أولا بهنيكون على الحوار الرايق تانيا أبدا مش صحيح كلام الإستاذ سيرج ومخالف للحقيقة وما بعرف على شو بنى كلامه وإذا كلامه صادر من نية صافية فأكيد هو ما زار مناطق تواجد الحزب إن كان بالجنوب او الضاحية او البقاع وغيرها أنا إنسان من الجنوب وعايش بالجنوب وتفكيري علماني والناس عايشة بهالمناطق ما حدا بيفرض على حدا شي لا ولاية الفقيه ولا غيرها وولاية الفقيه هي فكرة متل أي فكرة ممكن يؤمن فيها أي إنسان وعنا حرية التعبير بهالمناطق اكتر منكم وكتير أحيانا ننتقد وبشكل علني الحزب وما حد بيتعرضلنا وبتلاقي المتدينين وبتلاقي أصحاب الحفلات وإذا انزلت على شواطئ البحر بالجنوب بتلاقي المحجبة واللي لابسة مايوه وما حدا بدايق حدا عكس مناطقكم يا إستاذ سيرج وبحب قللو للإستاذ سارج انو معظمنا بهالمناطق متدينيين وعلمانيين مع المقاومة قلبا وقالبا ومنحترمها ومندافع عنها لأننا مؤمنين فيها وهي أملنا بحمايتنا من الإحتلال
الاستاذ سيرج مع كامل الاحترام الو ما بيعرف عن الآخر شي وعميحاول يخلط كتييير اشيا ببعض وبشكل غير موضوعي ، نصيحة بدو يتعرف ويعاشر الاخر ليقدر يحكي عنو كل شي تفضل فيه بعيد عن الواقع مع رشة نكد سياسي من باب الزكزكة. وباكد على احترامي لشخصو الكريم.
حكيك بلا طعمة عم يحاربو حتى العالم تسهر 😂😂عم يحاربو وما حدا بيعرف ليش ؟؟لا تحرير شبر من لبنان صار وهدمو الجنوب متل ما هدمو غزة ،خلصنا مسخرة وكذب على العالم البريئة 😢😢
