العيش الكيزر: نص كيلو دقيق. معلقة كبيرة خميرة فورية 10جم.معلقة صغيرة ملح.معلقة كبيرة سكر.معلقة زيت نباتى.2معلقة زبدة.كوب وربع حليب .بيضة اعجنها وتكون بتلزق فى الايد على خفيف واسيبها تخمر ساعة واكورهم واسيب مسافة بينهم واسيبهم عشر دقائق وبعدين ادهن الوش بنص بيضة عليها خل وارش سمسم مطحون على الوش والتسوية 20ق على درجة حرارة 180فى فرن تم تسخينه وبعدين نحمر الوش تحت الشواية البرجر: نص كيلو لحم مفروم ناعم جدا.م ص ملح .فلفل.بابريكا.توم وبصل بودر.م ك صوص باربيكيو .نص بيضة اعجنه زى العجين ناعم جدا واشكله على غطا برطمان عليه كيس بلاستيك والتسوية على شواية سخنة مدهونة بالزيت أو طاسة سخنة مدهونة بالزيت واهدى النار واغطى بغطا علشان تستوى وبعد مايستوى نضع قطعة جبنة على كل واحدة برجر واغطى بغطا الصوص:كاتشب على مايونيز على معلقة مسطردة
لازم قبل ما انام اتفرج على حضرتك برتاح نفسيا جدا و بتدينى طاقه ايجابيه والله من الاخر حضرتك بقيتى من الحاجات الجميله اللى بعملها كل يوم ف وسط قمية الطاقه السلبيه اللى حوالينا ف كل حته
سيبك من الوصفات انت انسانة جميلة ومحترمة وفوق كل ده شاطرة ومتميزة عندك اسلوب محترمة ولبسك شيك ومحترم وتستاهلى كل خير ربنا يوفقك ويباركلك فى عيلتك ودارى على شمعتك تقيد ياست الستات
بجد انا مكنتش يشوفك خالص بس بعد ماشوفت ليكي كام فيديو بقيت مدمنه لازم يوميا اشوفك اسلوبك وادبك وطريقتك وشياكتك شدتني لازم اول ما انزل مصر ان شاء الله اقابلك باذن الله لاني من القاهره زيك تسلم ايدك بجد واشوفك في تقدم دائم
ماشاء الله عليكي نور كل وصفاتك ممتازه أكثر من رائعة انا بخربها البسكوت والكحك والبني فور والغربيه والمينى بيتزا كلها جربتها ممتاز جزاكي الله كل خير اختي الغاليه 💖
خرااافه بجد احسن من المطاعم واشيك من كل برامج المطبخ💕والله ربنا يسلم ايدك ويبارك فيكي ويكرمكك علي مجهودك وذوقك وشياكتك 💝بنتشرف اننا بنتايع قناتك فعلا❤️
تسلم ايدك وتعبك بجد شطوره جدااا ما شاءالله شكله حلو اوي وبالتوفيق والتقدم والازدهار للقناه دائما في كل مكان وربنا يوفقك يا رب العالمين يعطيك العافيه والصحه ويسعدك ويصلح حالك ويفرحك دائماً ذى ما بتفيدينا وبتقولي الوصفه من قلبك وبنطبقها وبتطلع روعه ربنا يجزكي بكل خير وسعاده يا رب العالمين
