لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" سنابي "
/ u511a
فهاقات
للمالك :
فهد بن شريّد ابوخشيم الشاطري
كلمات قرناس الشاطري
ل مطير حبً في ضلوعي وتقدير
كل ابلجً راسه قوي من عناده
يابن شريّد وش تمنى ي الامير
خل الشعر عندي وعش في سعاده
سيف الملك يبغى مثل سالم الزير
والعزم لااهل الحزم واهل الاراده
اللي يبى الاول يجيه من الاخير
الرقم واحد للمطاليق عاده
راعيه دونه م يسوق المعاذير
يقلط على الجزله وياخذ مراده
ابو خشيم معشي الذيب والطير
يستاهل التقدير قبل الاشاده
والصفر والله هي عيون المغاتير
ودك تلبس كل وحده قلاده
الروس مشالله فخامه وتاثير
واللحي يمكن شبرتين و زياده
سبالها تومي على خدتنً غير
والني فاهق والحلا ف ارتداده
تشعى ملوك الارض قبل الجماهير
فيها ولع زايد وخفه زياده
اليا اقبلت مثل المزون المحادير
واللي جنبها ماتعرف الهواده
مايضرب الميدان غير المناعير
وعين الضعيّف مثل عين الجراده
نار التحدي شبها نافخ الكير
وجهه تقول ممردغه في رماده
يابن شريد دامك ممثل مطير
الرقم الاول مايروح شداده
'
يافهد يابن شريّد تدري اني غير مضطر
امدح اللي ماينومس لابته في كل هـيه
ابتجح يابن شريّد واحمل المجد المسطر
وارهج الميدان ب الصفرا الشناح النخبويه
والله اني في لزومك ياابن عمي م اتشطر
وقفتك حقاً عليك و وقفتي دونك حميه
اسمك ينومس مطير و ليت نص مطير شطر
اضرب البيدا ب بذودك واترك الباقي عليه
لين عدوانك يجيهم من مجيك ضيق خطّر
والفحل يرجع يشاول ب ذنبه مثل المطيه
الملك سيفه يبي بوشً عليه الزين قطّر
وانت راع البل و لا ابغى ف الحقيقه عنصريه
مدحتك مثل القراح الحلو والشهد المقطر
في قواميس القوافي والمعاني النرجسيه
صايم عن مدح غيرك مدح غير ك مايفطر
ماانت عندي ب اي فارس وانت خيال العبيه
سمعتك ب الطيب فاحت وانجبت صيتً معطر
و نار مجدك تلتهب في قمة المشراف حيه
ما يداوي قلبي اللي من سنتين متفطر
غير فوز اللي من الحرة نوى نجد العذيه
'
'
اشتريت اللي توردك النخب يابن شريد
وانت راعيها ولالك مركزًا غير الصدراه
معك صفرن ماتشابه غير صفر احمد قعيد
من وقف قدام صفر مطير ياقرب انتحاره
يافهد وانا اعرف انك من هل المجد المشيد
وادري انك دون ميقافك ماصليت استخاره
ان بطشت ابطش بقوه وان عفوت العفو جيد
وادري ان البطش بعض احيان نوع من الشطاره
وانت عبد الله لحاله م انت عبد لكل سيد
علم اللي فالصياهد فالتحدي شب ناره
صبّح الصيهد وخل اللي معارض والمويد
لونفضت حسابك اللي تملكه ماهو خساره
اعرف ان الدين عزاً للطليق وللمقيد
والمزاين صار لاابنا الباديه وابنا الحضاره
وان عطاك الله عمر ب تزود و تسود و تسيّد
ومن سعى في ضيق صدرك ماسعى غير ل دماره
سامح النمام واعرض عن مكيدة من تكيد
الحسد والحقدد للفيران عشاق القذاره
والقلوب السود حتى ماينظّفها المبيّد
والقلوب البيض نشكرها على حسن الاداره
تابع الغرات صيده للضعوف اللي تصيد
من فضح له مسلمً غافل كشف ربي ستاره
السنين تبيد اللي يحسبنه م يبيد
لامسكته ماتفكه قبل م تنفض غباره
فالك التوفيق وانت ان كان لك نيه تعيد
خل عيدك بعد فوزك في ديرنا ياخو ساره
فالعمق يوم العمق تاريخها ماهو محيّد
ديرة ربوعي بني شاطر متيهة الحواره
23 сен 2024
