والله راكي غالطة عندي شخصية قوية بالبزاف وطحت في ناس آلله يحفظ ويستر وجوههم غاسلينه حتان يكفروك ويخرجوك من رحمة ربي وتقلبلهم العقلية تما باش تحطيلهم حد باش يحشموا آلله لا تربحم
يا حبيبتي glam dz ماتغبريش علينا راني نحسك فيك كي شغل ملاك بعثو ربي ليا باش يفطني من السبات لي كنت عايشة فيه راني نستنا فيديوهاتك بفارغ الصبر انا متتبعة من بجاية نشاء الله تقراي تعليقي طلعولي التعليق باش اتشوفو من فضلكم يا ابناء و بنات بلادي
Khti malheureusement la3rossa de fois tsayi takseb la3djouza mais la3djouza mat9ayamhach ou tchanaf bzf 3liha pour rien .ki n9oulak pour rien c vraiment pour rien .même diri wech diri yalouken thatiha fou9 rasak ou tadjri biha. 3andha ghir bnetha li mleh. (Quelque belles mère pas tous bien sûr )tout le respect à toutes les mamans
كلامك صحيح مئة بالمئة لازم متديريش الثقة فحتى واحد خاصة مرت لوسك و لعجوزة تلعبها كي تشوف وليدها بلي تحب عروستها و كي يخرج تولي تشنف وتحوس على المشاكل و كي تحكي لراجلك يقولك اواه يما تحبك .... اللي يظلم يجي اللي يظلمو و باب الشومبرا لازممممم يتغلق كنا بالنية نخلو لباب محلول و جاو بنات ضرك دخلت لبارح صبحت تسكر في بابها بالمفتاح ربي يصلح لحوال و يبعد علينا ولاد لحرام و وجوه الشر
انا امي شرطت على اخي انو العروسة ما تسكنش معاها، قاتلو روح اكري، حابة نقعد حرة في داري، العروسة سمعت الكلام ما عجبهاش الحال، حبت تسكن مع امي، واش هذا التناقض ،ياخي تحبو تسكنو وحدكم.
لالا اختي انا بنت عمي شخصيتها قوية جدا و واثقة من نفسها لكن راجلها مايقدروهش ماليه صافي هيا تان والله مايقدروها كي ماليه كي خاوتو صافي الراجل هو الصح ايدا عندك سبع دايرة قيمة لنفسو و ماليه يقادروه والله غير يقادروك بلا مزيتهم
ماشاء الله بدون اطالة اعجز عن وصفك انا امراة مت زوجة ادعو الله انيتقبل دعاءي وتستجبين لطلبي وهو التصال بك لانني بحاجة ماسة ااخت مثلك ليس للصداقة بل لحاجة امس وهي المشورة بل انا بحاجة ماءة اليها اذا تفضلت. اختي فيديوهاتك. اشاهدها منذ مدة لكن لفت انتباهي النصاءح وجدتك في القمة وكانك ذات تجارب خاصة في الحياة الزوجية ارجو ان اسعد بردك باذن الله
يا اختي هاديك الشومبرا ولات كوري الدراري فاميلتهم يظلو داخلين خارجين متكسلين فيها و السبب زعما يلعبو مع ولدي كامل النهار و هي عندي بنت لوستي و الله منلقا وين نتكسل عييت مليت
سلام أختي تعيشي ديرينا موضوع على الفرق في المستوى التعليمي إذا يأثر بين الزوجين وهل يأثر بزاف إذا كانت المرأة متعلمة ورجل غير متعلم أو العكس أو الحالة الإجتماعية يالي يكون عايشينها من قبل الزواج هي أهم في أقرب وقت أختي .
انا عجوزي طيبة وتحبني ولكن بناتها يدورولها رأيها دايما ولكن مخليتلهمش الفرصة ولكن الان. مراناش نروحوا عند عجوزي نفطروا ولا نتعشاولا حتى قهوة رانا قريب 9شهور مرحناش و هذا سباب بناتها يحرشوها و كي يقولها زوجي غادي نجي عجوزي تحشم و تقولوا لا خوتك يزعفوا اذا عرضتك او معندي والوا حتى حنا فهمنا روحنا اما انا راني كل مرة نجيب عجوزي عندي تتعشى ونقلشها و وحد الشهر جبتلها اشهى الاطباق متنوعة و رحنا تعشينا عندهم و رجعت لداري و حسيتها فرحت. بناتها غيارات و محسدات انصحيني اكثر اختي .نموت عليك. وربي يوفقك
@@GLAMdz وشبيك أنت ما تقاطعيهمش تدخلي النار بسبابهم راكي من نيتك!!!؟؟؟ ، هما ماهمش من صلة الرحم العلاقة بينها و بينهم علاقة مصاهرة ، صح مالازمش تحرم ولادها و لا زوجها من زيارتهم بصح هي لا علاقة
كانو يغلقو البيبان عليى او نهار غلقة بابي قلبو على الدار او علقتها مور الي صبت السحاحر يالطيف ربي وكيلهوم عجوزتي كانت تقولي فالصيف قاليل خلي بابك مفتوحة او شرعيها باش يدخلك الكوغونداغ خرجت من عندهم او ماندخلش روحي فيهوم بصح مأثرين في وليدهزم بزاف او محرشين. عليا
سلام شكرا على الفديوهات من فضلك أحكيلنا كيفاش نقدرو نهدرو على السكنة مع الخطابا او الخطيب للي تحب تسكن وحدها حتى نتجنبو سوء الفهم لأنو الكثير يفهم أنك ما تحبيش والديه لما تقولي نحب نسكن وحدي.
راني نسمع فيك و كي هدرتي على البيت لازم نغلقوها انا درت غلطة كانوا كي يجو لداري مانغلقهاشش و لحققو لدرجة وين يدخلو بلا استئذان وعلابالي يحبو يقرعجو و المشكل خفت نرجع نغلقها كي يجو يقولي راجلي كفاش ختك تدخل نورمال و خواتاتي و يما لالا مع اني نسكن وحدي ولا كفاش داركم يدخلو لبيتك نورمال وواهلي لالا وش تنصحيني نجاوب
يرحملك في يماك ديريلنا كيفاش نتعاملو مع العجوزة انا صايي عييت و مقدرتش انا خدامة و ران حامل و حاجة مديرهاش معايا اقسم بالله نخرج م لخدمة ع 12 ننلقاها تتفرج ... نوجد لفطور نعيطلها تفطر وعلى ربع و نص نخرج م لخدمة نلقاها متكسلة نطيب القهوة و جي تشرب و تولي ترقد اقسم بالله الطابلة متمسحهاش و تزيد تقولي جيبلي الماء نشرب.... لكان جات مريضة الله يسمح يا ربي و الله بصحتها لباس بيها ... تعيشي قوليلي كيفاش ندير .
كي تخرجي عند 12 ديري روطار ما تدخليش لدار بكري و اذا قدرتي قولي راني مريضة و قعدي فالخدمة ما تروحيش . ما تجيش في نفس الوقت دائما باش دير لفطور علاخاطر ما تعرفكش وقتاش تجي. و اذا جيتي و فطرتي خطرات ديري روحك راكي روطار و خرجي تجري و خلي الطابلة موراك باش تتوالف تنوض. واذا كان عندك ولادك ديري السبة بيهم و عند 4 نفس الشيء خطرة على خطرة توالف و اذا كانت دار والديك قريبة تفاهمي مع راجلك قوليلو يما مريضة و لا بابا عيان اي سبب و كي تخرجي من الخدمة روحي قبل لداركم و ما تقوليلهاش خليها تستناك. خطرة على خطرة توالف و تولي تنوض بسيف عليها.
حبيبتي و كي تكون العجوزة عاقلة و ترونكيل بصح شخصيتها ضعيفة بناتها يحرشوها ويأثروا عليها ويحوسوا يتحكموا فيك عن طريقها كيفاش تديري تتحملي الذل على جال باش تكسبي عجوزتك ولا تخسريها على جال نفسك وكرامتك؟؟؟! والمشكلة راكي عايشة معاهم
هاداك هو النوع الواعر. حاولي تكوني وسط قدر الامكان. مرة ليك مرة عليك. لي تقدري تحمليها جوزيها. ولي فيها خطوط حمراء ماتجوزيهاش لكن حافظي دايما على الادب والاحترام
الله كلامك فيه الصح بزاف النيه والحذر الشخصيه القويه الخطوط الحمرا الحياديه ..... برافو. وشنو لعروسه فشهور الاولى لازم تصبر وتكون رزينه شويه لخطرا ماكانش لي ميدخلوش رواحهوم فيها ولكن بنسب متفاوته ومع الوقت رايحين ينساوها خاصه عندما تزيد تجي عروسه ثانيه و..... 💝💝💝تعيش ديرنا فديو على انسا لواس. لي ياديو لي خاطيتهم و مليحه مع ناس دارها
C la première fois nkoun parmi les premiers Commentaires hhhhhh mab9ach 3la 3ersi ed3ouli lebnat w li 3andha nasiha tkhalihali en commentaire je t'adore hanouna ❤
تعيشي ختي انا عروسة عندي شهرين راح نرجع للخدما درت تحويل فولاية الي راهو ساكن فيها راجلي حبيت تقليلي كي نخرج من دار صباح ونروح نخدم اسكو نغلق باب تع شمبرا بالمفتاح ولا كيفاش باصكو انا ساكنا مع عجوزتي وشيخي وخياتو وسلفتي في نفس الحوش
يا جماعة انا خطيبي ( راجلي شرعا بقالنا زواج برك) واعر بزاف مثلا اذا كان داير حاجة في راسو لالا معناها لالا طلعتي ولا هبطتي باش تقنعيه مكانش لا لا يعني لالا و اذا كثرتي معاه الهدرة يولي يقلق و يزعف عندو شخصية قوية و تاني مثلا اذا قالك حاجة و بغاك تقولي ايه و نتي تقولي لالا يقولك كيفاش تقولي لالا لازم تقولي ايه بالسيف متعصب يقولي انا راسي شاوي عييت معاه واش ندير هاذي هي لحاجة سلبية فيه لي نكرها و تعقدني تجيبي القنطة لباقي كلش فيه مليح مفهمتش كفاه نحيلو هاذ العفسة انصحوني لبنات و تاني كاينة حاجة دارنا وحدنا راهي واجدة بصح قالي نسكنو ساع في دارنا عام هكداك و لا عامين باش نروحَو نسكنو وحدنا 😑😑 قالي انا حاب نعيش هذيك لحظة تاع تعاوني ماما ( لأنها وحدها معندهاش لي يعاونها و بنتها صغيرة في الابتداءي) و نكونو قاعدين فطابلة نتي تحطيلنا لماكلة باش نبين لدارنا بلي جبت مرا تاع دار و ڨاع😑 مع العلم دارهم ناس مشاء الله محترمين و واعيين و كلشي يستاهلو كل خيير
Merci beaucoup ma sœur, ma belle mère toujours quand on parle, dans ça tête moi je ne sais rien elle dit toujours à moi fais ça , fais ça , je ne supporte plus ça me dérange beaucoup
Ana koulchi nhaslah fi rajli la kharajni ngoul houwa la chrali houwa aye haja ymad dahrah nchalah rabi yahafdahli gouli amin besah caracter ta3ah houwa li 3awani par respect habashoum chwiya mais ana nbayan bali khatini w nadhak wjamai khasart esk rani natla3ab wala ralta....pck defoi nekdab ngoulhoum madabiya nji m3akoum mais houwa ma khalanich w hiya ana ngoulah radi ngoul nta ma britch jawbiti stp khtiii
Bech nsalak rohi tjr ngoul houwa khir man ngoul ana w ygoulouli nti raki tahakmi pck s3ab w 3jouzti trirrr besaf hnina mais rayara alor ma nabrich nbayan 3aybi w ngoul houwa
ياختي راني في خمس سنين زواج ملي جيت عروسة دخلت بالنية و ناس داري كانو يبينولي غير النوايا الحسنة بصح غير جابو عروسة جديدة دارو عليا بلا سبة لوستي لكبيرة و عجوزتي معرفتش علاش ولات لوستي تكدب عليا و عجوزتي راحت معاهم فالخط راني كارية وحدي بصح مسلكتش من المشاكل و سورتو الغيرة كيما قلتي بصح انا الحل لي درتو قطعت علاقتي بمرت لوسي و لوستي غير شيخي و عجوزتي و خلاص علاخطر تقست بزاف و ملقيتش حل؟؟؟؟
احمدي ربي راكي وحدك. فيها خير كبير. لكن ماشي علاجالهم تدخلي للنار لا صلاتك ولا صيامك مقبولين لما تقاطعي اي انسان. حاولي تسامحي اذا ماقدرتيش اجبدي روحك شوية لكن ماتقاطعيش ابظا
قطعت علاقتي بيهم يعني ما وليتش كيما كنت معاهم نجمعو كيفكيف ولا فالتلفون بصح ندير معاهم الواجب و السلام تاع الله على الجميع و راجلي بالعكس شاف هاذي انسب طريقة باش يحافظ على دارو و مرتو من مشاكل هي في غنا عنهم