سلسلة العروس 👰 : الماكياج اللي ديته في جهازي 🤫 الماركات و الأسعار و نصائح تفيدكم 💋 

سلام حبيباتي و خواتاتي و صديقاتي شكراااا بزاااااف على تعليقاتكم الحلوة و الراقية اللي تعكس تربيتكم و أخلاقكم واحدة بواحدة و ربي يخليكم ليا و نتشرف بيكم و بدعمكم اللي من بعد فضل ربي و رضى والديا أي مكان نوصله هو بفضلكم ❤ لكن ... حبيت نحكي فواحد النقطة اللي لاحظتها و قريتها في بعض التعليقات أنو غلطت في نطق كلمة le fond de teint و le confinement و قلت في le ..la أول حاجة قناتي ولا مرة دخلت فيها حياتي الشخصية و تفاصيلي عكس صفحتي على الانستغرام اللي كل متابعاتي تقريبا يعرفوا عليا كلشي واسم نخدم واسم نقرى و واسم عندي شهادات حتى مرات نشارك معاهم دروس فاللغات ..قناتي على اليوتيوب محتواها الديكور و الجمال ليست لغات..... لكن راح نعطيكم نبذة عني للتوضيح فقط : أنا نورالهدى عندي 27 سنة أصلي مغناوية من ولاية تلمسان عندي : ❤شهادة في مجال الاتصالات La télécommunication ❤ 4 شهادات فمجال الديكور و خبرة لأكثر من خمس سنوات ... 3 شهادات Informatique bureautique + technicien en informatique + technicien supérieure en informatique ❤مع خبرة سنة و نصف في المستشفى الجامعي بولاية تلمسان CHU فرع الإدارة ❤شهادة مشاركة في دورة علم النفس ❤شهادة مشاركة في دورة لغة الجسد و التحاور و المخاطبة ❤شهادة مشاركة في المواد الصيدلانية و التجميلية ❤و شهادة تخصص في المكياج ❤عضوة مؤسِّسة في جمعية النور و الأمل بولاية تلمسان . و آخر ما قمت به هذه السنة أنو سجلت في جامعة تلمسان و تحديدا في فرع اللغات لغة ألمانية و في فرع Ceil لغة تركية و أتكلم ثلاث لغات بطلاقة درجة 90% لغة ألمانية . انجليزية . تركية و اللغة العربية 100 % و مانحكيش بهاذ اللغات في قناتي احتراما لمتابعاتي و لأني جزائرية عربية أغلبية كلامي عربي بالدارجة الجزائرية بعض الكلمات الفرنسية فقط بحكم التعوّد ... كااااامل هاذا اللي قلته ليس تفاخر لأنو كاااين نااااس أنا مانبانش معاهم حتى نقطة و مزال حاسة روحي ما حققت والوا ..... لكن حبيت نوضح لبعض الناس أنو مالازمش نخليوا الموضوع الأساسي و نروحوا للفروع أنا ماشي ضد الانتقاد المفيد أو الصحيح لكن الانتقاد الوقح في حياتي مقبلتهش و مراحش نقبله بغض النظر أنو ماللّي كنت صغيرة مانحبش اللغة الفرنسية و مازالني لحد الآن مانحبهاش لكن نفهمها و ننطقها جيدا... خطأ في قواعد اللغة هاذ الشي يخصني أنا ..... الناس اللي انتقدت الخطأ في الحرفين بنات بلادي للأسف ماشي فرنسيات محتوى قناتي باين و مفهوم و الحمد مفيد بشهادة الكثيرين يعني يا إما تتفرجي الفيديو يفيدك أو مايفيدكش انتاقديني على موضوع الفيديو ليس على اللغة .... لوكان مانحتامرش قناتي و محتواها و مشتركاتي ماتعبش نفسي و نجاوب كيما يديروا الجميع لكن أنا اليوتيوب و صفحاتي كلها بالنسبة ليا هي مسؤولية لازم نتحملها و نوقف عليها..... اسمحولي على الإطالة و نحبكم كامل ❤

بصحتك حبيبتي بالمشتريات شابين بزاف الله يبارك تستعمليهم بالصحة والعافية وياريت تتحدثين عن عطور لي تديهم العروس مع نصائح لشراء العطور وشكرااا

ياختي اول مرة نشوف قناتك الفيديو فيه 25 دقيقية والله محسيتلو هدرتك خفيفة ليه ليه تهدري وتفهمي كاين لي فيهم 5 دقيق برك مي تقتلك متجي تنطق الكلمة حتى تكرهي حياتك هههه مشاء الله عليك 😘😘😘😍

على قد حبي للمكياج و متابعتي ليك ❤ على قد حبي للغات نتمنى حبيبتي نور دريلنا سلسلة تعليم اللغة الإنجليزية جزاك الله خيرا عزيزتي 🌹❤

ديرينا فرش المكياج كل وحدة لواش نستعملوها

يقال انه دعوة 40شخص مستجابة إدعولي ربي نتزوج بأقرب وقت من الزوج الصالح وليكم سجدة فالكعبة إن شاء الله

سبحان الله تباني طليتي على ڨلبي ....والله حصلت واش نشري وعرسي قريب بزاف ....ربي يحفظك 😘😘😘

ضيعت بزاااف وقت و انا من قناة لقناة ، ما فهمتش كيفاش ما شفتكش قناتك قمة روعة تجاوبي على كل الأسئلة لي دور في رأسي 👍👍👍👍 برافو ما نسيتي حتى تفصيل الجودة ، السعر ، نصائح. و .... و.... ، يعطيك الصحة و ربي يوفقك 😍😍😍😍😍

يعتيك الخير تعيشي دريلنا هكا فيديوهات دريلنا مكياج للمبتدءات تعيشي نحبك نموت عليك

شرح مفصصصصل و خفيف طريف مرسي بزااااف يعطيك الصحة 😍😍😍😍🤤🤤🤤🤤

بصحتك حنونة نطلب منك توري النا لبسة تاع الخرجة ولبسة العقد وشكرا لك حنونة

كون ديريلنا برودوي تاع الشعر شعري تالف ومحبش يطوال 🥺🥺🥺

الله يبارك ديريلنا على منطقة حساسة والابط لتبيض مستعجلة وجربت. بزاف عفايس وشكرا

اول تعليق بلا مانشوف باينة بلي توووب 🥰🥰

سلام حنونة .مشتركة جديدة .عندي بشرتي جافة و فيها لي تاش و كلف واش من مركا تاع فوندوتان نقدر نديرها وشكرا

اول مرة نكتشف القناة انتاعك وابونيتك بلا ما نخمم ما شالله حبيبتي بالتوفيق

من فضلك واش لي فوندوتان لملاح للبشرة الجافة

اختي المجموع وشحال انا رايحا نفتاح حلاقه أو معرفهاش شنهي نشري 😢😢❤❤

رح نبدا نجهز ان شاء الله وأول وحدة راني نهز عليها نتي ادعولي ربي يكملي ويسهلي وربي يرزق كل وحدة بالزوج الصالح

عندي 29 سنة ومنعرفش ندير ميكب معادا روتوش صغار إلينار ماسكارا وغوج بس وكشفت هاذ الفيديو زادت تلفتلي راني نعوم علمينا نمكييو حبيبتي نور ،نصدمت ڨاع هاذا ميكب😱😱😱😱

ديري على كوريكتر تصحيح هالات سوداء وعلى هذا الموضوع

بالصدفة لقيت لفيديو تاعك واستفدت بزااااف بزااااف كنت محتاجة صح وحدة تنصحني باش نجهز ولقيت عندك كل شي .ربي يحفضك اختي ويعطيك ما تتمناي

شكرا هل برايمر يناسب كل انواع البشرة ؟؟؟ او كل برايمر حسب نوع البشرة؟؟ ماهو برايمر مناسب للبشرة الدهنية؟؟

مارسي بزااف اذا ممكن ديريلنا فيديو تشرحي فيه علثليبانسو او تع برونزر ا فاراجو نفرقو بيهم 😘😘😘

يعطيك الصحه حبيبتي والله غير سلكتيني في شحال من حاجه انا وحده 0 في المكياج الحمد الله كي تلاقيت بيك .ربي يبقي عليك الستر

انا مشتركة جديدة بزاف ستفدت منك الله يعطيك الخير بالتوفيق حبيبتي

حباباتي دعولي نتزوج هاد الصيف و نكون عروسة في زمن الكورونا هههه انا ختكم❤❤

فيديو توووب 😍 يعطيك الصحة هنا عرفت ليبري تاع ليبرودوي كامل وكل حاجة واستعمالاتها شكرا ⁦❤️⁩⁦❤️⁩

من فضلك فوندوتان واه ريبي غوز شريت رقم 3 ومجاتنيش قاع جايا غوز وانا خمرية ممكن تقوليلي شعال النيميرو لي يخرج عليا وهاذي تاع top face instyle ثاني ممكن تنصحيني بالرقم منعرفش والله انا خمرية

آلله يبارك عندك كوسميتيك يابن عمي😂😂 وعندك موسوعة عليهم انا عندي قلت مادرتش ماكياج وليت ندير اونتيسولاي و نخرج نخدم ههههه والف ياجدكم و دركة دخلت قلت نهز حويجات باه نشري للجهاز لقيت أنواع و اشكال حتى حسيت روحي مانيش أنثى ههههه شكرا حبيبتي على الافادة

شكرا حبيبتي طريقك توووووب في الشرح دريلنا حقيبة ليلة الزفاف تعيشي نحتاجها في أقرب وقت وأنواع اللباس العروسه شهرها الأول أمام الزوج انصحينا الله يحفظك ...مشكووورة على مجهوداتك

Hbiba Hdk bronzor derilo ma ward khalih f frijider yarj3 kima kan

مرسي حبيبتي نصائح تهبل والله كنت حايرة منين نبدا واش نشري واش نخلي لجهازي

منتجات revolution toooooop

حبيبتي كيفاها تركبي الرموش ممكن تردي دير فيديو 😍😍 توحشتك نتمى يدخلو عندي مشتركاتك نور

صحيتي حبيبة ربي يخليك فدتيني بزااف وحمبوك ختي لونتي ساغن لييعجبك تاع مايبلين شحال يدير

البنات شحال دير fond de teint Kiko please ?

ختي راني جهزت غي على افكارك بقالي ميكب مفهمتش هيلايتر بودر لقلتي 30 ميل وش من مارك

الزينة يعيطك الصحة على الفيديو ربي يوفقك

نور حبوبة عندي مشكل هههههههههه فالعيد حاجبي درت الرجينة فزدلي كي جيت نعدلو بالجال سورسيل محبش يحكم فاللحم وبقي ديفو يبان وانا يطولو حواجبي باش ينبتو كيفاه ندير 😔😔😔😔

Le fond de teint 😊😊 bonne continuation ❤ t'as une excellente explication😉 bravo🎩

شكرا على كل النصائح بارك الله فيك

Merci pour la video mais on dit un fondtain machi la

ربي يحفظك شحال كنت نحوس على فيديو هكا ولقيتك اول مرة نشوف قناتك ماشاء الله عليك

T3ichi 7annti le fond de tein feet me Ttmacha b ls numéro donc ma3rfrch wach mn num nechri sachant que ana fo9 hadhouk les blondes

بصحتك عمري كامل هايلين 💚 او كامل لاماغك دورجين ذوقك هايل كلعادة بلا منقولك 🌸💚 ربي يهنيك او وكتاه عرسك نور

فيكساتور تع غيفوليسو روعة روعة نستعملو

مرسي بزاف استفدت من عندك مالغري مانعرف والو في الماكياج ماعليهش برك تزيدي شوي في صوتك لان في الفيديو مايسمعش مليح

يعطيك صحة ربى يفرحك او مرا نتبعك عجبوني ليفيديو سيرتو كي تنصحينا من قلبك وتعمليلنا ليبري ربى يحفظك

مليون لايك من أجمل الفيديوهات يعطيك الصحة ختي

اختي كي تشري هكا بلياسر ميفسدولكش ولا كيفاه تخبيهم باش يقعدو يصلحو

Oukheti nheb bezaf les vidéos nta3ek ou tbani bzaaaaaf gentille bsah ma tza3fiche ki yqoulou lek segmi le français nta3ek parceque ça va te motiver a mieux parler français Allah ibarek tu maîtrise bien d'autres langues mais parler une langue de plus ça fait pas de mal moi-même je parle et j'écris bien anglais allemand espagnol et ça me dérange pas d'apprendre le français alors khoudhi hadhou les commentaire comme un encouragement pour améliorer ton français parceque locane le français t'intéresse pas locane ma hdartiche bih je t'envoie pleins de gros bisous et bon courage .

الفيديو لي كنت نستنا فيه بفارغ الصبر

ختي ديىيناوفيديو علي أنواع فرش المكياج او كل وحدة لواش نستعملوها من فضلك

ريفيو فيديو لبانسو مع سعر

🎉🎉🎉روعه روعه روعه روعه

رجاءا حبيبتي وين شربتي لي بانسو لاولين لي يجو في بوشات او واش اسم لامارك ديالهم

سلام لحبيبة ثاني كومونتار 🦋🦋🥰🥰

Khti wjhi sensibl w mixt wch nder fondotin ?? Primer

ختي تعيشي وشنو هي لمارك تع highlighter لي نصحتي بيه مقدرتش نقراها

أول مرة نشوف لا فيديو ديالك عجبتيني بزاااف

صحيت اختي للعزيزة الفيديو جا في وقتو او أستفدنا بزاف منو الله يحفضك ،اذا كان ممكن اختي حابين نعرفو لون البشرة تاعك ونوعها اذا مختلطة ودهنية ولا جافة،حبيت نطلب منك في الفيديو المقبل تحطينا ارقام الفوندوتان ليكيد والبودر،واي لون بشرة مناسبين سمراء ولا بيضاء،وأرقام الفاراجو ،والهايليتر واحمر الشفاه والفارني وباقي منتجات المكياج اللي وريتوهلنا .حابة نشري اذا ممكن تساعدينا أو حطيهملنا في صندوق الوصف،ارجو الرد اختي العزيزة وإنشاء يجعلها في مزان حسناتك

بعد هذا الشرح العميق لكني لم افهم بعد سبحان الله لا افهم من الماكياج

Dima ki thoti vidéo ndir j'aime 9bel manchoufeh pcq 3arfa sah nestfad menek w fih swalah chabin kifek ma belle 🤗 Merci beaucoup ma chérie t3alemt menek bezef swalah 😍 rabi yfarhek habibati 😘 je t'aime ♥️

كملي هكا بنت ولايتي ...تصويرك راقي و هدرتك تهبل

عجبتيني هدا الفيديو لكنت نحوس عليه مارسي عمري نموت عليك شرح و طريقة مليحه بزاااف خصني طريقة نزع الشعر حتا تروح الشعرة من الجذور

سلام حبيبتي نور تعيشي انا عروسة و مابقاليش بزاف نطلب منك دريلنا ليمارك تاع لبراي لينزع الشعر من المنطقة لحساسة تعيشي ربي يحفظك

مرسي اختي انا نعرق بزاف من وجهي ويفسدلي لمكياج وش نقدر ندير فيكساثور وكاش نصائح باه يعود وجهي مايعرقش جاوبيني تعيشي

Bonjour j'espère que vous allez bien est-ce que vous pouvez faire un maquillage pour la mariée s'il vous plaît j'ai mon mariage le 13 merci beaucoup

ختي ماعليش تقوليلي الرقم نتاع فوندوتان سوبر ستاي اللي تستعمليه، و اسكو يصلح للبشرة الخمرية كرهت الفوندوتان لي نجربها نلقاها روز

كلش ماشاء الله ، استفدت منك بزاف ربي يجازيك ألف خير

سلام حبيبتي يعطيك الصحة ربي يخليك من فضلك اعطيني احسن شمبوا شعري كي صبغت راه نشاف بزاف يتكسر ويتساقط ووقوليلي واش من مساك وسيروم ربي يسترك ويطيك ماتتمناي تعيشي

من فضلك صوريلنا كوفر الي دايرة فيه ماكياج الشفاف وبشحال ومنين وشكراااا

Ghebet 3likom nhar dareto me leheba 9oba 3la haja ma3endhach ma3ena dareto kamel hakda haja lwela la langue française c'est ne pas notre langue maternelle haja zaweja le français lokan jat denya dneya lokan marahich dor f dz ga3 w nour ga3 na3refo niveau dyalha w ana waheda khela3et kifach rpondat 3likom prcq hado machi men tbay3eha melakhar limaylhe9ch la3eneb y9ol 9ares 🍇🍇 nour hbibti yaw lokan dirilha i3adat tadwir l français w nrml 😂😂❤💋

Mahabatch takhraj la page t3ichi 9olili la dresse ta3 magasin merci

Merci hbibti t3ichi dirilna vidéo 3la les pinceaux kol wahd wach ndiro bih svp 😘

Salam ya3tik saha ma belle une remarque n9olo un fond de teint et le confinement merci BN crg

معلومات قيمة الله يبارك بصح أختي ما تقوليش لا فوندوتا " un fond de teint ) ,un beauty blinder machi la beauty blinder ma3a ihtirami alkabir

اكثر من استفادة شكرا حبيبتي😍😍😍😍😍😍💋🌹🌹

يعطيك الصحة شرح كافي ووافي ❤️

Ta3 golden rose 300da original Ida non 9ooili chehal idir l'origine sinon thblyy jtdrrr😍

واش تنصحيني ب فوندوتا ل انواع بشرة ! بسكو منعرفش نوع بشرتي !

يعطيك الصحة والله ستفدت بزاف خلاه شكرا على مجهودك حببتي 😘🥰

Hbbti nawarti saha aidkom yn3ad 3lina w 3likom b saha w lhna

انا عجبتني الصينية وين حطيتي فيها

ياعمري الله يسترك نسقسيك كي نشريو الماكياج نلقاو انه تخلص صلاحيته 6اشهر او عام او ... يعني نقدر نسعملو اكثر من المدة هادي ولا كيفاه نشري ليمارك ويغيضوني نطيشهم خاطر منستعملوش بزاااف

الله يعطيك الف صحه وهنا على اهتمامك

3djbtni bzaf présentation ta3 tés vidéo c très beau bonne continuation 💖

اوه اوه استفدت بزاف....وسخفتيني يا اختي باش نشري دورك غدوة نقول لراجلي يرفهني ....ههههه والله غير معندي والو...

مساء النور عمري نحبوك بزاف وتع not فيه سيلكوم شكرولي فيه جاوبني تعيشي

شكرا على الفيديو كنت نسنى فيه ربي يبارك فيك❤❤

منعرفش ندير مكياج وعرسي قريب راني نخمم كفاش ندير

Nour habobti dirina wasafat tabi3iya ltabyid w tatwil cha3r svp bb

أكثر فيديو عجبني شكرا جزيلا❤❤❤❤

سلام حبيبتي حبيت نسقسيك بويسك فونديشن لدخلت على جالو مقلتيش بري تاعو هذاك توب فايس بليز انسر مي قللي شحال يكون يدير و شكرا ⁦❣️⁩🙃

Lah ybarek tfahmi raya continue

فيديو يهبل راكي في القمة

ههههههههه اول مرة نشوفك حسبتك جيجلية سبحان الله حوست منين لقيتك من تلمسان عندنا نفس لاكسو

7bbty wach lfar9 bin natural look w bin soft matte f ruby rose

نور نسيتني ديريلي تعليقي فى الفيديو الجاي باش لبنات يجو عندي 😪