لما نزلت ask على Instagram كان نفسى اقولك هات احمد علشان هو شخصية جميلة و ناجحة فعلا ربنا يبارك فيكم ❤️❤️

كريم انا متابع حضرتك من زمان من لما كان عند حضرتك 100 الف مشترك ولم اشهد لك بسوء لانك الرجال القدوه في الحياه 👍👍♥♥

هو في نهايه الفديو الاستفاده هي التنظيم الصحيح عدم الوقوف عند الضغوط أو الأزمات الطموح ود الاهم بس متبصش لل خساره لان لو اعتمدت علي التلت حجات دول اكيد بعدها مكسب أن شاء الله

حلقه حلوه قوي ياريت تستمر السلسله دي ♥️

اول ما قال شغل عائلة ف سعودية و ان ده الى سانده عرفت ان هو معملش حاجة محور الكون يعنى اه ماشى اشتغل على نفسه و بدأ و اشتغل كويس ولكن معاه راس مال بتاع اهله و عيلته و معاه اسم شركة بتاعه والده و ده يعتبر ٧٠٪؜ من بداية نجاح اى شخص ف بالتالى فيديو مش ملهم بالنسبالى ولا الشخص ذات نفسه علشان شايف انه طلع لقى ف بوقه معلقة دهب 🤷🏻‍♂️

محتواك ماشاء الله في تطور وتثقف شديد💚 وان شاء الله من نجاح لنجاح 😍🌺

حبيبي مش دا النموذج المثالي .... الراجل واضح انه من عائلة ثرية وعندهم شغلهم يعني عنده اهم حاجتين المال والخبرة ... مش كل الشباب يا كيمو عندهم نفس المقومات

ده واحد طلع للحياه العمليه وهو معاه سند باهله وفلوسهم يعني مولود وهو واقف على ارض صلبه... هات قدوه بشخص كان من الصفر فعلا من القاااع من الفقر الي الثراء

بيّض اللّٰه وَجه كل من صلىٰ على النبى مُحمد ﷺ يوم تبيَض وُجوه وتسود وُجوه....💙

اكثر من رائع عم كريم يا سيد ربنا يكرمك ويوفقك ويكرم ضيفك الكريم تحياتي محمد الحساني من السودان

انسان بيقدم محتوي هادف مش ساذج عكس ناس تانيه كتييير .احلي يوتيوبر فالكوووون 🖤🖤

هو نفسه قال انهم كانو عاملين شركات بره يعني نجحو برا وفتحو في مصر ربنا يزيده ويزيدنا كلنا بس عاوزين واحد نستفيد منه فعلا

اليله لليلة جمعه اكثرو من الصلاة على النبي عليه افضل الصلاه والسلام صلوا عليه وسلموا تسليما

بصراحه حاجه قمة الروعه القصه مش في انه نجح بمساعده العيله الفكره ان هو حب يبقي له طموحه الخاص و يبدا يكبر مع نفسه و جازف بكل حاجه انما في ناس كتير اهلهم عندهم شغل بس مش بتلاقي الطموح دا عنده بتلاقي بس هو بيفكر هياخد مصروف كام النهارده و هيسهر فين مع صحابه و مكبر دماغه انما دا لا حقيقي شابوووو يا بشمهندس💜 اااه و الناس اللي هيا بتقولك مستحيل تبدا من الصفر لا ي غالي مفيش مستحيل و مش مهم تنجز شوط كبير ف عملك و انت ف سن صغير اي رايك تتعب شويه بس ف الاخر هتوصل و بعدين عيالك يستلموا من بعدك انما بطريقة تفكيرك ان مفيش حد بيبدأ من الصفر دي مش هتخليك تمشي لقدام ابدا انما هترجع لتحت الصفر و تبقي ف طريق السالب 💁‍♂️

كريم ما تزعلش مني بس ده بيقولك فاميلي بيزنس ف السعودية ! اللى بنروحها تبع كفيل دى ، عيلته عندهم شركات هناك 🙈 اول بزنس عمله وهو طالب حامعي بعت جاب شخنة فوانيس زينون !! اللى هو معظم الشباب ف الوقت ده مش معاهم يفتحوا عربية كبدة 😂 واول مشروع بعد التخرج عمل شركة خرسانة!! مع احترامي ليه طبعا بس عاوزين نماذج ناس بدأت من الصفر ، اهاليها غلابة زينا ... حضرتك جايب ابن مليونير يحكيلنا عن بداياته 😂 الحلقة دى تحبطنا والله مش تدينا أمل 🙈

دا فاميلي بيزنس يا كريم .. يعني الراجل اعتمد ع نفسه و خسر .. بس لما كمل في شئ ناجح اساسا زود النجاح .. فهو مبناش نفسه بنفسه كأي شاب مصري فقير زينا

بجد من غير مشوف الفيديو عارف انو حلو ❤❤

من الصفر يا كريم 🤔🤔🤔

حلقة محترمة تحتاج الواحد يسمعها أكتر من مرة الحقيقة ، والضيف شخصية محترمة ومتواضعة ربنا يوفقه ويوفقنا جميعاً للخير .💜

والله الواحد مبسوط جدا بالتطور بتاعك يا كريم بتغير افكار الفيديوهات للاحسن بجد شكرا

الله ينور عليك .. فيديو جميل وهادف وأحسن بكتير من فيديوهات الفنادق اللى مالهاش أى لازمة فى الحياه غير مضيعة وقت وخلاص

بسم الله ماشاء الله الله يحفظكم ويبارك فيكم يا رب

يا كريم انا واحد ابتديت من الصفر والحمدلله وضعي دلوقت كويس .. بالنسبه للراجل المحترم دا هو مابتداش من الصفر بس عرف يستغل ظروفه الكويسه انه يحسن من نفسه ويكون افضل وشابو ليه طبعاً لكن الناس كانت مستنيه انها تشوف واحد ابتدى من مفيش عشان الاغلبيه بيبتدوا من الصفر او بيبتدوا بحاجات بسيطه جدا .. عموما حلوه نوعية الفيديوهات دي بالذات لما تكون توعيه للشباب لأن الجيل بتاعنا واللي جاي بعدنا فعلا الحياه صعبه عليهم لو ملاقوش نفسهم ف حاجه

انا شايفة ناس بتتكلم على أنه ابن ناس اغنيه و مبدأش من الصفر ده بدا من وهو في الجامعة دا غير انه مكانش انسان او شاب فاسد او تالف بسبب فلوس اهله الأغنية وغير كدا بنا نفسه ووقف على رجليه كذا مرة يقع ويرجع يقف من تاني ياريت بدل مانحب نسمع قصص وروايات وخلاص نحاول نجدد أفكارنا وعزيمتنا ونعمل زيه او حتى على الاقل نبدأ ربنا يساعد كل الشباب ويقوي عزيمتهم تحياتي لك ياكريم والشاب الناجح ده ال مقالش اعيش حياتي بفلوس اهلي وبلاها شقى ومسؤوليه ووجع قلب 🌷🌷

ادعولي يجماعة ثانوية عامة السنادي

مستنين الفيديو الجاي بتاعك عن عملاق مصر اللي في الشرقيه صح

جميل ربنا يكرمك ويكرمه.. جميل تواضعه.. ومنتظرين فيديو لحد فعلا بادئ من الصفر.. من القصص الملهمة جدا قصة حياة عثمان أحمد عثمان فى مذكراته تجربتى

افضل positive energy ف وقت الامتحانات دا ❤️😊

طبعا اتمنى انك تشوف الكومينت ده و الفيديو كويس و محترم لعقلية المشاهد كالعادة المتوعودينه من واحد محترم زيك ..بس الشخص ده ناجح بس مبداش من الصفر يعني كان في ناس افضل بدات من الصفر لكن ده الظروف اتهيأتله ليكون صاحب مكانة و فلوس عالية ماشاءالله ربنا يزيده ده ميمنعش انه تعب بس مش حاسس اوي يعني الظروف كانت سامحة اتمنى انك تبدي رأيك فالموضوع ده و شكرا♥️

كبير اليوتيوب السيد كريم.. ما شاء الله لسة مافتحت الحلقة لكن شكلها مليانة تحديات ومتعة ربنا يبارك ويسهل عليك ان شاء الله تنجح اكتر واكتر. تحياتي 🌹

هو ناجح و كل حاجه ماشاء الله بس مش بادء من الصفر يعني ال base line عنده موجود ودا اصعب حاجه اساسا وانا كنت عارف ان دا النموذج الي هتقابله

من اجمل وانقى واجدع الناس على السوشيال ميديا دايما المحتوى مهم وكل فيديو لازم نتعرف معلومه مهمه وطاقه ايجابيه بجد ربنا يكرمك وتكون رقم واحد دايما لأن تستاهل

لو المليونير هذا يساعد محمد وهدى شحاته ويكسب فيهم اجر

تحيه من استراليا لأحلى شباب فى الدنيا شباب مصر المحترم

بجد و الله 😂😂 جايب واحد اهله اغنيه اصلا جيب بقى بنت بيل جيتس و قول اصغر ملتي مليارديرة في العالم

مظنش ان دي قصة نجاح من الصفر ولكن المطلوب حد فعلا مكانش أهله علي مستوي عالي من الأعمال والعلاقات كان من السهل جدا ان اي حد فمكانه ينجح كده ولكن اكيد في ناس بدأت فعلا من الصفر فياريت تدور علي حد تاني

انت حرفيا شخص جميل و فيديوهاتك حلوه جدا ممكن نعرف فين اولادك

ربنا يبارك لك ويبارك له، وموفقين دائما

هي الناس الي مديقا من حوار اهلو دول بيفكرو ازاي بلعكس ده هو الي اثبت النجاح صح بدل ميعتمد علي اهلو لا اشتغل و اثبت نفسو وقدر يثبت اسمو كمان مع انو عادي مكتفي وده شئ كبير

مع اني عندي امتحان بكرا بس هشوف بردو good one

عشان تبقي مليونير في مصر لازم يكون عيلتك ووالدك مليونير وواصلين بالمعني البلدي بلاش نضحك علي بعض متقنعنيش مثلا انه واحد من عيله فقيره او متوسطه وهو متعلم تعليم علي قده ويبقي مليونير صعب جدا جدا جدا الا لو هو مخطوط ولقي كنز مثلا 😂انته تقدر تبقي معاك فلوس تمام لاكن انك تبقي مليونير لا طبعا ممكن حد هيقول ما بتاع كنتاكي مثلا كان راجل علي قده واترفد من شغله والكلام ده وبقي في الاخر ملياردير هقولك دول شخصيات يتعدوا علي الصوابع وكمان نظام الانتقال الطبقي في المجتمع عندهم اسهل بكتير من عندنا احنا النظام الاقتصادي بتاعنا ميسمحش تماما انك تنقل النقله دي

الجماعة الي تقول نجح بسبب اهلو، هم صحيح كانو وسيلة لكن هذا معندوش علاقة بناجحو. كثير اهلهم اغنياء و معرفو يتصرفو و يحافضو على مستوى شغلهم او ورثهم مثل ايضا الكثير مثل كريم بدئ من الصفر و الان مشاء الله نجح. 😊

مجال الاسثمار العقاري من اعظم المجالات وانجحها اللي ممكن الواحد يوصل للعالميه عن طريقها بجد حلم حياتي يكون عندي شركة استثمار عقاري واكبر وانجح بيها بس المشكلة مش عارفه ابدا منين وازاي حتي الشغل في الشركات عاوز ناس عندها خبرة

مين فرحان ان رمضان قرب اللهم بلغنا رمضان♥😍♥

مما لا شك فيه فيدبو احترافي بكل ما تشمله الكلمه . وطريقه اعداد مونتاج تصوير تحفه لكن اختيار شخص هو كدة كدة معتمد ع اهله وفلوسهم هو متولدش مكافح .. هو جازف بشويه فلوس من اهله وخلاص وربنا وفقه والله انا لا حاقد ولا ناقم بس الناس اللي بتعتمد ع اهلها الاغلبيه منهم طبيعي انهم ينجحوا لانهم معاهم اللي يأمنهم من مخاطر الفشل زيه زي نجيب ساويرس زي احمد عز .. الخ وياريت كمت قلتله الناس تجيبلك cv's مش ازاى نجحت انا مشفتهوش اسطورة ونجحت يمكن هو فعلا مكافح لكن هو معاه اهم عامل اللي هو الاهل ورأس المال ميرسي ليك ع الفلوج المحترم دة ومتفهم جدا ان اختيارك للشخصيه هو بناء ع شخص وسيط .. وياريت لو قابلت اي حد من الفئات دي خليهم يساعدوا الشباب اللي عايز وظائف

بصراحة هو شاب محترم جدا ربنا يوفقة بس بردو هو كان يملك كل مقومات النجاح من قبل ما يبدا

بجد يا كريم انت فخر للمصريين ❤️

الفيديو اكتر من رائع ياريت تقابل ناس زيه فى مصر وجميع أنحاء العالم

ممكن حضرتك تعمل فيديو عن كيفية انشاء قناة على اليوتيوب واي متوسط الدخل للمبتدئين لايك يا جماعة عشان يشوف

مجهود يشكر انو عرف يحافظ ويطور الشغل بتاعهم بس من الصعب انو يوصل لده كلو بمجهود شخصي

حلقه جيده جدا الحقيقه محتواك مميز و يسلام بقا لو تبقا سلسله كبيره عن الناجحين في مصر لان الناس اللي في الجامعه محبطين و الله ياكريم😅

انت احسن يوتيوبر يا كريم و الله انا بستفاد من الفيديوهات اللي بتنزلها

حقيقي معلومات قيمه

ربنا يبارك ويزيد أن شاء الله .. بس صيغه السؤال مفرود غير كده كريم لان ده عائلته تمتلك الشركه قبل ان يولد 🤗 فيكف تقول اصغر مليونير في مصر ، تحس من صيغه العنوان أن بداء من الصفر .. وانا اثق في قناتك واثق في شخصك الكريم .

والله حاجة مؤسفة الناس اللي بتعمل dislike ولا حتى اصلا شافو المحتوى.🤔

ربنا يوفقك أدى الناس ايلى تفرح

اللهم إني استغفرك وأتوب إليك لي ولوالدي وللمؤمنين والمؤمنات وللمسلمين والمسلمات الاحياء منهم والاموات

لو نلاحظ انه اي مشروع فتحه بنفسه مكملش فيه 🙃🙂 ومكملش الا في مشروع العيله اللي مش هو اللي بادءه ولا موله ولا دعمه هو استكمل المسيره . ودي اغلب حالات الناس الناجحه في مصر . انا هنا مش بنكر مجهوده هو علشان ينجح في تكبير شغل عيلته ويفضل مكمل ويطوره ده انجاز ولكن مهواش الشخص العصامي اللي يقدر يستفيد من تجربته شخص لسه في مرحلة الصفر ومعندوش بزنس عيله

الغالي انت جايب شخص عظامي مش عصامي الأفضل يكون شخص عصامي عشان يعلي المعنويات ومع ذلك بنشكر مجهودك وانك عايز تفيد الشباب. تحياتي

والله احسن وحد شفتو يتيوبر متنوع في فديوهت وده حاجه حلو انا والله بستنه فديوهتك كل اسبوع ❤️❤️❤️❤️❤️

فيديو حلو جدا و حلو النوع دا من الفيديوهات بس هو قال لازم يكون عندك وقت لكل حاجه و مذكرش ربنا و لا الصلاه ... و انا شايف دا اكتر نجاح في الدنيا ممكن تعمله و ك شخص ناجح زييه كان المفروض ينوه عليه

اول فيديو يقلش منك اوي كده فيديو سئ جدا علي عكس المتوقع راحل شغال في ملك ابوه وبتسأله نجح ازاي!!

مش دا هو الشخص المناسب الي تعمل لقاء معاه لأن هو ورث شغله من اهله ما بدئش من الصفر يعني وما كانش فقير

بجد أنا معجب باختيارك المبدع ما شاء الله لمواضيع فيديوهاتك كل أسبوع .. محتواك قيم .. استمر

جامد جدا يا استاذ كريم...وفي نجاح دايما باذن الله وياريت حضرتك تزود من ڤيديوهات اللي زي دي اللي حضرتك فيها بستقبل فيها ناس عندها خبرة في السوق بشكل عام

كريم احنا طلبة هنا فى اوروبا وخصوصا فى المانيا و الجالية هنا كتير جداا وعايزينك تعمل معانا فيديو ازاى الناس تسافر وتقدم على المنح ازاى او تسافر بفلوسها ازاى والحياة هنا للطالب شكلها اية لو حابب ممكن ابعتلك ايميلى ونقدر نتواصل

هو زي ما فيه ناس أهلهم معاهم ثروة وضيعوها دا قدر يستغلها ويكبرها بس دا لا ينكر حقيقة إن أهله ساعدوه كتير لولا هما كان لسه مهندس عادي زيه زي شباب كتير لسه بيحاول يبدأ من تحت الصفر

ربنا يباركله يا رب ولكن تعليقي أن المهندس أحمد لم يبدأ من الصفر ولكن إمتداد لعمل العائلة وبالتالي ربما البداية لا تشبه معظم بداياتنا التي تقترب من الصفر

شكرا جدا لحضرتك على كل اللى بتقدمه 💛💛💛

صراحه دا راجل مجتهد ومكافح بغض النظر بقا ان هوا شغال مع الاسرة بس هوا اشتغل لوحده من الاول و حاول وقع وقام فا ربنا وفقوا اما بلنسبه لاستاذ كريم فا بجد شكرا ليك علي محتواك الهادف والجميل وانت كدا بتساعد نااس كتيير بجد شكرا ليك وياريت الفيديوهات تبق اكتر❤💛

للأمام ياكريم .. أهم شئ فى محتوى فيديوهاتك تنوعه .... فكر فى مقابلة واحد يكون زى الحاج عبدالغفور البرعى .. طلعها على السلم ..مش بالأسانسير مع كامل إحترامى لشخصه ..

فعلا يا كريم بتبهرني كل فديو من عظمته ❤️

حاجة محترمة جدا اكيد .. بس الفكرة يا كريم انك قلت مشروع حد زينا في سننا .. البشمهندس معتمد برده على بيزنيس العيلة ودي حاجة كويسه بس مش دا المقصود .. اتمنى متضايقش من تعليقي بس مش دا اللي الناس تقصده .. تحياتي طبعا للبشمهندس وشغله ومشروعه .. وبالتوفيق بإذن الله

ماشاء الله اللهم بارك ربنا ينجحنا جميعا وييسرلنا الحال امين يارب

جمدان يا كريم بتجدد وتفيد وربنا يبارك للي معاك وليك ولنا

أجمد يوتيوبر هادف باكتساح و صعب اي حد ينافسه ❤️❤️❤️❤️

بجد حلقه جميله وفيها من الحافز ومن الطاقه الايجابيه الكتير وكمان مجال شغلنا واحد المقاولات والتطوير العقارى مكملين لبعض

و الله مليون مشترك قليل عليك جدا و الله المفروض فوق ١٠ مليون ♥️♥️

انا متابعاك من بداياتك .انا حصلى حادث حرق بنسبة 20% وفى طريقى للتعافى لكنى محتاجه دكتور جراحة تجميل لمتابعه حالتى وعمل الازم ولكن دا مكلف جدا ودورت على حد يقسطلى مفيش فلو تعرف حد يقدر يساعدنى يبقى جزاك الله خير ف اولادك