سفة الروز بنيسلي لذيذة ومعلكة والأهم سريعة التحضير 

السلام عليكم ورحمة الله وبركاته
سفة الروز بنيسلي لذيذة ومعلكة والأهم سريعة التحضير كتوجد في نصف ساعة
سريعة واقتصادية وبدون مجهود وكتجي رووعة
طبق يصلح للضيافة وأيضا من باب التنويع في الوجبات والوصفات مرة مرة نحضرو مثل هاته الأطباق
المقادير تعطي 2طباسل السفة أنا كنعطيكم لطبق واحد وأنتم ضاعفو الكمية حسب الرغبة
500 غ روز أصفر مغسول
120 غ زبذة مذوبة
كأس مملوء نيسللي
معلقة صغيرة ممسوحة ملح
رأس معلقة صغيرة فانيلا
عنب مجفف أو الزبيب المغسول بماء مغلي
واللوز مقلي ومهرمش للتزيين مع القرفة
أول شيء نذوبو الزبدة في طنجرة الضغط ثم نضيف لها الروز والملح ونخلط الكل ثم نضيف الزبيب و نغطي الروز بماء غليان يغطي الروز ب2سنتيمتر نقفل الطنجرة ونحسب لها 30 دقيقة ونطفي ونخليها تبرد إذا لقيت الروز طايب فذاك وإذا خاصو الطياب نضيف الماء ونخليه يطيب 5 دقائق إضافية ثم نضيف نيسللي والفاني ونخلط الكل ونزلو في طبق التقديم مزين باللوز المجروش والقرفة وبالصحة و الهنا
ممكن الي مابغاش نيسللي يعوضو بالسكر الصقيل والحلاوة حسب الذوق