بحب البرامج دي قوي قوي...الله يرحم منهم من انتقل لعالم اجمل ويرحم من يعيش بعالمنا ويهنيه بالخير والفرحة. يا رب كما اسعدونا أسعدهم دنيا وآخرة. يا رب فرح كل من بسعد غيره وارحمنا ممن يفترون ويعتدون ...الحمد لله اني عاصرت حاجات في حياتي حلوة تركت عندي ذكرياااات جميلة.
كان الراديو يشتغل من قبل صلاة الجمعه لحد بعد الصلاة بساعه ونسمع اجمل واحلى البرامج ونتجمع علي العصرية واحنا مستنين الغدا قدام التليفزيون بنتفرج علي فيلم قديم الله علي الايام الجميله واحنا في حضن امنا وابونا ويلمونا حوالين الطبليه لسه لحد النهاردة وانا اتممت عامي ال ٤٢ لسه كلام ابويا بتردد في وداني وهو بيقولي كل سلطة علشان مفيدة ليك لسه كلام امي بتردد في وداني وهي بتقول لاخويا كل اللقمه دي علشان متجربش وراك في الجنه الله علي دي ايام كبرنا وعجزنا يا امي كبرنا وضهرنا انكسر من بعدك يا ابويا الله يرحمكم
ولم يكن هناك لفظ خارج يحرض علي الانحراف. اما اليوم فمن يتكلم بغير الخارج كما لو ان هذا الزمن عكس ما كنا نسمعه. والله من كثرة علو الخطأ استحي الخيرون فعل الخير بالعلن. مقولة لن ينساها قلبي ومسمعي( ان المصائب تأتي بالأقوياء والاقوياء يأتون بالرخاء وان الرخاء يأتي بالضعفاء وأن الضعفاء يأتون بالهوان وان الهوان بالمصائب جلاب وهكذا تستمر الدورة بأزمة مختلفة وكل زمن ومنه أناس للنار وقود وللجنة قليلون جدا جدا. وليثبت الله ايمانننا. ويرحم آبائنا وأمهاتنا وأمواتنا ويرحمنا ويغفر لهم ولنا ، أمين يارب العالمين
إذاعة الشعب من القاهرة ... البرنامج العام ( إذاعة الجمهورية العربية المتحدة ... إذاعة جمهورية مصر العربية من القاهرة) كنا ننتظر ساعة لقلبك بعد صلاة العصر فى رمضان ... وفى السهرة إذاعة الشعب ...وسهرة صوت العرب والعالم من خلالهم وصبرى سلامة ع الماشى وزيارة لمكتبة فلان
احلى ايام وكان الكلام مهذب اووى اسلوب راقى واستاذ فؤاد المهندس كان اسمه محمود انت جايت يامحمود مش تاكل يامحمود اطبيخلك ايه يامحمود كل سنه وانت طيب عشان شم النسيم يامحمود نحمده