صج حبيبتي انا عندي توام كان عندهم تاخر النطق وتبعت عند لورطوفونيست والطبيبة النفسية مدة 4سنوات والحمد لله وهذا التاخر تكون نتيجة تاعو صعوبة التعلم اولادي هذ العام عاودو سنة الثانية والحمد لله ربي يحفظهم
ام ساجد حاولي متزربيش فالهدرة باش توصلي تجربتك وتمدي النصيحة بشكل أفضل متزعفيش مني بصح راني وحدة مالامهات الي تعاني من هاد المشكل مع انو بنتي عندها عامين وسبع اشهر وتهدر شوية بصح الحروف متنطقهمش مليح كاين لي ميفهموهاش
سلام انا عانيت من نفس الاشياء مع ابني، و الحقيقة انو في 6 سنوات كان تطور تطور رائع. لكن نصيحة ما تتلقيش روحك معاه (يعني حنا كامهات نفرحو بالتطور تاعو و نتلقو رواحنا شويا فشوش، تليفون ....) درك فالمراهقة راحوا عاود بدا يصعاب معايا
يا أم ساجد أفيديني على حسب تجربتك انا بنتي عندها تأخر فالنطق ماهدرتش بكري لكن تندمج وذكية وتلعب تحب الاطفال شاطرة حتى فالمنزل منظمة وتعاوني وحاطة بالها مع خوها صغير هل راهي في نفس حالة ساجد يعني بنتي مشكلتها الوحيدة هي الهدرة ماهدرتش بكري دؤوك عندها 5 سنين هدرتها كيما 3 سنين وعندها مشكل في مخارج الحروف انا مانتبهتش لمشكلتها غير العام لي فات ودخلتها للمسجد وساعدها بزاف تعلمت بزاف والسنة تحضيري الحمد لله كاين تحسن ملحوظ تنصحيني بالارطوفونيست؟ ولا نكمل معاها وحدي رايحة تدخل تخضيري فالروضة
السلام عليكم ام ساجد من فظلك جاوبيني ...ساجد كي كان في سن 3سنوات ودخلتيه لاكراش ماكانش يهدر والو ولا يهدر كلمات و جمل بسيطة؟ بنتي عامين و 8اشهر اشهر ما تهدرش كلش راني في حيرة واش ندير معاها
يا ام ساجد انا ابني عنده مخارج الحروف صحيحة لكن مزال ناقص في بناء حوار كامل ومفهوم راه سنة اولى ابتدائي الكتابة عذبني ماحبش يتعلم الحروف يلا عندك طريقة لي تبعتيها مع ساجد افيدينا ❤❤
يا اختي ام ساجد واش نقولك جيتيني فالوقت المناسب 😭 😭 طحتيلي فلجرح ، ابني خرجوهلي أو بالأصح طردوهلي من زوج ليكراش في ظرف3ايام لانه عنده فرط الحركة وصعوبة فالنطق والأمر من ذلك أنه أصبح عنيف وانا السبب في ذلك كان ولدي عاقل ولطيف ويبغي الاطفال ويلعب معاهم لكن في هذي الآونة ولد خاله صغير عليه ولا يضربه وهو يبقى يتفرج عليه برك انا بغيت نشطه ونقفزه قتله ماتخليش الاطفال يضربوك دافع على نفسك وياريتني ماقلت الطفل أصبح عدواني وعنيف يضرب اي واحد يجي في طريقه والاولياء ولاو يشتكوا اضطروا يوقفوهلي ، وانا خدامة مالقيتش عندمن نخليه وخايفة عليه فالمستقبل مايقراليش ، والله راني في حالة يعلم بيها غير ربي مقابلاته ونبكي ، الي تفوت منا تدعيلي ربي يصلح حال ابني واذا عندكم حل باش ينقص العنف انصحوني والله عييت نهدر وسييت معاه عدة طرق مانفعتش معاه😢😢😢
ام ساجد حبيت نسقسيك ساجد كي كان عامين واش كان يقول كلمات ...انا لي قلتلك خايفة ندي ابني للطبيب خفت التوحد اديتو البارح الحمد لله قالتي مشي توحد قالتي مزال صغير انا ديتو لبيدياتر هي لي نصحتني قالتلي عامين مش تاع ارطوفونيست قالتلي لازم تعلميه التواصل قالتلي مايهمش النطق قدر مايهم الفهامة انا ضك منيش عرفة واش ندير معاه اول حاجة نحيتلو التلفزيون ونلعب معاه
