آية عاشتها الروح تتأمل في اللي فات فيها لاقيتني باروح في سحابة ذكريات أيامي اللي مشيتها بتكلمني عليك وتقول إنك بديتها وحياتها بين إيديك ولقيت وياك في الرحلة معاك فيض الإحسان والرحمة كمان أبدا ما اتخليت عني كنت قريب دايمًا مني رغم عيوبي وضعفي لكني شايف حبك ليّ آسرني قبل بداية عمري وسني كانت لحظة قربك مني كانت إيدك بتكونني جنب جروحك كنت راسمني ولقيت وياك في الرحلة معاك فيض الإحسان والرحمة كمان كام مرة وكنت باغيب عن دار الحب وأتوه وأشعر وكأني غريب وكابن احتاج لأبوه وصوت يقوللي ناديه وصوت ياخدني بعيد وايد تاخدني إليه ما هي نفس الإيد وألقى روحي عند الصليب ولجروحي ألقى الطبيب والرحلة تعود مليانة وعود فيض الاحسان والرحمة كمان في بكايا وأسايا ما لقيت إلا انت معايا بتجيني تواسيني وجروحك ليّ عزايا وألقاك إنسان داري بيّ وإله مليان حنية وجروحك ليّ عزايا وكلامك ليّ شفايا أناتي ألاماتي لو مُرَّة بلاقي نهاية في صلاتي وطلباتي ولا مَرَّة رفضت ندايا يا يسوع طول ما أنا وياك في الرحلة معاك هالقى الاحسان والرحمة كمان ياما الشر حاصرني وياما اتحداني الأشرار وألقى الشر بيحني الهامة قدام الجبار تديني الانتصار وكأنه ده انتصاري وترد الاعتبار وتقوللي ده اعتباري عليت الراية وعليتني بإيدك يا يسوع فوق جبل الصعب ومشيتني واسمك مرفوع تديني الانتصار وكأنه ده انتصاري وترد الاعتبار وتقوللي ده اعتباري (هللويا)3 يا الهي البار ولقيت وياك العز معاك ويَّا الإحسان والرحمة كمان أيوه فاكر عمري ما أنسى اني عمري ما اتنسيت جوه قلبك ليّ مرسى أصلك انت اللي اشتريت قلبي ليك عمري ليك يا يسوع انت الحكاية والبداية والنهاية قلبي ليك عمري ليك هافرح وياك ولحد سماك هالقى الإحسان والرحمة كمان رحلة فيها ذكريات مكتوبة لك ترنيمات زي ما فيها دمعيات برضه فيها تعزيات رحلة فيك رايحة ليك رحلة فيك تحلى بيك لحظة عمر بعيشها معاك هي العُمر يكفى حياتي اني أقضي معاك رحلة عُمر دي رحلة فيك رايحة ليك رحلة فيك تحلى بيك يا يسوع انت الحياة والطريق اللي مشيناه ولحد سماك في الرحلة معاك هالقى الإحسان والرحمة كمان
الكلمات والصوت والنغمات واللحن حالة خاصة تاخذك علي سحابة تبص من فوق علي شريط طويل من الذكريات اهم ما فيها لو راجعت بذاكرتك تلاقي فعلا ان اللة كان موجود فيها لحظة بلحظة شكرا ٌاستاذ ماهر علي صوتك ونغمات عودك التي تجعل الانسان يتذكر يد اللة كانت من زمان موجودة مما يسهل قبول الجديد و السير فية بلا خوف
يسوع انت الحكايه والبداية والنهايه هافرح وياك اروح لسماك مشتهي القلب انك تقبلني كل الرحله كنت امين وانت فيها مهما كان الالم انت المحب والمحبوب الرجاء والامل الستر والتغطيه رحله فيها ذكريات واجمل الذكريات كلها تعزيات وطبطبه حنيه لاتوصف اب واخ وصديق ورفيق لايتغير مهما طالت السنين حبيبي لايتغير
