وعليكم السلام ورحمه الله وبركاته ارحب يا ابو فهد علومك غانمه وسوالفك طلقه والله يبيض وجهك والله اني استانس لما شفتك الله يحييك ويديمك ويتم عليك الصحه والعافيه ابيض وجه
زانت علومك يابوفهاد وبيض الله وجهك لكن ترا اكثر المشاهدين ما يعرفون الحيد (الحيد الحصا الحجر ) الله يعوض شيبانا بالجنه في القيض وفي عز القايله ركبهم ابل ولا رجلي واذا جا العرب شبو الضو وصلحو قهوه حاره مره زود على القيض والقوايل والحر اللي يحسبه ينطحونه القهوه الحاره الله يرحمهم عاشو في صلف وكلف وتعب وشقا رغم ذا رحمة الله عليهم اهل( دين وامانه وصدق وشيمه ومروه وفزعه ) يقول الشاعر سليمان الهويدي العنزي تذكرت شيبان لنا يوم حنا بزور يحثونا بالطيب والفرض والسنه فقدنا حيات البدو مع شوفت المظهور لا عاد به بدو ولا طرش له حنه
يامرحبا يابوفهد مشاكل البداوة مرت علي وخاصه رعي الحلال في رمضان وقت القيض وكان اللي ينام في ضلال الشجره وهو عند الحلال يشال ويحط في جوف الشجره ويسحب من كراعه من شأن ماينام ثاني مره
