الله يجازيك بالخير ، الفيديو ديالك هو الوحيد لي حسسني بالراحة ، كنت كنكلف على راسي و معذبة بخاسني قفاطن و تكاشط و جلاالب و انا على قد الحال و كنحس براسي مقصرة .. ولكن ملي شفت الفيديو ديالك رتاحيت و عرفت راسي غا كنرون أهم حاجة نشري غير الحاجة الضرورية صافي 👍🏻💖 شكرا اختي و الله يوفقك و يفتح عليك
الله يبارك فيك اختي .. ما بقيتش عاقلة شحال كلفني بالظبط و لكن راه داكشي الي خديت رخيص و ما غاليش بزاف ..مثلا تكشيطة خديتها غير ب 700 درهم و القفطان كذلك نفس الثمن .. جلالب خديتهم ب 500 درهم للوحدة
اختي كلشي مقدر و مكتوب و الزواج ماشي هو كل شي في هاد الحياة الإنسان يحمد ربي على الصحة هذا اهم شيء و حتى لو كبرتي يمكن يكتب لك ربي زواج في يوم من الأيام الواحد فينا عمرو يفقد الأمل الله يكتب لك الخير حبيبتي
@@mariafariss2228 مرحبا لالة الله يكمل بالخير لبنتك و يرزقها السعادة و الذرية الصالحة .. اختي جلالب خديتهم ب 500 درهم لوحدة ..تكشيطة شريتها ب 700 درهم و كاع جهازي خديتو من قيسارية الحفاري في كازا .. تما كاينة السلعة بزاف و بزاف الاختيارات و ما تنساش ضروري شوية تشطار
كترتي من صبابط د الحضور بلا فايدة ناس كتخد حاجة وحدة كتمشي مع قفطان و التكشيطة و حتا صيكان ديالهم حيت كاع مكيتحتاجو و كترتي من البطوفات داك شي كون درتي بيه بيجامات و سمحيلي اما كسيوات هادوك حتا تمشي لدارك مكيمسيش مع الجهاز ديري فبلاصتهم تحتية بالراندة لي ضروورية راك مدرتيش كاع الراندة حاجة اساسية
والله اختي ما عقلتش بالظبط شحال كلفني ولكن راه المشتريات كلها الي خديت رخيييصة و ما كلفاتنيش بزاف ..مثلا تكشيطة خديتها ب 700 درهم و جلالب 500درهم للوحدة ..القفطان 650 درهم والباقي كلو رخيص
سلام حبيبتي .عدنا نفس شيء في الجزائر . لكن الفرق بينا انو العرائس في الجزائر يشروا البسة بزاف يعني تخرج من دار بباها ب 6 و لا أكثر من الفاليزات إضافة إلى الفراش من كوفرطات و كوات طلامط زرابى و الأكثر من ذلك الذهب يعني الذهب من الاوليات يعني إرهاق مالي و جسدي . المهم ربي يسخر ليك اختي و يفرحك بزوجك و بالذرية صالحة
ربي يخليك اختي الغالية.. سبحان الله كل بلد و تقاليدو هنا في المغرب كل واحد كيمشي على قد جيبو كاين عرايس يشريو اكثر بكثير من هاد شي الي شريت. بالنسبة للافرشة عندنا في المغرب الزوج الي يتكلف بيهم ماشي الزوجة إلا بعض الهدايا الي كيجيو العروسة من افرشة و ديكورات للبيت ولكن ماشي العروسة الي كتشريهم.. في الاخير هادشي كله يبقى غير شكليات الأهم انه الزوجان يعيشو في هنا و راحة بال و يكونو متفاهمين.. الله يصلح بين أزواج المسلمين يا رب
