في العشاء باديٍ عالي النفود ....... لا سقى الله علينا مراحٍ له يوم جيته فـ جن العبار ورود ..... دمعتي فوق الاوجان منهله 😢 اشرب الماء وكنه يرده عود ...... واتصبر وكني على مله كن في صدري عج ورجف رعود ...... في مقاديم صيفٍ على على حله زاع قلبي كما زوعة البارود ...... وفاح صدري كما فوحة الدله ياوجودي على ابو عيونٍ سود ...... وجد من طاح والجيش قد زله سِعد من هو خبر صاحبه موجود ....... لو كسيرٍ ويصبر على شلّه جاب علمه لنا الطارش المقرود ...... جعل موتٍ خذا الناس يندله للشاعر محمد بن فهاد ال بريك الدوسري
وقصيدة مسفر بن مشني ال راكه اليامي قال القصيدة وهو اللي بداها من اولها وقالها قبل اكثر من ١٩٠ سنه والبريكي ذا ومعه ثنين خذو من قصيدته ذي اكثر من اربع بيوت من قصيدته ذي
هاذي القصيدة قديمه للشاعر فايز ابن حمدان ال مسلّم الأثلي الشهري من بادية بني شهر والقصيدة انتشرت ولا يعرفون منهو راعيها واكثر الشيلات كاتبين كلمات فلكور شعبي
هاذي قصيدة مسفر بن مشني ال راكه اليامي قبل اكثر من ١٥٠ سنه واللي تقولون عنهم الدوسري والفهادي ذولا غنوها بعد ماتوفى مسفر الله يرحمه ولا القصيده لـ مسفر بن مشني ال راكه اليامي فلا حد يقول انها لدوسري ولا الفهادي ويحط قصايد لناس ماهي بلهم القصيده ذي لمسفر بن مشني معروفه وسلامتكم 🤝
الأبيات مأخوذه من قصيدتين ( اشرب الماء وكنه يرده عود ) ( واتصبر وكني على مله) ... لشاعر المرحوم ناصر ابن دوغان ال مطارد اليامي ( يا حمام ن يغني بعود الراك) ( هاضني وانزل الدمع من عيني) .... لأبنه الشاعر المرحوم سعيد ابن دوغان ال مطارد اليامي