🔴 قصيدة: گالوا فاز
🟡 من ديوان: #شلهوبيات
🟢 سجاد جدعان
لمن يرغب بمتابعة منصات الكتابات
💙 فيسبوك:
/ 27.saj
💛 أنستگرام:
...
💜 تيلگرام:
t.me/sajaad_27
💚 تيك توك:
www.tiktok.com...
گالوا فاز وﮔــليــبي شعل ناره
من المصدر أجتنه الليلة أخباره
*** *** ***
فوز براحتك وتهنه بالمنصب
ومعدان العشيرة بكيفها تلعب
وهو بلايه كلشي وحده متكهرب
دگلي شلون من يصعد الجكساره
گالوا فاز وﮔـــليــبي شعل ناره
*** *** ***
رايد للنجف واشكي لبو الحسنين
واگله انباگ شعبي باسم هذا الدين
صعد للبــرلمان السته والخمسين
ولا شفناه لا ســير بــتــسياره
گالوا فاز وﮔـــليــبي شعل ناره
*** *** ***
قبل الفوز يبچي مگابل الوادم
وي زغير وي چــبير يتسالم
تأمروني أمر الكم انه خادم
اشو نگلبت الاية ويگطف أحجاره
گالوا فاز وﮔـــليــبي شعل ناره
*** *** ***
اخذ خصم الحچي واسمع توالية
شعب نصه بحزب والبعض لوگية
و لهذا السبب حكموا حرامية
أبد متصير الكم ياشعب چاره
گالوا فاز وﮔـــليــبي شعل ناره
من المصدر أجتنه الليلة أخباره
*** *** ***
#سجاد_جدعان
/13/5/2018/ 📆
20 сен 2024